• પહેલગામ હુમલો: દેશના 10 સવાલો
• પહેલગામમાં 27 મોત માટે કોણ જવાબદાર?
• હુમલાની ચેતવણી છતાં કેમ ચૂક?
• આતંકવાદીઓ કેમ બચી ગયા?
• મોદી સરકાર હવે શું કરશે?

Pahalgam Terror Attack : આજે 22 એપ્રિલ, 2025ના રોજ જમ્મુ અને કાશ્મીર (Jammu and Kashmir) ના પહેલગામમાં થયેલા ભયાનક આતંકવાદી હુમલા (terrorist attack) એ દેશભરમાં આક્રોશ ફેલાવ્યો છે. આ હુમલામાં 27 નિર્દોષ લોકોએ જીવ ગુમાવ્યા, જેના માટે ભારતના લોકો પાકિસ્તાન (Pakistan) અને તેની સેનાને સીધી રીતે જવાબદાર ગણી રહ્યા છે. 4થી 7 આતંકવાદીઓએ ભારતીય સેના (Indian Army) નો ગણવેશ પહેરીને બૈસરન ખીણમાં આ હત્યાકાંડને અંજામ આપ્યો અને પછી ભાગી ગયા. આ ઘટનાએ દેશભરમાં ગુસ્સો ઉભો કર્યો છે, અને દરેક ભારતીયના મનમાં એક જ સવાલ છે: આ 27 મૃત્યુનો બદલો કોણ લેશે? શું આ મૃત્યુઓ માત્ર આંકડાઓ બની રહેશે? શું વડાપ્રધાન નરેન્દ્ર મોદી અને ભારતીય સેના આ નરસંહારનો યોગ્ય જવાબ આપશે?

ભારતીયોના 10 મહત્વના પ્રશ્નો

આ હુમલાને લઈને ભારતીય નાગરિકો સરકાર, સેના અને સુરક્ષા એજન્સીઓ પાસેથી નીચેના 10 પ્રશ્નોના જવાબ માંગી રહ્યા છે:

• આતંકવાદીઓએ કેવી અને કેટલી તૈયારી કરી હતી?
• હુમલા બાદ આ આતંકવાદીઓ ક્યાં ગાયબ થયા?
• આતંકવાદીઓને સૌથી પહેલા કોણે જોયા હતા?
• તેમનું અંતિમ લોકેશન કયું હતું?
• શું આ હુમલો સુરક્ષા વ્યવસ્થામાં ખામીનું પરિણામ હતું?
• કાશ્મીરમાં પ્રવાસીઓની સુરક્ષાની જવાબદારી કોની હતી?
• શું બૈસરન ખીણમાં સુરક્ષા કર્મચારીઓની અછત હતી?
• હુમલાની ચેતવણીને ગંભીરતાથી કેમ ન લેવામાં આવી?
• ભારતીય સેનાને આતંકવાદીઓની ઘૂસણખોરીની કોઈ માહિતી કેમ ન મળી?
• જો હુમલા વિશે પૂર્વ ચેતવણી હતી, તો સુરક્ષા વ્યવસ્થા કેમ મજબૂત ન કરવામાં આવી?

Pahalgam Terror Attack : આતંકી હુમલા લઈને મોદી સરકારનો મહત્વનો નિર્ણય હવે પાકિસ્તાન થશે પાયમાલ | Gujarat First @rajnathsingh@PMOIndia@AmitShah@MEA@DrSJaishankar@CRPaatil@MEAIndia #pmmodi #pahalgam #JammuKashmir #Pahalgam #TerroristAttack #Kashmir #GujaratFirst pic.twitter.com/6hZoNU6KZM

— Gujarat First (@GujaratFirst) April 23, 2025

ગુપ્તચર એજન્સીઓને મળેલા ઇનપુટ્સ

સૂત્રોના જણાવ્યા અનુસાર, આતંકવાદીઓ 15 દિવસ પહેલા ભારતીય સરહદમાં ઘૂસ્યા હતા. ભારતીય ગુપ્તચર એજન્સીઓને દક્ષિણ કાશ્મીરમાં આતંકવાદી હુમલાની ચેતવણી મળી હતી. આ ઉપરાંત, અમરનાથ યાત્રા પર હુમલાની આશંકા અને બિન-કાશ્મીરીઓને નિશાન બનાવવાના ઇનપુટ્સ પણ હતા. સ્લીપર સેલની મદદથી આતંકવાદીઓએ રેકી કરી હોવાની માહિતી પણ મળી હતી. બૈસરન ખીણમાં હુમલો થયો ત્યારે આ બધા ઇનપુટ્સ સાચા સાબિત થયા, પરંતુ મોટો સવાલ એ છે કે આ ચેતવણીઓને ગંભીરતાથી કેમ ન લેવામાં આવી? આ બાબતે દેશના લોકો સરકાર અને સુરક્ષા એજન્સીઓ પાસેથી સ્પષ્ટ જવાબ માંગી રહ્યા છે.

આ પણ વાંચો :  Pahalgam Terror Attack : 'કૌરવોની હઠધર્મીએ યુદ્ધ ફરજિયાત બનાવ્યું, તેમ હવે પાકિસ્તાને પણ...' મેજર પાટનીનો આક્રોશ