Firing in Panchkula : જન્મદિવસની પાર્ટીમાં અંધાધૂધ ગોળીબાર, 3 મિત્રોની હત્યા
- જન્મદિવસની પાર્ટીમાં ગોળીબાર: ત્રણ મિત્રોની હત્યા
- હોટલ પાર્કિંગમાં હુમલો: બે યુવક અને એક યુવતીનું મોત
- પંચકુલામાં ગેંગ વોર: ત્રણ મિત્રોની જીવનલીલા સમાપ્ત
- 3 મિત્રોની ગોળીબારમાં હત્યા: ગેંગ વોરની આશંકા
Panchkula Hotel Sultanat Firing Case : હરિયાણાના પંચકુલા જિલ્લાના પિંજોર સ્થિત સલ્તનત હોટલમાં જન્મદિવસની પાર્ટી ઉજવવા આવેલા 3 વ્યક્તિઓની ગોળી મારીને હત્યા કરવામાં આવી છે. આ ઘટના સોમવારે સવારે 3 વાગ્યાની આસપાસ બની હતી, જ્યાં અંધાધૂંધ ગોળીબારના કારણે હોટલ પરિસરમાં ડરનો માહોલ જોવા મળ્યો હતો. મૃતકોમાં દિલ્હીના વિકી અને વિનીત તથા હરિયાણાના હિસારથી આવેલી યુવતી નિયાનો સમાવેશ થાય છે. પોલીસના મતે, આ ઘટના ગેંગ વોરથી સંબંધિત હોઈ શકે છે, કારણ કે વિકી સામે અગાઉ ઘણા ગુનામાં નામ નોંધાયેલું હતું.
અજાણ્યા શખ્સોએ 16 રાઉન્ડ ગોળીબાર કર્યો
આ ઘટના ત્યારે બની જ્યારે પંજાબના જીરકપુરના રહેવાસી રોહિત ભારદ્વાજે પિંજોરની હોટલમાં પોતાની જન્મદિવસની પાર્ટીનું આયોજન કર્યું હતું. પાર્ટીમાં 8-10 મિત્રો સામેલ હતા. પાર્ટી દરમિયાન વિકી, વિનીત અને નિયા નવી સ્કોર્પિયો કારમાં પાર્કિંગમાં બેઠા હતા, ત્યારે 3 અજાણ્યા હુમલાખોરોએ તેમની કાર પર 16 રાઉન્ડ ગોળીબાર કર્યો. ગોળીબારમાં વિકીને 8 ગોળીઓ વાગી હતી, જ્યારે તમામ લોકોનું ઘટનાસ્થળે જ મૃત્યુ થયું હતું. આ હુમલાના કારણે લોકો એટલા ડરી ગયા હતા કે હોટલના સ્ટાફ સાથે મોટાભાગના લોકો ઘટનાસ્થળ પરથી ફરાર થઈ ગયા હતા. આ ઘટનાએ સમગ્ર વિસ્તારમાં સનસનાટી મચાવી દીધી છે.
VIDEO | Three people, including a woman, were shot dead by unidentified assailants in the parking lot of a hotel in Haryana's Panchkula. The incident took place on Sunday night.#PanchkulaNews
(Full video available on PTI Videos - https://t.co/n147TvrpG7) pic.twitter.com/q8CDZOznTI
— Press Trust of India (@PTI_News) December 23, 2024
પોલીસની કાર્યવાહી અને તપાસની દિશા
પંચકુલાની પોલીસે આ ઘટનાને ગંભીરતાથી લીધા બાદ હુમલાખોરોની શોધ માટે સર્ચ ઓપરેશન શરૂ કર્યું છે. ડીસીપી મુકેશ મલ્હોત્રા, ડીસીપી મનપ્રીત સુદાન અને ડીએસપી કાલકા સહિતના અધિકારીઓએ ઘટના સ્થળ પર પહોંચીને તપાસ હાથ ધરી છે. CCTV કેમેરાની પણ ચકાસણી કરવામાં આવી રહી છે. સૂત્રોના જણાવ્યા અનુસાર, હોટલ પોલીસ DIG ની માલિકીની હોવાનું કહેવામાં આવે છે, જેના કારણે ઘટના વધુ મહત્વ ધરાવે છે.
આ પણ વાંચો: Pune Accident : ફૂટપાથ પર સૂતેલા 9 શ્રમિકોને ડમ્પર ચાલકે કચડ્યા, 3ના મોત; 6 ઈજાગ્રસ્ત
