Indigo એ પેસેન્જર પાસેથી વસૂલ્યો 'Cute Charge', સોશિયલ મીડિયા પર શરૂ થઇ ચર્ચા
- ઈન્ડિગો એરલાઈન્સ દ્વારા લેવામાં આવતા વિવિધ પ્રકારના ચાર્જને લઈને સોશિયલ મીડિયા પર ભારે ચર્ચા
- 'ક્યૂટ ચાર્જ' એ વાસ્તવમાં 'કોમન યુઝર ટર્મિનલ ઇક્વિપમેન્ટ ચાર્જ'
- આ ચાર્જ એરપોર્ટ પર ઉપયોગમાં લેવાતા વિવિધ સાધનોના ઉપયોગ માટે વસૂલવામાં આવે છે
- સોશિયલ મીડિયા પર આ મામલે વિવિધ પ્રકારની પ્રતિક્રિયાઓ
તાજેતરમાં ઈન્ડિગો એરલાઈન્સ (Indigo Airlines) ના એક યુઝર દ્વારા શેર કરાયેલા સ્ક્રીનશોટને કારણે સોશિયલ મીડિયા (Social Media) પર ભારે હોબાળો મચી ગયો છે. આ સ્ક્રીનશોટ (Screenshot) માં ઈન્ડિગો એરલાઈન્સ (Indigo Airlines) દ્વારા લેવામાં આવતા વિવિધ પ્રકારના ચાર્જ દર્શાવવામાં આવ્યા હતા, જેમાં સૌથી વધુ ચર્ચાનો વિષય બન્યો હતો 'Cute Charges'.
શું છે આ 'Cute Charges'?
એક યુઝરે ઈન્ડિગો એરલાઈન્સને ટેગ કરીને પોસ્ટ કર્યું હતું કે તેમની પાસેથી ટિકિટની સાથે 'Cute Charges' તરીકે 50 રૂપિયા વસૂલવામાં આવ્યા છે. આ સિવાય 'User Development Fee' અને 'Aviation Security Fee' જેવા અન્ય ચાર્જ પણ લેવામાં આવ્યા હતા. સ્ક્રીનશૉટ મુજબ, કંપનીએ કુલ 10,023 રૂપિયાની ટિકિટ પર 50 રૂપિયાનો 'Cute Charges' લગાવ્યો હતો. આ સિવાય તેમણે 'User Development Fee' પેટે રૂ. 1,03 અને 'Aviation Security Fee' પેટે રૂ. 236 વસૂલ્યા હતા. યુઝર્સે આ ત્રણ ફી પર સવાલ ઉઠાવ્યા હતા કે શું કંપની યાત્રીઓ પાસેથી તેમના સુંદર હોવા બદલ પૈસા વસૂલે છે?
Dear @IndiGo6E ,
1. What is this 'Cute Fee'? Do you charge users for being cute? Or do you charge because you believe that your aeroplanes are cute?
2. What is this 'User Development Fee'? How do you develop me when I travel in your aeroplane?
3. What is this 'Aviation… pic.twitter.com/i4jWvXh6UM
— Shrayansh Singh (@_shrayanshsingh) August 19, 2024
ઈન્ડિગો એરલાઈન્સનું સ્પષ્ટીકરણ
સોશિયલ મીડિયા પર આ મુદ્દે ભારે ચર્ચા થતાં, ઈન્ડિગો એરલાઈન્સે આ મામલે સ્પષ્ટતા કરી હતી. કંપનીએ જણાવ્યું હતું કે, 'Cute Charges' એ વાસ્તવમાં 'Common User Terminal Equipment Charge' છે. આ ચાર્જ એરપોર્ટ પર ઉપયોગમાં લેવાતા મેટલ ડિટેક્શન મશીન, એસ્કેલેટર અને અન્ય સાધનોના ઉપયોગ માટે વસૂલવામાં આવે છે.
સોશિયલ મીડિયા પર પ્રતિક્રિયા
આ મામલે સોશિયલ મીડિયા પર વિવિધ પ્રકારની પ્રતિક્રિયાઓ સામે આવી છે. કેટલાક યુઝર્સે ઈન્ડિગો એરલાઈન્સના આ ચાર્જને અયોગ્ય ગણાવ્યો છે, તો કેટલાકે કંપનીના સ્પષ્ટીકરણને સ્વીકાર્ય માન્યું છે.
આ પણ વાંચો: ફ્લાઇટમાં મુસાફરો ત્યારે ડરી ગયા જ્યારે પાયલોટે કહ્યું - Sorry મને વિમાન લેન્ડ કરતા નથી આવડતું