Pakistan ની કસ્ટડીમાં BSF જવાન, અધિકારીઓ પાસે જવાબ માંગવા ચંદીગઢ પહોંચી તેની ગર્ભવતી પત્ની

• BSF જવાન અજાણતાં પાકિસ્તાની સરહદમાં ઘૂસી ગયો
• જવાનની પત્ની અધિકારી પાસે જવાબ લેવા ચંદીગઢ પહોંચી
• આ ઘટના પહેલગામ આતંકવાદી હુમલા દરમિયાન બની હતી

BSF jawan in Pakistan custody: બોર્ડર સિક્યુરિટી ફોર્સ (BSF) ના જવાન પૂર્ણમ સાહુ આંતરરાષ્ટ્રીય સરહદ પાર કરીને અજાણતાં પાકિસ્તાન પહોંચી ગયા હતા. જે બાદ પાકિસ્તાન રેન્જર્સે તેમને પોતાની કસ્ટડીમાં લઈ લીધો. આ પછી, BSF જવાન પૂર્ણમ સાહુની પત્ની સોમવારે (28 એપ્રિલ) સાંજે પશ્ચિમ બંગાળના હુગલીથી ચંદીગઢ એરપોર્ટ પહોંચી.

BSF જવાનની પત્ની રજની ગર્ભવતી છે. તે પોતાના પતિ વિશે માહિતી એકત્રિત કરવા પોતાના દીકરા અને કેટલાક સંબંધીઓ સાથે ચંદીગઢ એરપોર્ટ પહોંચી. રજની પંજાબના ફિરોઝપુર જશે અને તેના પતિને પરત લાવવાના પ્રયાસો વિશે BSFના વરિષ્ઠ અધિકારીઓ પાસેથી માહિતી એકત્રિત કરશે.

BSF સૈનિક અજાણતાં પાકિસ્તાની સરહદમાં ઘૂસી ગયો

બુધવારે (23 એપ્રિલ) પંજાબના ફિરોઝપુર જિલ્લાના એક ખેતરમાંથી પાકિસ્તાન રેન્જર્સ દ્વારા બોર્ડર સિક્યુરિટી ફોર્સના કોન્સ્ટેબલ પૂર્ણમ સાહુની ધરપકડ કરવામાં આવી હતી. BSF અધિકારીઓના જણાવ્યા અનુસાર, આ ઘટના ત્યારે બની જ્યારે સાહુ સરહદ નજીક ખેડૂતોના એક જૂથની સુરક્ષા માટે તેમની સાથે જઈ રહ્યા હતા. તેમણે કહ્યું કે સાહુ એક ઝાડ નીચે આરામ કરવા ગયા અને અજાણતા જ પાકિસ્તાની વિસ્તારમાં ઘૂસી ગયા, જેના પગલે પાકિસ્તાન રેન્જર્સ દ્વારા તેમને તાત્કાલિક અટકાયતમાં લેવામાં આવ્યા.

આ પણ વાંચો :  ભારતના એક્શનથી પાકિસ્તાનમાં ડર! POKમાં આતંકીઓએ લોન્ચ પેડ કર્યા ખાલી

આ ઘટના પહેલગામ આતંકવાદી હુમલા દરમિયાન બની હતી

સાહુ પશ્ચિમ બંગાળના હુગલી જિલ્લાના રિશ્રાના રહેવાસી છે અને પંજાબના ફિરોઝપુર સરહદ પર BSFની 182મી બટાલિયનમાં પોસ્ટેડ હતા. સાહુ સાથેની આ ઘટના એવા સમયે બની છે જ્યારે પહેલગામ આતંકવાદી હુમલા પછી બંને દેશો (ભારત-પાકિસ્તાન) વચ્ચેના સંબંધો બગડ્યા છે. 22 એપ્રિલ 2025ના રોજ પહેલગામમાં થયેલા આ આતંકવાદી હુમલામાં 26 લોકો માર્યા ગયા હતા.

જો મને BSF અધિકારીઓ તરફથી જવાબ નહીં મળે તો હું કેન્દ્રીય ગૃહ મંત્રાલય જઈશ- રજની

BSF જવાનની પત્ની રજનીએ પશ્ચિમ બંગાળમાં કહ્યું હતું કે જો તેમને બીએસએફ કેમ્પના અધિકારીઓ સાથેની વાતચીત દરમિયાન કોઈ સંતોષકારક માહિતી નહીં મળે, તો તેઓ ફિરોઝપુરથી દિલ્હી જઈને કેન્દ્રીય ગૃહ મંત્રાલય અને અન્ય સરકારી અધિકારીઓને મળશે.

રજનીએ કહ્યું, "હું તમને કહી શકતી નથી કે હું કેટલી તણાવમાં છું. હું ખૂબ જ ચિંતિત છું, તેથી મારી તબિયત આવી હોવા છતાં મેં પ્રવાસનું આયોજન કર્યું."

આ પણ વાંચો :  Padma Shri Award 2025 : ભારતીય બોલર રવિચંદ્રન અશ્વિનને પદ્મશ્રી એવોર્ડ એનાયત કરાયો

સાહુની પત્ની રજનીએ રવિવારે (28 એપ્રિલ) જણાવ્યું હતું કે, "આ સમાચાર સાંભળીને હું ખૂબ જ તણાવમાં છું. આજે પાંચમો દિવસ છે અને તેમના પાછા ફરવાની કોઈ માહિતી નથી." રજનીએ અગાઉ રવિવાર (28 એપ્રિલ) સાંજે હાવડાથી ફિરોઝપુર વાયા પઠાણકોટ જતી અમૃતસર મેલમાં મુસાફરી કરવાનું આયોજન કર્યું હતું, પરંતુ તેને તે ટ્રેનમાં ટિકિટ મળી શકી નહીં.

BSF સૈનિકના માતા-પિતાએ સરકારને અપીલ કરી

સાહુના માતા-પિતા, જે પશ્ચિમ બંગાળના હુગલીના રહેવાસી છે, તેમણે જણાવ્યું કે તેઓ કેન્દ્ર સરકારને અપીલ કરશે કે તેઓ તેમના પુત્રના સુરક્ષિત પરત ફરવા માટે તમામ જરૂરી પગલાં લે. સાહુની માતાએ કહ્યું, "હું તમને કહી શકતી નથી કે હું કેટલી વ્યથિત છું. હું BSF અધિકારીઓને મારા દીકરાને પાછો લાવવા વિનંતી કરી રહી છું."

અધિકારીઓએ ગુરુવારે રાત્રે (24 એપ્રિલ) જણાવ્યું હતું કે ભારતીય અને પાકિસ્તાની સરહદી દળોએ સાહુની મુક્તિ અંગે ચર્ચા કરવા માટે ફ્લેગ મીટિંગ યોજી હતી પરંતુ તેમના પરિવારને વધુ કોઈ માહિતી આપવામાં આવી ન હતી.

આ પણ વાંચો :  Pahelgam Terrorist Attack : આતંકી હુમલાનો વધુ એક 28 સેકન્ડનો Video આવ્યો સામે