અમદાવાદના વાતાવરણમાં જોવા મળ્યો પલટો, સવારથી જ જોવા મળ્યું વાદળછાયું વાતાવરણ

રાજ્યમાં છેલ્લા ઘણા સમયથી ભીષણ ગરમી પડી રહી છે. સવારથી જ ગરમી એટલી વધી જાય છે કે લોકો કારણ વિના ઘરની બહાર પણ નીકળતા નથી. વળી જો બપોરની વાત કરીએ તો રોડ-રસ્તા જાણે કર્ફ્યુ હોય તેમ સૂમસામ જોવા મળે છે. જોકે, આજના વાતાવરણને જોયા બાદ એ સ્પષ્ટ છે કે જલ્દી જ લોકોને ગરમીથી રાહત મળી જશે. બીજી તરફ ચોમાસાને લઇને હવામાન નિષ્ણાંત અંબાલાલ પટેલે પણ આગાહી કરી છે. જે મુજબ આ વર્ષે ચોમાસાનો વરસાદ સારો રહેશે.