Pahalgam Terror Attack: 'કેવી રીતે ખબર પડી કે આતંકીઓ પાકિસ્તાનથી આવ્યા હતા?', પહેલગામ હુમલા પર સ્વામી અવિમુક્તેશ્વરાનંદનું મોટું નિવેદન

• સ્વામી અવિમુક્તેશ્વરાનંદમનું મોટુ નિવેદન
• સ્વામીએ સરકાર પર સવાલો ઉઠાવ્યા
• આરોપીઓ સામે કડક કાર્યવાહીની માંગ

Pahalgam Terror Attack: 22 એપ્રિલે જમ્મુ-કાશ્મીરના પહેલગામમાં થયેલા આતંકવાદી હુમલા બાદ દેશના લોકોમાં ગુસ્સો છે. દરેક વ્યક્તિ પોતપોતાની રીતે ગુસ્સો વ્યક્ત કરી રહ્યો છે. તે જ સમયે, કેટલાક લોકોએ સુરક્ષા વ્યવસ્થા પર પ્રશ્નો ઉભા કર્યા છે. જગદગુરુ શંકરાચાર્ય જ્યોતિષપીઠાધિશ્વર સ્વામી અવિમુક્તેશ્વરાનંદ સરસ્વતીએ પણ મોટું નિવેદન આપ્યું છે અને હુમલાના આરોપીઓ સામે કડક કાર્યવાહીની માંગ કરી છે.

શું કહ્યું સ્વામી અવિમુક્તેશ્વરાનંદે...

સ્વામી અવિમુક્તેશ્વરાનંદ સરસ્વતીએ કહ્યું, "સૌથી મોટી સમસ્યા એ છે કે જ્યારે આપણા ઘરમાં ચોકીદાર રાખેલો છે અને ઘરમાં કોઈ ઘટના બની જાય છે, તો આપણે પહેલા કોને પકડવો જોઈએ? સૌ પ્રથમ આપણે ચોકીદારને પકડીશું અને પુછીશું કે, તમે ક્યાં હતા? આવી ઘટના કેમ બની? પરંતુ અહીં આવું કંઈ જ થઈ રહ્યું નથી." સ્વામી અવિમુક્તેશ્વરાનંદે આગળ કહ્યું, "તેઓ કહે છે કે અમે ચોકીદાર છીએ, પણ જો તમે ચોકીદારી કરી હોત તો તેમના પર હુમલો થયો ન હોત અને તેમની હત્યા ન થઈ હોત."

સ્વામી અવિમુક્તેશ્વરાનંદ સરસ્વતીએ પ્રશ્નો ઉઠાવ્યા

સ્વામી અવિમુક્તેશ્વરાનંદ સરસ્વતીએ પૂછ્યું, "કોઈએ તેમની (આતંકવાદીઓ) સાથે લડાઈ કરી નથી, કોઈએ તેમને રોકવાનો પ્રયાસ કર્યો નથી. તેઓ આવ્યા, ગુનો કર્યો અને આરામથી ચાલ્યા ગયા. તેમને ક્યાંય કોઈ સમસ્યાનો સામનો કરવો પડ્યો નથી. આવી સ્થિતિમાં, પ્રશ્ન એ ઊભો થાય છે કે ચોકીદાર ક્યાં છે?" તેમણે વધુમાં કહ્યું, "ચોકીદાર વિશે કોઈ ચર્ચા નથી. તેઓ કહી રહ્યા છે કે અમે તેમને (Pakistan) પાઠ ભણાવીશું પણ તમને આટલી ઝડપથી કેવી રીતે ખબર પડી કે આતંકવાદીઓ પાકિસ્તાનથી આવ્યા હતા કે નહીં? ઘટના પહેલા આ વાત કેમ ખબર ન પડી? જો આતંકવાદીઓ પાકિસ્તાનથી આવ્યા હોય તો તેમની સામે કડક કાર્યવાહી કરો."

આ પણ વાંચો :  Pahalgam Attack બાદ કોંગ્રેસના સાંસદે કહ્યું, 'PoK ને ભારતનો હિસ્સો બનાવવાનો સમય આવી ગયો છે'

સિંધુ જળ સંધિ સ્થગિત કરવા અંગે તેમણે કહ્યું...

સિંધુ જળ સંધિને સ્થગિત કરવા અંગે સ્વામી અવિમુક્તેશ્વરાનંદ સરસ્વતીએ કહ્યું, "તમે કહી રહ્યા છો કે અમે સિંધુ જળ સંધિને સ્થગિત કરી દીધી છે પણ શું તમારી પાસે પાણી રોકવા માટે કોઈ વ્યવસ્થા છે? અમે નિષ્ણાતોને પૂછ્યું કે જો આપણા દેશમાંથી પાણી રોકી દેવામાં આવે તો આપણી પાસે કઈ વ્યવસ્થા છે? નિષ્ણાતોએ કહ્યું કે આપણી પાસે કોઈ વ્યવસ્થા નથી. જો આપણે આજથી આ કામ શરૂ કરીએ તો પણ ઓછામાં ઓછા 20 વર્ષ લાગશે, પછી આપણે સિંધુ નદીનું પાણી રોકી શકીશું."

તેમણે કટાક્ષ કરતા કહ્યું, "લોકો કહી રહ્યા છે કે પાકિસ્તાન પાણીના એક એક ટીપા માટે તડપશે અને નિષ્ણાતો કહી રહ્યા છે કે આ કામમાં ઓછામાં ઓછા 20 વર્ષ લાગશે, આનો કોઈ ઉકેલ નથી." તેમણે સરકારને અપીલ કરી કે જેમણે આ ભૂલ કરી છે તેમને સજા મળવી જોઈએ.

આ પણ વાંચો :  Pahalgam Terror Attack: FBI ડિરેક્ટર કાશ પટેલે આતંકવાદ સામે ભારતને સંપૂર્ણ સમર્થન આપવાની જાહેરાત કરી, જાણો શું કહ્યું ?