પતિ રોજ દારુ પીને માર મારતો હતો, કુહાડીના ઘા મારી મોત નિપજાવી લાશને ખેતરમાં દાટી દીધી

રાજસ્થાનના પરસાદ વિસ્તારમાં એક ચોંકાવનારો  મામલો સામે આવ્યો છે. જેમાં એક મહિલાએ તેના પતિ પર કુહાડી વડે હુમલો કરીને તેની હત્યા કરી હતી અને સગીર બાળકોની મદદથી તેની લાશનો નિકાલ કર્યો હતો. ઘટનાના એક મહિના બાદ જાણ થતાં પોલીસે હત્યાનો ગુનો નોંધી આરોપી પત્નીની ધરપકડ કરી છે..

જવાર્માઈન્સ પોલીસ સ્ટેશનના અધિકારી અનિલ વિશ્નોઈએ જણાવ્યું કે પરસાદ વિસ્તારના ખરબર-એ-ફલાન ગામનો રૂપલાલ (49) પુત્ર ભીમા મીના છેલ્લા એક મહિનાથી ગુમ હતો. તેના ભાઈ હરીશ મીણાએ તેના ગુમ થયાની ફરિયાદ નોંધાવી હતી. પોલીસ અને પરિવારજનો તેને શોધી રહ્યા હતા. દરમિયાન,રૂપલાલના ઘરથી 20 ફૂટ દૂર ખેતરના પાલ પાસે તીવ્ર દુર્ગંધ આવતા પરિવારજનોએ પોલીસને જાણ કરી હતી. જેના આધારે પોલીસ ઘટના સ્થળે પહોંચી હતી.

એવું કહેવામાં આવ્યું હતું કે ખેતરના પાલી પથ્થરો નીચે એક માણસની ખોપરી અને હાડપિંજરના હાડકાં મળી આવ્યા હતા. પુરૂષનું હાડપિંજર બહાર કાઢતાં જ રૂપલાલની પત્ની શારદા ભાગી ગઈ હતી. આનાથી તેના પર શંકા જાગી અને તેની શોધખોળ કર્યા બાદ તેને કસ્ટડીમાં લઈ પૂછપરછ કરવામાં આવી. શરૂઆતમાં તેણીએ માહિતી આપવાનો ઇનકાર કર્યો હતો પરંતુ કડક પૂછપરછ કરતા  તેણે કબૂલાત કરી હતી કે નર હાડપિંજર તેના પતિનું હતું અને તેણીએ તેના પતિની હત્યા કર્યા પછી લાશનો નિકાલ કર્યો હતો. તેણે એ નથી જણાવ્યું કે આ ઘટના કયા દિવસે બની હતી, પરંતુ મૃતકના ભાઈ હરીશે જણાવ્યું કે તેણે તેના ભાઈને છેલ્લીવાર 5 ડિસેમ્બરે જોયો હતો.

આરોપી શારદાએ જણાવ્યું હતું કે તેનો પતિ રોજ દારુ પીને આવીને તેની સાથે ઝઘડો અને મારા મારી કરતો હતો.. જેનાથી તે ખુબજ પરેશાન હતી.. તે દિવસે પણ એવું જ બન્યુ હતું દારૂ પીને આવ્યા બાદ તેના પતિએ તેની સાથે ઝઘડો કર્યો હતો..જેથી ગુસ્સામાં આવીને તેણે પતિ પર કુહાડીથી હુમલો કર્યો હતો અને આ આ હુમલામાં પતિનું મોત થઇ ગયું હતું . બાદમાં તેણીએ પતિની લાશ છુપાવવા માટે તેના બે સગીર પુત્રોની મદદ લીધી હતી અને કોઈને ખબર ન પડે તે માટે રાત્રે ખેતર પાસે ખાડો ખોદી લાશને દાટી દીધી હતી.

આ પણ વાંચોઃ  સુરેન્દ્રનગરમાં પુત્રની હત્યા કરનારી સાવકી માતાને આજીવન કેદ