CBSE ધોરણ 10 નું પરિણામ જાહેર, ગત વર્ષ કરતા ઓછું પરિણામ
સેન્ટ્રલ બોર્ડ ઓફ સેકન્ડરી એજ્યુકેશને CBSE ધોરણ 10ના વિદ્યાર્થીઓ માટે પરિણામ જાહેર કર્યું છે. આ વર્ષે CBSE ધોરણ 10ની બોર્ડની પરીક્ષા આપનારા કુલ વિદ્યાર્થીઓમાંથી 93.12 ટકા ક્વોલિફાય થયા છે. આ વર્ષે ધોરણ 10ના પરિણામમાં એકંદરે પાસ થવાની ટકાવારી 93.12 ટકા છે, જે ગયા વર્ષના 94.40 ટકા કરતાં 1.28 ટકા ઓછી છે.
ત્રિવેન્દ્રમમાં 99.91 ટકા વિદ્યાર્થીઓએ CBSE ધોરણ 10 બોર્ડની પરીક્ષા પાસ કરી છે જ્યારે ગુવાહાટીમાં, 76.90 ટકા વિદ્યાર્થીઓ ક્વોલિફાય થયા છે. CBSE અધિકૃત નિવેદન અનુસાર, ભારતમાં અને 26 દેશોમાં CBSE બોર્ડની પરીક્ષાઓમાં કુલ 28471 શાળાઓએ ભાગ લીધો હતો જ્યારે CBSE 10મી પરીક્ષા 2023 માટે નોંધાયેલા વિદ્યાર્થીઓની કુલ સંખ્યા 21,86,485 હતી.
CBSEમાં ગર્લ સ્ટુડન્ટ્સની પાસ થવાની ટકાવારી 94.25 ટકા છે જ્યારે 92.27 ટકા છોકરાઓ પાસ થયા છે. અગાઉના દિવસે, CBSE બોર્ડ પરીક્ષાનું પરિણામ સત્તાવાર વેબસાઇટ્સ - cbse.gov.in અને results.cbse.gov.in પર હોસ્ટ કરવામાં આવશે. CBSE 12મા અને 10મા પરિણામો 2023 હવે cbseresults.nic.in પર ઉપલબ્ધ છે. સત્તાવાર વેબસાઇટ્સ ઉપરાંત, પરિણામ UMANG એપ અને ડિજીલોકર દ્વારા ઉપલબ્ધ છે.
આ પણ વાંચો : 70 ના દાયકાની મજબૂત વેસ્ટ ઈન્ડિઝની ટીમ આજે ક્વોલિફાઈંગ મેચ રમવા મજબૂર