કાલે પેલેસ્ટાઈનની બેગ, આજે બાંગ્લાદેશની; આખરે શું સાબિત કરવા માંગે છે Priyanka Gandhi?
- પ્રિયંકા ગાંધીના પેલેસ્ટાઈન બેગનો નવો વળાંક
- બાંગ્લાદેશના હિંદુઓ માટે પ્રિયંકાનો મક્કમ જવાબ
- ભાજપના તુષ્ટિકરણના આક્ષેપો સામે કોંગ્રેસનો પ્રતિપ્રશ્ન
- પ્રિયંકા ગાંધીની નવી બેગથી રાજકીય ચર્ચા તેજ
- બાંગ્લાદેશના લઘુમતીઓ માટે પ્રિયંકાનો વિરોધ પ્રદર્શન
- પેલેસ્ટાઈનથી બાંગ્લાદેશ સુધીનો મુદ્દો ગરમાયો
- કૉંગ્રેસના સાંસદોનો લઘુમતીઓ માટે મજબૂત સંદેશ
Priyanka Gandhi with Bangladesh Bag : સોમવારે વાયનાડના સાંસદ પ્રિયંકા ગાંધી પેલેસ્ટાઇન લખેલી બેગ સાથે સંસદમાં પહોંચ્યા હતા. જે રાજ્યસભા અને લોકસભામાં ચર્ચાનું કેન્દ્ર બની ગયું, તો બીજી બાજુ ભાજપના સાંસદોએ તેમના પર આકરા પ્રહારો પણ શરૂ કરી દીધા. ભાજપે આ ઘટનાને તુષ્ટિકરણ સાથે જોડતા પ્રિયંકા ગાંધી (Priyanka Gandhi) ને ઘેરવાનો પ્રયાસ કર્યો હતો. અનુરાગ ઠાકુર સહિતના નેતાઓએ આરોપ લગાવ્યો કે પ્રિયંકા ગાંધી (Priyanka Gandhi) બાંગ્લાદેશમાં હિંદુ અને ખ્રિસ્તી લઘુમતીઓ પર થતા અત્યાચાર અંગે મૌન છે, જ્યારે મુસ્લિમ સમર્થન માટે પેલેસ્ટાઇન મુદ્દો ઉઠાવી રહી છે. પરંતુ હવે આ ઘટનાએ નવો વળાંક લીધો છે.
બાંગ્લાદેશના હિંદુઓ માટે પ્રિયંકાનો જવાબ
મંગળવારે, પ્રિયંકા ગાંધી (Priyanka Gandhi) ફરી એક બેગ સાથે સંસદ પહોંચ્યા હતા, જેમાં લખેલું હતું, “બાંગ્લાદેશના હિંદુઓ અને ખ્રિસ્તીઓ સાથે ઊભા રહો.” આ બેગની તસવીરો તરત જ સોશિયલ મીડિયા પર વાયરલ થઈ રહી છે, અને લોકોએ તાત્કાલિક ચૂંટણી આંદોલનના સંદર્ભમાં તેને મહત્વપૂર્ણ ગણાવ્યું છે. કોંગ્રેસે આ માધ્યમથી ભાજપના તુષ્ટિકરણના આરોપોનો જવાબ આપવાનો પ્રયાસ કર્યો છે. ભાજપના સાંસદો સતત આક્ષેપ કરી રહ્યા હતા કે કોંગ્રેસ મુસ્લિમ સમર્થનમાં મોખરે છે અને હિંદુઓ પર થતી હિંસાને અવગણે છે. પ્રિયંકાએ બાંગ્લાદેશમાં હિંદુઓ અને ખ્રિસ્તીઓ પર થતા અત્યાચાર મુદ્દે સરકાર પાસે રજૂઆત કરી અને પડોશી દેશોમાં લઘુમતીઓ માટે કડક નીતિ અમલમાં લાવવા માંગ કરી.
बांग्लादेश में अल्पसंख्यकों, हिंदुओं और ईसाइयों पर अत्याचार की घटनाएं लगातार सामने आ रही हैं।
लेकिन मोदी सरकार इस मुद्दे पर खामोश है, कोई कदम नहीं उठा रही।
आज संसद परिसर में कांग्रेस के सांसदों ने प्रदर्शन कर, बांग्लादेश में हिंदुओं, ईसाइयों व अल्पसंख्यकों के संरक्षण की मांग… pic.twitter.com/L0EeofTcLI
— Congress (@INCIndia) December 17, 2024
કોંગ્રેસના સાંસદોની નવી હડતાલ
પ્રિયંકા ગાંધીની સાથે કોંગ્રેસના અન્ય સાંસદોએ પણ સમર્થન દર્શાવ્યું. તેઓ પણ "બાંગ્લાદેશના હિંદુઓ અને ખ્રિસ્તીઓનો સમર્થન કરો" લખેલી બેગ સાથે સંસદમાં પહોંચ્યા. વિપક્ષના સાંસદોએ સંસદ સંકુલની બહાર પ્રદર્શન કર્યું હતું. આ સાંસદોએ સરકાર પાસે પડોશી દેશમાં હિંદુઓ અને ખ્રિસ્તીઓ પર થઈ રહેલા અત્યાચારો સામે પગલાં લેવાની માંગ કરી હતી. આ લોકો પાસે 'બાંગ્લાદેશના હિંદુઓને સમર્થન કરો' લખેલા પ્લેકાર્ડ હતા અને સરકાર પાસેથી કાર્યવાહીની માંગ કરતા સૂત્રોચ્ચાર કરી અને પ્રદર્શન દ્વારા આ મુદ્દે જાગૃતિ લાવવાનો પ્રયાસ કર્યો.
તુષ્ટિકરણ વિરુદ્ધ કોંગ્રેસનો સંદેશ
આ સમગ્ર ઘટનાથી સ્પષ્ટ થાય છે કે કોંગ્રેસે ભાજપના તુષ્ટિકરણના આરોપોનો સામનો કરવા માટે આ વ્યૂહરચના અપનાવી છે. મુસ્લિમ સમર્થન માટે પેલેસ્ટાઇનનો મુદ્દો ઉઠાવવાથી ઘેરાતા, હવે કોંગ્રેસે હિંદુ અને ખ્રિસ્તી લઘુમતીઓના હક્કો માટે અવાજ ઉઠાવીને પોતાનું સમતોલ ધાર્મિક દ્રષ્ટિકોણ દર્શાવવાનો પ્રયાસ કર્યો છે. પ્રિયંકા ગાંધીનો આ અભિગમ તેમનાં રાજકીય સંદેશને વધુ મજબૂત બનાવે છે, અને આ મુદ્દે કોંગ્રેસ અને ભાજપ વચ્ચેની રાજકીય ગરમા-ગરમી આગામી દિવસોમાં વધુ ઉગ્ર બનવાની પૂરી શક્યતા છે.
આ પણ વાંચો: પ્રિયંકા ગાંધીની પેલેસ્ટાઈન બેગની ભારતમાં જ નહીં પડોશી દેશમાં પણ થઇ રહી છે ચર્ચા
