19024 ફૂટની ઊંચાઈ પર એરફિલ્ડ તૈયાર,સંરક્ષણ મંત્રીએ કર્યુ ઉદ્ધાટન

ચીનથી માત્ર 40થી 50 કિલોમીટર દૂર એરફોર્સનું એરફિલ્ડ બનાવવામાં આવી રહ્યું છે. ન્યોમામાં બનેલી આ વિશ્વની સૌથી ઊંચી એરસ્ટ્રીપનું ઉદ્ઘાટન સંરક્ષણ મંત્રી રાજનાથ સિંહે કર્યું હતું. રાજનાથ સિંહે મંગળવારે BRO દ્વારા રૂપિયા 2941 કરોડના ખર્ચે નિર્મિત 90 ઇન્ફ્રાસ્ટ્રક્ચર પ્રોજેક્ટ્સનું ઉદ્ઘાટન કર્યું અને રાષ્ટ્રને સમર્પિત કર્યું. આ પ્રોજેક્ટ્સ ઉત્તર/ઉત્તર-પૂર્વ ક્ષેત્રના દસ સરહદી રાજ્યો અને કેન્દ્રશાસિત પ્રદેશોમાં બાંધવામાં આવ્યા છે. પૂર્વ લદ્દાખમાં ન્યોમા એરફિલ્ડને વ્યાપક વ્યૂહાત્મક હવાઈ સંપત્તિ માટે રૂપિયા 218 કરોડના ખર્ચે વિકસાવવામાં આવશે.

BRO પૂર્વ લદ્દાખના વ્યૂહાત્મક ન્યોમા પટ્ટામાં આ એર ફિલ્ડનું નિર્માણ કરશે.

આ એરફિલ્ડના નિર્માણથી લદ્દાખમાં એર ઈન્ફ્રાસ્ટ્રક્ચરને નોંધપાત્ર રીતે વેગ મળશે. આપણી ઉત્તરીય સરહદો પર ભારતીય વાયુસેનાની ક્ષમતામાં વધારો થશે. છેલ્લા ત્રણ વર્ષમાં રોડ અને બ્રિજના નિર્માણમાં BROની વૃદ્ધિને કારણે ઘણા મહત્વપૂર્ણ અને વ્યૂહાત્મક પ્રોજેક્ટ્સ પૂરા થયા છે, જેનાથી અમારા પ્રતિસ્પર્ધીઓ સામે અમારી સંરક્ષણ સજ્જતા મજબૂત બની છે. BRO પૂર્વ લદ્દાખના વ્યૂહાત્મક ન્યોમા પટ્ટામાં આ એર ફિલ્ડનું નિર્માણ કરશે. આ વિશ્વનું સૌથી ઊંચું એરફિલ્ડ હશે. વ્યૂહાત્મક રીતે આ ખૂબ જ મહત્વપૂર્ણ માનવામાં આવે છે. કારણ કે તેના નિર્માણથી LACની નજીક ફાઇટર ઓપરેશન શક્ય બનશે. અત્યાર સુધી, ન્યોમા એડવાન્સ લેન્ડિંગ ગ્રાઉન્ડનો ઉપયોગ 2020 થી ચીન સાથે ચાલી રહેલા સ્ટેન્ડઓફ દરમિયાન સૈનિકો અને અન્ય સાધનોના પરિવહન માટે કરવામાં આવે છે.

એરફિલ્ડના નિર્માણ બાદ લદ્દાખમાં એર ઈન્ફ્રાસ્ટ્રક્ચરને મોટો વેગ મળશે

ચિનૂક હેવી-લિફ્ટ હેલિકોપ્ટર અને C-130J એરક્રાફ્ટ પણ અહીંથી ટેકઓફ અને લેન્ડિંગ કરી રહ્યાં છે. હવે અહીં એક એવું એરફિલ્ડ બનાવવામાં આવી રહ્યું છે, જ્યાં ફાઈટર પ્લેન પણ લેન્ડ થઈ શકશે. આ એરફિલ્ડના નિર્માણ બાદ લદ્દાખમાં એર ઈન્ફ્રાસ્ટ્રક્ચરને મોટો વેગ મળશે અને આપણી ઉત્તરી સરહદો પર એરફોર્સની ક્ષમતામાં વધારો થશે. છેલ્લા બે વર્ષમાં, BRO એ 5100 કરોડ રૂપિયાના ખર્ચે રેકોર્ડ 205 ઈન્ફ્રાસ્ટ્રક્ચર પ્રોજેક્ટ રાષ્ટ્રને સમર્પિત કર્યા છે. ગયા વર્ષે, 2897 કરોડના ખર્ચે 103 BRO ઇન્ફ્રાસ્ટ્રક્ચર પ્રોજેક્ટ રાષ્ટ્રને સમર્પિત કરવામાં આવ્યા હતા. 2021 માં, 2229 કરોડ રૂપિયાના ખર્ચે 102 BRO ઇન્ફ્રાસ્ટ્રક્ચર પ્રોજેક્ટ રાષ્ટ્રને સમર્પિત કરવામાં આવ્યા હતા.

આ  પણ  વાંચો -રાજસ્થાનમાં ગમખ્વાર અકસ્માત, પુરપાટ ઝડપે દોડતી ટ્રકે બસને અડફેટે લેતા 11ના મોત