Dhankhar on Supreme Court: 'સંસદ સર્વોચ્ચ, તેનાથી ઉપર કોઈ નથી', ઉપરાષ્ટ્રપતિ જગદીપ ધનખડે ફરી કહ્યું

• ધનખડે ન્યાયતંત્રની ભૂમિકા પર પ્રશ્નો ઉઠાવ્યા
• સંસદ દેશની સૌથી મોટી સંસ્થા- ધનખડ
• સાંસદો નક્કી કરશે કે બંધારણ કેવું હશે-ધનખડ

Jagdeep Dhankhar on Supreme Court: ઉપરાષ્ટ્રપતિ જગદીપ ધનખડે ફરી એકવાર ભારતના બંધારણમાં નિર્ધારિત શાસનના માળખામાં ન્યાયતંત્રની ભૂમિકા અને મર્યાદાઓ પર પ્રશ્નો ઉઠાવ્યા છે. તેમણે કહ્યું કે સંસદ સર્વોચ્ચ છે અને બંધારણ કેવું હશે તે નક્કી કરવાનો અંતિમ અધિકાર સાંસદો પાસે છે, તેમનાથી ઉપર કોઈ ન હોઈ શકે.

સંસદ દેશની સૌથી મોટી સંસ્થા

ઉપરાષ્ટ્રપતિ જગદીપ ધનખડે આજે દિલ્હી યુનિવર્સિટીમાં એક કાર્યક્રમમાં કહ્યું કે સંસદ દેશની સૌથી મોટી સંસ્થા છે અને ચૂંટાયેલા સાંસદો નક્કી કરશે કે બંધારણ કેવું હશે. તેમણે કહ્યું કે કોઈ પણ સંસ્થા સંસદથી ઉપર ન હોઈ શકે. તેમણે સુપ્રીમ કોર્ટના બે નિર્ણયો પર પણ પ્રશ્નો ઉઠાવ્યા. તેમણે કહ્યું, "એકવાર કોર્ટે કહ્યું કે બંધારણની પ્રસ્તાવના તેનો ભાગ નથી (ગોલકનાથ કેસના સંદર્ભમાં), પછી બીજી વાર કહ્યું કે પ્રસ્તાવના બંધારણનો ભાગ છે (કેશવાનંદ ભારતી કેસના સંદર્ભમાં)."

આ પણ વાંચો : Chhattisgarh: 20 દિવસમાં 16 લોકોએ કર્યો આપઘાતનો પ્રયાસ! ગામમાં ભયનો માહોલ, તપાસ માટે ટીમ પહોંચી

લોકશાહીમાં ચૂપ રહેવું ખતરનાક- ધનખડ

ઉપરાષ્ટ્રપતિ ધનખડે એમ પણ કહ્યું કે લોકશાહીમાં સંવાદ અને ખુલ્લી ચર્ચા ખૂબ જ મહત્વપૂર્ણ છે. જો વિચારશીલ લોકો ચૂપ રહે તો તે નુકસાન પહોંચાડી શકે છે. તેમણે કહ્યું, "બંધારણીય પદો પર રહેલા લોકોએ હંમેશા બંધારણ અનુસાર બોલવું જોઈએ. આપણે આપણી સંસ્કૃતિ અને ભારતીયતા પર ગર્વ કરવો જોઈએ. દેશમાં અશાંતિ, હિંસા અને જાહેર સંપત્તિને નુકસાન પહોંચાડવું યોગ્ય નથી. જો જરૂર પડે તો કડક પગલાં પણ લેવા જોઈએ."

અગાઉ પણ આવું નિવેદન આપ્યુ હતુ

ઉપરાષ્ટ્રપતિ જગદીપ ધનખડ પહેલેથી જ કહી ચૂક્યા છે કે લોકશાહીમાં સંસદ સર્વોચ્ચ છે અને ચૂંટાયેલા નેતાઓ નક્કી કરશે કે બંધારણ કેવું હશે. તેમના મતે, અન્ય કોઈ સંસ્થા સાંસદોથી ઉપર ન હોઈ શકે. રાજ્યસભાના સાંસદ અને વરિષ્ઠ વકીલ કપિલ સિબ્બલે તેમના નિવેદન સામે વાંધો ઉઠાવ્યો હતો. સિબ્બલે કહ્યું કે ઉપરાષ્ટ્રપતિનું આ નિવેદન સુપ્રીમ કોર્ટ જેવી બંધારણીય સંસ્થાને નબળી પાડે છે, જે લોકશાહી માટે સારું નથી.

આ પણ વાંચો : UP માં 5 વર્ષ પછી વીજળીના બિલમાં વધારો, 3.45 કરોડ ગ્રાહકોને થશે અસર