T20 WC 2024: ICCએ ઈનામી રકમની કરી જાહેરાત, વિજેતાને ટીમ મળશે આટલા કરોડ રૂપિયા

T20 WC :ICC T20 વર્લ્ડકપ 2 જૂનથી શરૂ થયો છે. અમેરિકા અને વેસ્ટ ઈન્ડિઝ દ્વારા આયોજિત આ ટુર્નામેન્ટમાં 20 ટીમો રમી રહી છે. T20 વર્લ્ડકપના ઈતિહાસમાં આ પહેલીવાર છે જ્યારે આટલી બધી ટીમો એકસાથે ભાગ લઈ રહી છે. આ ટીમોને 5-5ના ચાર ગ્રૂપમાં વહેંચવામાં આવી છે. દરમિયાન, ICCએ આ ટૂર્નામેન્ટ માટે ઈનામી રકમ(T20 World Cup Prize Money)ની જાહેરાત કરી છે. આ વખતે T20 વર્લ્ડકપનો ખિતાબ જીતનાર ટીમને ઐતિહાસિક ઈનામી રકમ મળશે.

ICCએ ઈનામની રકમ જાહેર કરી

આ વખતે ICC કુલ 11.25 મિલિયન ડોલર ઈનામી રકમ આપશે . ICCએ 2022 T20 વર્લ્ડકપ 2022 માટે કુલ ઈનામની રકમ 5.6 મિલિયન યુએસ ડોલર રાખી હતી. પરંતુ આ વખતે ICCએ તેને બમણું કરી દીધું છે. આ વખતે વિજેતા ટીમને $2.45 મિલિયન (USD) આપવામાં આવશે. જે ભારતીય રૂપિયામાં લગભગ 20 કરોડ રૂપિયા છે. જ્યારે રનર્સ અપ ટીમને $1.28 મિલિયન આપવામાં આવશે. જે ભારતીય રૂપિયામાં અંદાજે 10.50 કરોડ રૂપિયા છે. 2022માં ટાઈટલ જીતનાર ઈંગ્લેન્ડને લગભગ 13 કરોડ રૂપિયા મળ્યા હતા જ્યારે રનર અપ રહેલા પાકિસ્તાનને 6.44 કરોડ રૂપિયા આપવામાં આવ્યા હતા.

હારનાર ટીમોને મળશે આટલી રકમ

આ વખતે સેમીફાઈનલમાં હારનાર ટીમોને મોટી ઈનામી રકમ પણ મળશે. સેમિફાઇનલમાં હારનાર ટીમને 6.55-6.55 કરોડ રૂપિયા આપવામાં આવશે. તે જ સમયે, સુપર-8માં સમાપ્ત થનારી ટીમોને 3.18 કરોડ રૂપિયા આપવામાં આવશે. બીજી તરફ ગ્રુપ સ્ટેજમાં ત્રીજા સ્થાને રહેનારી ટીમોને 2.06 કરોડ રૂપિયા મળશે. આ સિવાય તમામ ટીમોને 1.87 કરોડ રૂપિયા આપવામાં આવશે. તે જ સમયે, સુપર-8 સુધી દરેક મેચ જીતવા માટે, ટીમને 25.9 લાખ રૂપિયા મળશે.

આ પણ  વાંચો  - T20 World Cup પહેલા ટીમ ઈન્ડિયાના આ સ્ટાર ખેલાડીએ કરી નિવૃત્તિની જાહેરાત

આ પણ  વાંચો  - ગ્રાન્ડમાસ્ટર Praggnanandhaa એ વિશ્વના બીજા નંબરના ખેલાડીને આપી મ્હાત, Gautam Adani એ કરી પ્રશંસા…

આ પણ  વાંચો  - IPL 2025: મેગા ઓક્શનમાં ફક્ત આટલા ખેલાડીઓને જ કરી શકાશે રિટેન