Cricket : ક્રિકેટના ઇતિહાસમા પહેલી વખત આ ટીમ કરશે પાકિસ્તાનનો પ્રવાસ

Cricket:પાકિસ્તાન ક્રિકેટ( Pakistan Cricket Team)હાલમાં આયર્લેન્ડના (IRELAND)પ્રવાસે છે. T20 વર્લ્ડ કપ 2024ની તૈયારી માટે બંને ટીમો વચ્ચે 3 મેચની T20 સિરીઝ રમાઈ રહી છે. આ સીરીઝ પછી એક મોટા સમાચાર સામે આવ્યા છે. પાકિસ્તાન આગામી વર્ષે ઓગસ્ટ-સપ્ટેમ્બરમાં એવી ટીમની યજમાની કરી શકે છે જેણે એક પણ વખત પાકિસ્તાનનો પ્રવાસ કર્યો નથી. આ એક ઐતિહાસિક પ્રવાસ બનવા જઈ રહ્યો છે. આ પ્રવાસ માટે ક્રિકેટ બોર્ડ દ્વારા જાહેરાત કરવામાં આવી છે.

આ ટીમ પ્રથમ વખત પાકિસ્તાનનો પ્રવાસ કરશે

આયર્લેન્ડની પુરૂષ ટીમ પ્રથમ વખત પાકિસ્તાનના પ્રવાસ માટે તૈયાર છે. આયર્લેન્ડ ક્રિકેટ બોર્ડે પુષ્ટિ કરી છે કે તેમની પુરુષ ટીમ 2025માં પ્રથમ વખત પાકિસ્તાનનો પ્રવાસ કરશે. આયર્લેન્ડે સોમવારે એક નિવેદન બહાર પાડીને સંકેત આપ્યો છે કે તેઓ આવતા વર્ષે ઓગસ્ટ-સપ્ટેમ્બરમાં પાકિસ્તાનમાં શ્રેણી રમી શકે છે, જોકે શેડ્યૂલ હજુ જાહેર કરવામાં આવ્યું નથી. તમને જણાવી દઈએ કે PCB અધ્યક્ષ મોહસિન નકવી હાલ આયર્લેન્ડમાં છે. અહીં તે ક્રિકેટ આયર્લેન્ડના પ્રમુખ બ્રાયન મેકનીસને મળ્યો, ત્યારબાદ આ નિર્ણય લેવામાં આવ્યો.

👉 HISTORIC TOUR

Ireland Men to tour Pakistan for the first time in 2025. This follows Ireland Women's first tour to the country in 2022 and was agreed at a meeting yesterday.

Learn about this news here: https://t.co/FZGTp8WhrQ#BackingGreen ☘️🏏 pic.twitter.com/YbMiavLAfo

— Cricket Ireland (@cricketireland) May 13, 2024

ક્રિકેટ આયર્લેન્ડે પ્રેસ રિલીઝ જાહેર કરી

ક્રિકેટ આયર્લેન્ડે પાકિસ્તાન પ્રવાસ માટે પ્રેસ રિલીઝ જાહેર કરી છે. એક અખબારી યાદીમાં, ક્રિકેટ આયર્લેન્ડના અધ્યક્ષ બ્રાયન મેકનીસે કહ્યું: “અમે રાષ્ટ્રપતિ નકવીને ડબલિનમાં આવકારતાં આનંદ અનુભવીએ છીએ અને ખૂબ જ ફળદાયી બેઠક મળી છે. આયર્લેન્ડમાં PCB અધ્યક્ષની હાજરીની ખૂબ પ્રશંસા કરવામાં આવી હતી અને તે બંને બોર્ડ વચ્ચેના મજબૂત સંબંધોનું સૂચક છે. હું ખૂબ જ ખુશ છું કે અમે આવતા વર્ષે પુરૂષોની ટુર માટે સંમત થયા હતા. વર્ષ 2022માં અમારી મહિલા ટીમના પાકિસ્તાન પ્રવાસ બાદ આ એક ઐતિહાસિક પ્રવાસ હશે.

ત્રણ મેચની ટી-20 શ્રેણી 1-1થી બરાબરી પર છે

આયર્લેન્ડ અને પાકિસ્તાન વચ્ચે રમાઈ રહેલી ત્રણ મેચની T20 સિરીઝ હાલમાં 1-1 થી બરાબર છે. આયર્લેન્ડ શ્રેણીની પ્રથમ મેચ જીતવામાં સફળ રહ્યું હતું. આ સાથે જ પાકિસ્તાને બીજી મેચ જીતીને પુનરાગમન કર્યું અને શ્રેણી 1-1થી બરાબર કરી લીધી. હવે શ્રેણીની છેલ્લી મેચ આજે રમાશે. આ મેચ ભારતીય સમય અનુસાર સાંજે 7.30 વાગ્યે શરૂ થશે

આ પણ  વાંચો - Netherlands SQUAD : T20 વર્લ્ડ કપ માટે નેધરલેન્ડે ટીમની જાહેરાત,આ ખેલાડીનું પત્તુ કપાયું

આ પણ  વાંચો - GT vs KKR: વરસાદે ગુજરાત ટાઇટન્સનું સપનું ધોયું, GT નિરાશા સાથે પ્લેઓફમાંથી બહાર

આ પણ  વાંચો - RCB VS DC : RCB ની પ્લેઓફમાં પહોંચવાની આશાઓ યથાવત, દિલ્હી સામે મળી BOLD VICTORY