Ram Mandir Darshan : રામ મંદિરમાં ભીડને લઈ તીર્થ ક્ષેત્ર ટ્રસ્ટ દ્વારા મોટો નિર્ણય
Ram Mandir Darshan : શ્રી રામ જન્મભૂમિ તીર્થ ક્ષેત્ર ટ્રસ્ટ દ્વારા રામ મંદિરમાં ભગવાન રામની આરતી અને દર્શનના (Ram Mandir Darshan) સમય વિશે માહિતી આપવામાં આવી છે. પ્રાણ પ્રતિષ્ઠા બાદ ભક્તોની ભારે ભીડને ધ્યાનમાં રાખીને ટ્રસ્ટે સમય યાદી બહાર પાડી છે. જેમાં શ્રૃંગાર આરતીથી લઈને શયન આરતી સુધીની સંપૂર્ણ માહિતી આપવામાં આવી છે. શ્રૃંગાર આરતી સવારે 4:30 કલાકે થશે.
વિશ્વ હિન્દુ પરિષદના પ્રાંતીય પ્રવક્તા અને મીડિયા પ્રભારી શરદ શર્માના જણાવ્યા અનુસાર, શ્રી રામ લલ્લાની શ્રૃંગાર આરતી સવારે 4.30 વાગ્યે અને મંગળા આરતી સવારે 6.30 વાગ્યે થશે. આ પછી ભક્તો (Ram Mandir Darshan) સાત વાગ્યાથી દર્શન કરી શકશે. તેમણે કહ્યું કે ભગવાન રામની ભોગ આરતી બપોરે 12 વાગ્યે થશે. આ પછી સાંજની આરતી સાંજે 7.30 કલાકે, ભોગ આરતી રાત્રે 8 કલાકે અને શયન આરતી રાત્રે 10 કલાકે થશે.
भगवान श्री रामलला सरकार के दिव्य दर्शन - श्री राम जन्मभूमि मंदिर, अयोध्या धाम
माघ कृष्ण प्रतिपदा, विक्रमी संवत् २०८०
Divya Darshans of Bhagwan Shri Ram Lalla, Shri Ram Janmabhoomi Mandir, Ayodhya Dham
Magha Krishna Pratipada, Vikrami Samvat 2080 pic.twitter.com/MeD9Y4OI2a
— Shri Ram Janmbhoomi Teerth Kshetra (@ShriRamTeerth) January 26, 2024
આપને જણાવી દઈએ કે રામ લલ્લાના પ્રાણ પ્રતિષ્ઠા બાદ અયોધ્યામાં ભક્તોનું પુર આવ્યું છે. ભગવાન રામના દર્શન માટે દરરોજ મોટી સંખ્યામાં ભક્તો આવી રહ્યા છે. પ્રાણ પ્રતિષ્ઠા બાદ પહેલા જ દિવસે રામ મંદિર ભક્તોથી ભરાઈ ગયું હતું. ભીડ એટલી વધી ગઈ હતી કે મંદિર મેનેજમેન્ટને તેમને સંભાળવામાં મુશ્કેલીનો સામનો કરવો પડ્યો હતો.
પ્રાણ પ્રતિષ્ઠા પછીના પહેલા જ દિવસે પાંચ લાખ ભક્તોએ દર્શન કર્યા
પ્રાણ પ્રતિષ્ઠા પછીના પહેલા જ દિવસે મંગળવારે પાંચ લાખ ભક્તોએ દર્શન કર્યા હતા. અયોધ્યામાં Ram Mandir Darshan એકઠી થયેલી ભીડ વચ્ચે ઉત્તર પ્રદેશના મુખ્યમંત્રી યોગી આદિત્યનાથે પણ શ્રી રામ જન્મભૂમિ મંદિર પરિસરનું નિરીક્ષણ કર્યું હતું. તેમણે સંતો અને ભક્તો માટે રામલલાના સરળ અને સુવિધાજનક દર્શન માટે તમામ જરૂરી વ્યવસ્થા કરવા સંબંધિત અધિકારીઓને સૂચના આપી હતી.મંદિરમાં દર્શન માટે બનાવેલ એક્ઝિટ-એન્ટ્રી પ્લાન હેઠળ, રામ જન્મભૂમિ પથથી આવતા ભક્તોએ પહેલા તેમના સામાનનો એક્સ-રે ચેક કરાવવો પડશે. અહીંથી તેમને અન્ય સુવિધામાં લઈ જવામાં આવી રહ્યા છે, જ્યાં સામાન રાખવા માટે 8000 લોકર બનાવવામાં આવ્યા છે.
લોકર સાથેના કેન્દ્ર પછી, ભક્તોએ સુરક્ષા તપાસ માટે જવું પડશે, ત્યારબાદ તેમને મંદિરમાં જવાની તક મળશે. બહાર નીકળવાના સમયે, તેમને દાન પેટીમાં પૈસા જમા કરવાનો વિકલ્પ આપવામાં આવી રહ્યો છે. અહીં પ્રસાદ પણ મળે છે. ભક્તોને મંદિર પરિસરના પાછળના ભાગમાંથી બહાર નીકળવાની વ્યવસ્થા કરવામાં આવી રહી છે.બહાર નીકળતા પહેલા લોકો પાસેથી લોકરની ચાવી લેવામાં આવી રહી છે અને તેમનો સામાન તેમને આપવામાં આવી રહ્યો છે. એક્ઝિટ ગેટ અસ્થાયી મંદિર અને રામ પથની બહાર નીકળવા સાથે જોડાયેલ છે, જ્યાં લોકો બહાર આવવા માટે ત્રણ લાઇન બનાવવામાં આવી છે.
20 જાન્યુઆરીથી મંદિરનું નિર્માણ અટકી ગયું છે. રાજ્ય સરકારે વીવીઆઈપીઓને અયોધ્યા આવતા પહેલા સરકારી અધિકારીઓને જાણ કરવા કહ્યું છે, જેથી વ્યવસ્થા કરી શકાય. પીએમએ કેબિનેટના સભ્યોને માર્ચ સુધી મંદિરની મુલાકાત ન લેવા પણ કહ્યું છે.
આ પણ વાંચો - Akhilesh Yadav : વિપક્ષ કેવી રીતે NDA ને હરાવશે, અખિલેશ યાદવે કર્યો ખુલાસો…