• વડાપ્રધાન મોદીની આતંકના આકાઓને સ્પષ્ટ ચેતવણી
• ભારતની આત્મા પર હુમલો કરવાનું દુ:સાહસ કર્યુઃ PM
• કલ્પના પણ નહીં કરી હોય એવી સજા આપીશુંઃ PM
• PM મોદીએ કહ્યું કે આતંકીઓને સજા મળશે જ: PM
• આતંકીઓની વધીઘટી જમીન મિટ્ટીમાં મિલાવીશુંઃ PM
• આતંકના આકાઓની કમર તોડીને જ રહીશુંઃ PM
• બિહારની ધરતી પરથી સમગ્ર દુનિયાને PMનો સંદેશ
• દરેક આતંકી અને આકાઓની ઓળખ કરીશુંઃ PM

PM Modi in Bihar : વડાપ્રધાન નરેન્દ્ર મોદીએ બિહારના મધુબનીમાં રાષ્ટ્રીય પંચાયતી રાજ દિવસ કાર્યક્રમ (National Panchayati Raj Day program) માં ભાગ લીધો હતો. કાર્યક્રમને સંબોધતા પહેલા, PM મોદીએ પહેલગામ આતંકવાદી હુમલામાં માર્યા ગયેલા લોકો માટે 2 મિનિટનું મૌન પાળ્યું. PM મોદીએ કહ્યું કે, અમે જેમને ગુમાવ્યા તેમને શ્રદ્ધાંજલિ આપીએ છીએ. તેમણે કહ્યું કે, 22મી તારીખે આપણે જે પરિવારના સભ્યો ગુમાવ્યા તેમને શ્રદ્ધાંજલિ આપવા માટે, આપણે આપણા સ્થાન પર મૌન બેસીને આપણા દેવતાને યાદ કરીશું અને તેમને શ્રદ્ધાંજલિ આપીશું.

હવે આવી ગયો આતંકવાદીઓનો સફાયો કરવાનો સમય : PM મોદી

PM નરેન્દ્ર મોદીએ પહેલગામમાં થયેલા આતંકવાદી હુમલાની કડક શબ્દોમાં નિંદા કરી અને આતંકવાદીઓનો સંપૂર્ણ નાશ કરવાનો સંકલ્પ વ્યક્ત કર્યો છે. તેમણે જણાવ્યું કે આ હુમલામાં નિર્દોષ પ્રવાસીઓને નિર્દયતાથી મારી નાખવામાં આવ્યા, જેમાં કોઈએ પોતાનો પુત્ર, ભાઈ, જીવનસાથી અથવા પરિવારજન ગુમાવ્યા. મૃતકોમાં બંગાળી, કન્નડ, મરાઠી, ઉડિયા, ગુજરાતી અને બિહારના લોકોનો સમાવેશ હતો, જે દર્શાવે છે કે આ હુમલો આખા ભારતની શ્રદ્ધા અને એકતા પર આઘાત હતો.

કલ્પનાથી પણ વધુ કઠોર સજા આપવામાં આવશે : PM મોદી

PM મોદીએ દુઃખની આ ઘડીમાં દેશની એકતાનો ઉલ્લેખ કરતા કહ્યું કે કાશ્મીરથી કન્યાકુમારી સુધી દરેક ભારતીયનો ગુસ્સો અને દર્દ એકસમાન છે. તેમણે ચેતવણી આપી કે આ હુમલો કરનાર આતંકવાદીઓ અને તેમના સમર્થકોને કલ્પનાથી પણ વધુ સખત સજા આપવામાં આવશે, અને હવે આતંકવાદનો સંપૂર્ણ નાશ કરવાનો સમય આવી ગયો છે. PM નરેન્દ્ર મોદીએ પાકિસ્તાનનું નામ લીધા વિના આતંકવાદી હુમલાઓના કાવતરાખોરોને કડક ચેતવણી આપી છે. તેમણે જણાવ્યું કે જેઓ આવા નીચ કૃત્યોનું ષડયંત્ર ઘડે છે, તેમને તેમની કલ્પનાથી પણ વધુ કઠોર સજા આપવામાં આવશે, જેનાથી પાકિસ્તાનને સ્પષ્ટ અને કડક સંદેશ મળે છે.

