રાજસ્થાન કોંગ્રેસ અધ્યક્ષના ઘરે EDના દરોડા, પેપર લીક મામલે મોટી કાર્યવાહી

રાજસ્થાનમાં વિધાનસભા ચૂંટણીના માહોલ વચ્ચે એક મોટા અહેવાલ મળી રહ્યા છે.રાજસ્થાન કોંગ્રેસના પ્રમુખ ગોવિંદસિંહ દોતાસરા પર ED દ્વારા મોટી કાર્યવાહી કરવામાં આવી છે. માહિતી અનુસાર પેપર લીક કેસમાં સંડોવણીના આરોપો હેઠળ તેમના પર દરોડાની કાર્યવાહી કરવામાં આવી છે.

બીજી તરફ EDએ અપક્ષ ધારાસભ્ય ઓમપ્રકાશ હુડલાના ઘરે પણ દરોડા પાડ્યા છે.હુડલાએ ગેહલોત સરકારને બચાવવામાં મદદ કરી હતી.તાજેતરમાં કોંગ્રેસે તેમને મહુવાથી પોતાના ઉમેદવાર બનાવ્યા છે. તેથીએ અટકળો લાગવામાં આવી રહી છે કે તે કોંગ્રેસમાં જોડાતાની સાથે જ EDના નિશાના પર આવી ગયા છે.

દોતાસરાના સંબંધીઓએ પૂછપરછ કરી હતી

મળતી માહિતી મુજબ EDની ટીમ ગોવિંદ સિંહ દોતાસરા અને તેના સંબંધીઓના ઘરે પણ પહોંચી ગઈ છે. RPSC પેપર લીક કેસમાં એન્ફોર્સમેન્ટ ડિરેક્ટોરેટે ગુરુવારે પહેલીવાર PCC ચીફના ઘરે દરોડા પાડ્યા હતા. દિલ્હી અને જયપુરની EDની ટીમો સાથે કેન્દ્રીય સુરક્ષા દળના અધિકારીઓ પણ સ્થળ પર હાજર હતા. ઇડીની ટીમ દોતાસરાના જયપુર નિવાસસ્થાન અને સીકર સ્થિત તેમના અંગત નિવાસસ્થાને પણ પહોંચી છે.

અપક્ષ ધારાસભ્ય સામે પણ EDની કાર્યવાહી

કહેવામાં આવી રહ્યું છે કે એન્ફોર્સમેન્ટ ડિરેક્ટોરેટે મહુઆથી અપક્ષ ધારાસભ્ય અને કોંગ્રેસના ઉમેદવાર ઓમ પ્રકાશ હુડલાના સાત સ્થળો પર પણ દરોડા પાડ્યા છે. આ બાબત પેપર લીક કેસ સાથે પણ જોડાયેલી હોઈ શકે છે.

Rajasthan: ED raids at Rajasthan Cong Chief's residence in connection with paper leak case

Read @ANI Story | https://t.co/3ovzpkVz7M#Rajasthan #EnforcementDirectorate #PaperLeakCase #Congress pic.twitter.com/D86dxHMGK2

— ANI Digital (@ani_digital) October 26, 2023

દોતાસરા લક્ષ્મણગઢ બેઠક પરથી કોંગ્રેસના ઉમેદવાર છે.

જાણકારી માટે તમને જણાવી દઈએ કે કોંગ્રેસે સીકર જિલ્લાની લક્ષ્મણગઢ સીટ પરથી પોતાના ઉમેદવારોની યાદીમાં ગોવિંદ સિંહ દોતાસરાને મેદાનમાં ઉતાર્યા છે.

રાજ્યમાં 7 સ્થળો પર EDની કાર્યવાહી

EDએ રાજસ્થાનના પૂર્વ શિક્ષણ મંત્રી અને કોંગ્રેસ નેતા ગોવિંદ સિંહના જયપુર અને સીકરના ઘરે ED એ દરોડા પડ્યા છે. રાજ્યમાં 7 સ્થળો પર કાર્યવાહીની પણ માહિતી મળી રહી છે. એન્ફોર્સમેન્ટ ડિરેક્ટોરેટ (ED) એ રાજસ્થાનમાં પેપર લીક કેસમાં ભૂપેન્દ્ર સરનની મની લોન્ડરિંગના આરોપસર ધરપકડ કરી હતી. રાજસ્થાન પોલીસની FIRના આધારે EDએ ભૂપેન્દ્ર સરન અને અન્ય લોકો સામે પણ મની લોન્ડરિંગની તપાસ શરૂ કરી હતી. EDની તપાસમાં બહાર આવ્યું છે કે ભૂપેન્દ્ર સરને અન્ય આરોપીઓ સાથે મળીને શિક્ષક ગ્રેડ II સ્પર્ધાત્મક પરીક્ષા 2022નું જનરલ નોલેજ પેપર લીક કર્યું હતું.

આ  પણ  વાંચો  -BIHAR : બેગુસરાઈમાં કોમી તણાવ ફેલાયો, દુર્ગા મૂર્તિના વિસર્જન દરમિયાન પથ્થરમારો અને આગચંપી