Pahalgam Terror Attack: 3000 કરોડનું નુકસાન, અટારી-વાઘા બોર્ડર બંધ થવાથી પાકિસ્તાનને થશે આ નુકસાન
પહેલગામમાં આતંકવાદી હુમલા બાદ ભારતે અટારી-વાઘા બોર્ડર બંધ કરી દીધી છે, જે ભારત અને પાકિસ્તાન વચ્ચેનું એકમાત્ર લેન્ડ પોર્ટ છે જેના દ્વારા બંને દેશો વચ્ચે વેપાર થાય છે.
02:37 PM Apr 24, 2025 IST
|
MIHIR PARMAR
Attari-Wagah border closed gujarat first
- ભારતે અટારી-વાઘા બોર્ડર બંધ કરી, પાકિસ્તાનને થશે નુકસાન
- અટારી પાકિસ્તાનથી એકમાત્ર જમીન વેપાર માર્ગ
- પાકિસ્તાન ભારતમાંથી અનેક ખાદ્ય ચીજોની નિકાસ કરે છે
Pahalgam Terror Attack: જમ્મુ-કાશ્મીરના પહેલગામમાં થયેલા આતંકવાદી હુમલા બાદ મોદી સરકાર કડક કાર્યવાહી કરી રહી છે. ભારત અને પાકિસ્તાન વચ્ચેની અટારી-વાઘા સરહદ બંધ કરી દેવામાં આવી છે. ભારતે પાકિસ્તાન સાથેની સિંધુ જળ સંધિ સ્થગિત કરી દીધી છે, તમામ પાકિસ્તાની નાગરિકોના વિઝા રદ કરવા અને 48 કલાકની અંદર ભારત છોડવાના આદેશ પણ જારી કરવામાં આવ્યા છે. ઘણા ટોચના સરકારી સૂત્રો કહે છે કે ભારત હવે પાકિસ્તાનમાં માલની નિકાસ બંધ કરવાની તૈયારી કરી રહ્યું છે. 2024માં ભારતની પાકિસ્તાનમાં નિકાસ 1.21 અબજ ડોલરની પાંચ વર્ષની ઊંચી સપાટીએ પહોંચી હતી.
આ માલ ભારતથી પાકિસ્તાન મોકલવામાં આવે છે
ભારતમાંથી પાકિસ્તાનમાં અનેક પ્રકારની ખાદ્ય ચીજોની નિકાસ કરવામાં આવે છે, જે રોજિંદા જીવનમાં ઉપયોગી છે જેમ કે વિવિધ પ્રકારના ફળો અને શાકભાજી. આમાં બટાકા, ડુંગળી અને લસણનો સમાવેશ થાય છે. ભારતમાંથી પાકિસ્તાનમાં કઠોળ, ચણા અને બાસમતી ચોખા પણ મોકલવામાં આવે છે. આ ઉપરાંત, પાકિસ્તાન ભારતમાંથી કેરી, કેળા જેવા ઘણા મોસમી ફળોની પણ આયાત કરે છે.
ભારતીય ચા આખી દુનિયામાં પ્રખ્યાત છે. આસામ અને દાર્જિલિંગમાંથી ચાના પાન પણ પાકિસ્તાન મોકલવામાં આવે છે. આ ઉપરાંત, ભારત પાકિસ્તાનને મરચાં, હળદર, જીરું જેવા વિવિધ પ્રકારના મસાલા પણ મોકલે છે. આ સાથે, ભારતથી પાકિસ્તાનમાં નિકાસ થતી અન્ય વસ્તુઓમાં ઓર્ગેનિક રસાયણો, ફાર્માસ્યુટિકલ્સ, ખાંડ અને કન્ફેક્શનરીનો સમાવેશ થાય છે.
આ પણ વાંચો : શું પહેલા ક્યારેય જળસંધિ વિવાદ થયો? જાણો ઇતિહાસ
પાકિસ્તાનથી ભારતમાં શું આવે છે?
પાકિસ્તાનથી ભારત આવનારી વસ્તુઓમાં સિમેન્ટ, સિંધવ મીઠું, મુલતાની માટી, કપાસ, ચામડું, કેટલાક તબીબી ઉપકરણોનો સમાવેશ થાય છે. આ ઉપરાંત, પેશાવરી ચંપલ અને લાહોરી કુર્તા પણ પાકિસ્તાનથી ભારતમાં આયાત કરવામાં આવે છે.
અટારી પાકિસ્તાનથી એકમાત્ર જમીન વેપાર માર્ગ
તમને જણાવી દઈએ કે અમૃતસરથી માત્ર 28 કિલોમીટર દૂર સ્થિત અટારી ભારતનું પહેલું લેન્ડ પોર્ટ છે. ભારત અને પાકિસ્તાન વચ્ચે વેપાર અટારી-વાઘા સરહદ દ્વારા થાય છે, તેથી આ ચેક પોઇન્ટ, જે 120 એકરમાં ફેલાયેલો છે અને રાષ્ટ્રીય ધોરીમાર્ગ-1 સાથે સીધો જોડાયેલ છે, તે વેપારમાં, ખાસ કરીને અફઘાનિસ્તાનથી થતી આયાતમાં મહત્વપૂર્ણ ભૂમિકા ભજવી રહ્યો છે.
છેલ્લા કેટલાક વર્ષોમાં અટારી-વાઘા કોરિડોર પરના વેપારમાં ઘણા ઉતાર-ચઢાવ આવ્યા છે. જ્યાં 2017-18 અને 2018-19માં વેપાર લગભગ 4100-4300 કરોડ રૂપિયાનો હતો. તે જ સમયે, તે 2019-20 માં ઘટીને 2772 કરોડ રૂપિયા અને 2020-21 માં 2639 કરોડ રૂપિયા થઈ ગયો.
2022-23માં, વેપારમાં વધુ ઘટાડો થયો અને તે માત્ર 2257.55 કરોડ રૂપિયા રહ્યો. જોકે, 2023-24માં મોટો ઉછાળો આવતા, બંને દેશો વચ્ચેનો વેપાર વધીને 3884 કરોડ રૂપિયા થયો. 2023-24માં, આ રૂટ પર 6,871 ટ્રકોએ મુસાફરી કરી હતી અને 71,563 મુસાફરોની અવરજવર નોંધાઈ હતી.
આ પણ વાંચો : Pahalgam Attack: સંજય રાઉતે પહેલગામ આતંકવાદી હુમલાની નિંદા કરી, કહ્યું- અમે બધા સરકારની સાથે છીએ