બિહારની પંચાયતોમાં 50% અનામત

PM નરેન્દ્ર મોદીએ બિહારને દેશનું પ્રથમ રાજ્ય ગણાવ્યું, જેણે પંચાયતોમાં 50% અનામતની વ્યવસ્થા લાગુ કરી, અને આ માટે તેમણે મુખ્યમંત્રી નીતિશ કુમારને અભિનંદન આપ્યા. તેમણે જણાવ્યું કે આ પગલાને કારણે આજે બિહારમાં ગરીબ, દલિત, મહાદલિત, પછાત અને અત્યંત પછાત વર્ગની મહિલાઓ અને યુવતીઓ મોટી સંખ્યામાં જનપ્રતિનિધિ તરીકે સેવા આપી રહી છે, જે સાચા સામાજિક ન્યાયનું પ્રતીક છે.

હજારો કરોડ રૂપિયાના પ્રોજેક્ટ્સનો શિલાન્યાસ અને ઉદ્ઘાટન

આજે, પંચાયતી રાજ દિવસ નિમિત્તે, આખો દેશ બિહાર સાથે જોડાયેલો છે. અહીં બિહારના વિકાસ સાથે સંબંધિત હજારો કરોડ રૂપિયાના પ્રોજેક્ટ્સનો શિલાન્યાસ અને ઉદ્ઘાટન થયું. વીજળી, રેલ્વે અને માળખાગત સુવિધાઓ સંબંધિત વિવિધ કાર્યો બિહારમાં રોજગારની નવી તકો ઉભી કરશે. છેલ્લા દાયકામાં, 2 લાખથી વધુ ગ્રામ પંચાયતોને ઇન્ટરનેટથી જોડવામાં આવી છે અને ગામડાઓમાં 5.30 લાખથી વધુ કોમન સર્વિસ સેન્ટર બનાવવામાં આવ્યા છે. પંચાયત ડિજિટલ થવાનો બીજો ફાયદો એ છે કે જીવન-મરણ પ્રમાણપત્ર, જમીન માલિકી પ્રમાણપત્ર વગેરે જેવા ઘણા દસ્તાવેજો સરળતાથી મેળવી શકાય છે.

બિહારના 57 લાખ ગરીબ પરિવારોને કાયમી ઘર મળ્યા

PM મોદીએ કહ્યું કે હું તમને PM આવાસ યોજનાનું ઉદાહરણ આપીશ. આ યોજનાનો ઉદ્દેશ્ય એ છે કે દેશમાં કોઈ ગરીબ પરિવાર બેઘર ન રહે. દરેક વ્યક્તિના માથા ઉપર કોંક્રિટની છત હોવી જોઈએ. આજે, જ્યારે હું તેમને ચાવીઓ આપી રહ્યો હતો, ત્યારે તેમના ચહેરા પર જે સંતોષ મેં જોયો, તેમણે જે નવો આત્મવિશ્વાસ દર્શાવ્યો, તે ખરેખર આ ગરીબ લોકો માટે કામ કરવાની પ્રેરણાનું કારણ બને છે. જણાવી દઇએ કે, છેલ્લા દાયકામાં 4 કરોડથી વધુ ઘરો બનાવવામાં આવ્યા છે. બિહારમાં પણ અત્યાર સુધીમાં 57 લાખ ગરીબ પરિવારોને ઘર મળી ગયા છે. પછાત, અત્યંત પછાત, દલિત અને પાસમાંડા સમુદાયના લોકોને આ ઘરો મળ્યા છે. આજે જ, લગભગ 10 લાખ પરિવારોને તેમના કાયમી મકાનો માટે નાણાકીય સહાય મોકલવામાં આવી છે, જેમાં 80,000 ગ્રામીણ પરિવારો અને બિહારના એક લાખ શહેરી પરિવારોનો સમાવેશ થાય છે.

આ પણ વાંચો :   Indus Waters Treaty : ભારતે સિંધુ સમજૂતી પર લગાવી રોક, જાણો કેવી રીતે પાકિસ્તાન એક-એક પાણીનાં ટીપા માટે તરસશે!