Asian Games 2023 : છઠ્ઠા દિવસે ભારતે જીત્યા ગોલ્ડ-સિલ્વર, મહિલા-પુરુષ ટીમે શૂટિંગમાં જીત્યા મેડલ
શિયન ગેમ્સનો આજે છઠ્ઠો દિવસ છે. ચાઈનમાં હાલ આ ગેમ્સ યોજાઈ રહી છે. જેમાં ભારતનું પ્રદર્શન શાનદાર જોવા મળી રહ્યું છે. ભારતને છઠ્ઠા દિવસે શૂટિંગમાં બે મેડલ મળ્યા છે. 50 મીટર રાઇફલ 3 પોઝિશન મેન્સ ટીમ ઇવેન્ટમાં ગોલ્ડ મેડલ જીત્યો. તે જ સમયે, ભારતે 10 મીટર એર પિસ્તોલ મહિલા ટીમ ઈવેન્ટમાં સિલ્વર જીત્યો હતો. આ સાથે હવે કુલ મેડલની સંખ્યા 27 થઈ ગઈ છે. અગાઉ ગેમ્સના પાંચમા દિવસ સુધી ભારત છ ગોલ્ડ, આઠ સિલ્વર અને 11 બ્રોન્ઝ સાથે પાંચમા સ્થાને હતું. હવે ભારત પાસે સાત ગોલ્ડ, નવ સિલ્વર અને 11 બ્રોન્ઝ છે.
શૂટિંગમાં ગોલ્ડ જીત્યો
ઐશ્વર્ય પ્રતાપ સિંહ, સ્વપ્નિલ અને અખિલની ત્રિપુટીએ શૂટિંગમાં અજાયબીઓ કરી હતી. ત્રણેય સાથે મળીને 50 મીટર રાઇફલ 3 પોઝિશન મેન્સ ટીમ ઇવેન્ટમાં ગોલ્ડ મેડલ જીત્યો. ત્રણેએ મળીને 1769નો સ્કોર કર્યો. ચીનની લિનશુ, હાઓ અને જિયા મિંગની જોડીએ સિલ્વર મેડલ મેળવ્યો હતો. આ સાથે જ કોરિયન ખેલાડીઓએ બ્રોન્ઝ મેડલ જીત્યો હતો.
ભારતે 10 મીટર એર પિસ્તોલ મહિલા ટીમ ઈવેન્ટમાં સિલ્વર મેડલ મેળવ્યો
ભારતને શૂટિંગમાં વધુ એક મેડલ મળ્યો છે. ભારતે 10 મીટર એર પિસ્તોલ મહિલા ટીમ ઈવેન્ટમાં સિલ્વર મેડલ જીત્યો હતો. ભારતીય મહિલા ટીમની ખેલાડીઓ ઈશા સિંહ, પલક અને દિવ્યાએ અજાયબી કરી બતાવી. આ ત્રણેયે એશિયન ગેમ્સની વર્તમાન આવૃત્તિમાં દેશને તેનો 26મો મેડલ અપાવ્યો હતો. ઈશા સિંહ, પલક અને દિવ્યાની ટીમ 1731-50xના સ્કોર સાથે બીજા ક્રમે રહી હતી. ચીનની રેન્કસિંગ, લી અને નાનની જોડીએ ગોલ્ડ કબજે કર્યો હતો.
ટેનિસની મેન્સ ડબલ્સમાં સિલ્વર મેડલ જીત્યો
રામકુમાર રામનાથન અને સાકેત માયનેનીની ભારતીય જોડીએ ટેનિસની મેન્સ ડબલ્સમાં સિલ્વર મેડલ જીત્યો છે. ભારતીય જોડીને ફાઇનલમાં ચીની તાઇપા સામે 4-6, 4-6થી હારનો સામનો કરવો પડ્યો હતો.
પીવી સિંધુનો પરાજય
પીવી સિંધુ થાઈલેન્ડની ચોચુવોંગ સામે ત્રણ મેચમાં હારી ગઈ હતી. તેણીનો 21-14, 15-21, 14-21થી પરાજય થયો હતો. થાઈલેન્ડ સામેની આ ક્વાર્ટર ફાઈનલ મેચમાં ભારત 0-1થી પાછળ છે.
આ પણ વાંચો -WORLD CUP 2023 માટે ભારતે ટીમની કરી જાહેરાત, આ સ્ટાર ખેલાડીને પડતો મુકાયો