રાષ્ટ્રપતિ દ્રોપદી મૂર્મુએ કર્તવ્યપથ પર પરેડને આપી સલામી, ફરકાવ્યો તિરંગો

કર્તવ્યપથ પર પરેડ નિહાળવા માટે VVIPને બદલે આગળની હરોળમાં શ્રમજીવીઓને સ્થાન આપવામાં આવ્યું છે. 26 જાન્યુઆરીની પરેડની સુરક્ષા માટે અંદાજે 6,000 જવાનોને તૈનાત કરવામા આવ્યા છે. આ જવાનોમાં દિલ્હી પોલીસ ઉપરાંત અર્ધલશ્કરી દળો અને NSGનો સમાવેશ થાય છે. લગભગ 150 સીસીટીવી કેમેરાની મદદથી કર્તવ્યપથ પર નજર રાખવામાં આવી રહી છે. 74મા પ્રજાસત્તાક દિવસના અવસરે રાષ્ટ્રપતિ દ્રૌપદી મૂર્મુએ કર્તવ્યપથ પર તિરંગો ફરકાવ્યો. આ પછી તે પરેડની સલામી લેશે. ઇજિપ્તના રાષ્ટ્રપતિ અબ્દેલ ફતાહ અલ-સીસી આજના સમારોહના મુખ્ય અતિથિ છે. પ્રજાસત્તાક દિવસની ઉજવણી પહેલા રાષ્ટ્રીય રાજધાનીના કેટલાક ભાગોમાં સુરક્ષા વધારી દેવામાં આવી છે. દિલ્હી પોલીસના જણાવ્યા અનુસાર, 26 જાન્યુઆરીએ લગભગ 65,000 લોકો પરેડ જોઈ રહ્યા છે.

પ્રજાસત્તાક દિવસના અવસર પર બિહારના મુખ્યમંત્રી નીતિશ કુમારે કહ્યું કે, બંધારણ 1950થી લાગુ કરવામાં આવ્યું હતું અને તેથી આજે પ્રજાસત્તાક દિવસની ઉજવણી કરવામાં આવે છે. કોરોનાકાળ દરમિયાન લોકોને રોકવામાં આવ્યા હતા, પરંતુ આ વખતે દરેકને ભાગ લેવાની છૂટ આપવામાં આવી છે.  

ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) - જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.