મહારાષ્ટ્ર અને ઝારખંડમાં વિધાનસભા ચૂંટણીની તારીખો જાહેર કરવામાં આવી
- ભારતના બે રાજ્યોમાં વિધાનસભાની ચૂંટણીની તારીખ જાહેર
- મહારાષ્ટ્રમાં 20મી નવેમ્બરે મતદાન, 23મીએ પરિણામ
- ઝારખંડમાં બે તબક્કામાં યોજાશે મતદાન
- ઝારખંડમાં 13 અને 20 નવેમ્બરે મતદાન
- ઝારખંડ વિધાનસભાની ચૂંટણીનું પરિણામ 23મીએ જાહેર થશે
Election Date Announce : ચૂંટણી પંચે મંગળવારે મહારાષ્ટ્ર અને ઝારખંડમાં વિધાનસભા ચૂંટણીની તારીખોની જાહેરાત કરી દીધી છે. મહારાષ્ટ્ર વિધાનસભાનો કાર્યકાળ 26મી નવેમ્બરે સમાપ્ત થઈ રહ્યો છે જ્યારે ઝારખંડ વિધાનસભાનો કાર્યકાળ આવતા વર્ષે 5મી જાન્યુઆરીએ પૂરો થશે.
મહારાષ્ટ્રમાં ક્યારે થશે ચૂંટણી
મહારાષ્ટ્રમાં 20મી નવેમ્બરે મતદાન થશે અને પરિણામ 23મીએ આવશે. રાજ્યની તમામ 288 બેઠકો પર એક જ તબક્કામાં મતદાન થવાનું છે. ચૂંટણી પંચના જણાવ્યા અનુસાર, નામાંકન માટેની છેલ્લી તારીખ 29 ઓક્ટોબર છે.
ઝારખંડમાં બે તબક્કામાં મતદાન
ઝારખંડમાં 13-20 નવેમ્બરે બે તબક્કામાં મતદાન થશે. પરિણામ મહારાષ્ટ્રની સાથે 23 નવેમ્બરે જાહેર કરવામાં આવશે.
Maharashtra to vote in a single phase on 20th November.
Jharkhand to vote in two phases - on 13th November and 20th November.
Counting of votes on 23rd November.#MaharashtraElection2024 #JharkhandElection2024 pic.twitter.com/8EdfTQX7uE
— ANI (@ANI) October 15, 2024
ઝારખંડના ઘણા જિલ્લાઓ નક્સલ પ્રભાવિત
મહારાષ્ટ્ર અને ઝારખંડ વિધાનસભા ચૂંટણીની તારીખો જાહેર કરવામાં આવી છે. બંને રાજ્યોના ચૂંટણી પરિણામો 23 નવેમ્બરે એક સાથે જાહેર કરવામાં આવશે. ઝારખંડના ઘણા જિલ્લાઓ નક્સલ પ્રભાવિત છે અને ત્યાં સુરક્ષાની ચિંતા છે. જેના કારણે બે રાઉન્ડમાં મતદાન કરાવવાનો નિર્ણય લેવામાં આવ્યો છે. તેમ છતાં, આ એક મોટો નિર્ણય છે કારણ કે 2019 માં, અહીં 5 તબક્કામાં મતદાન થયું હતું. આ બંને રાજ્યોની સાથે વાયનાડ લોકસભા સીટ પર પણ 13 નવેમ્બરે મતદાન થશે. રાહુલ ગાંધીના રાજીનામાના કારણે આ બેઠક ખાલી પડી છે.
મહારાષ્ટ્રમાં લોકસભાની પેટાચૂંટણી, UP માં મિલ્કીપુર સીટ પર પેટાચૂંટણી થશે નહીં
મહારાષ્ટ્રમાં પણ લોકસભાની પેટાચૂંટણી યોજાવાની છે. આ માટે પણ 20મી નવેમ્બરે એક સાથે મતદાન થશે. ઉત્તર પ્રદેશની વાત કરીએ તો 10ને બદલે માત્ર 9 વિધાનસભા સીટો પર પેટાચૂંટણી યોજાશે. ઉત્તર પ્રદેશમાં અયોધ્યાની મિલ્કીપુર સીટ પર પેટાચૂંટણી થશે નહીં. તમામ 9 બેઠકો પર 13મી નવેમ્બરે મતદાન થશે અને પરિણામ 23મી નવેમ્બરે એક સાથે જાહેર કરવામાં આવશે. 13 નવેમ્બરે કુલ 47 વિધાનસભા સીટો પર મતદાન થશે. ઉત્તરાખંડની કેદારનાથ વિધાનસભા સીટ પર 20 નવેમ્બરે પેટાચૂંટણી યોજવાનું નક્કી કરવામાં આવ્યું છે.
આ પણ વાંચો: Jharkhand Election : ચૂંટણી પંચ ભાજપની કતપૂતળી...! JMM એ કર્યો ગંભીર આક્ષેપ