• ભારતમાં HMPV વાયરસનો પ્રથમ કેસ
• બેંગલુરુમાં HMPVના પહેલા કેસની નોંધ
• HMPV વાયરસ:ચીનથી ભારતમાં પ્રવેશ
• HMPV વાયરસથી 8 મહિનાની બાળકી સંક્રમિત

Alert : HMPV એટલે કે હ્યુમન મેટાપ્યુમોવાયરસ ભારતમાં પ્રવેશ કરી ગયો છે. મળી રહેલી માહિતી અનુસાર, બેંગલુરુમાં HMPVનો પહેલો કેસ મળી આવ્યો છે, જ્યા એક 8 મહિનાના બાળકને તાવ આવતા હોસ્પિટલમાં દાખલ કરવામાં આવ્યો છે.

ભારત પહોંચ્યો HMPV વાયરસ

ચીન એકવાર ફરી વિશ્વ માટે એક મોટી મુસિબત લઇને આવ્યું હોવાની સોશિયલ મીડિયામાં ચર્ચા થઇ રહી છે. જીહા, કોરોનાવાયરસ બાદ હવે HMPV નામના વાયરસની ચર્ચા દુનિયાભરમાં થઇ રહી છે. તાજેતરમાં ચીનના નાગરિકો આ વાયરસની ઝપટમાં આવેલા છે. સોશિયલ મીડિયાના અલગ-અલગ પ્લેટફોર્મ પર ચીનમાં આ વાયરસ કેટલી ઝડપથી ફેલાઇ રહ્યો છે તે વિશે જાણવા મળી રહ્યું છે, ત્યારે હવે આ ખતરો ભારતમાં પણ આવી પહોંચ્યો છે. તાજેતરમાં મળી રહેલી માહિતી અનુસાર, કર્ણાટકની રાજધાની બેંગલુરૂમાં HMPVનો પહેલો કેસ મળી આવ્યો છે.

બેંગલુરૂમાં એક નાની 8 મહિનાની બાળકી આ વાયરસથી સંક્રમિત થઇ હોવાનું સામે આવ્યું છે. હાલ બાળક શહેરની ખાનગી હોસ્પિટલમાં સારવાર હેઠળ છે. ખાસ વાત એ છે કે તેનાથી સંબંધિત કોઈ ટ્રાવેલ હિસ્ટ્રી નથી. કર્ણાટકના આરોગ્ય વિભાગે બાળકમાં HMPV હોવાની પુષ્ટિ કરી છે. વિભાગનું કહેવું છે કે બાળકનો મેડિકલ ટેસ્ટ પોઝિટિવ આવ્યો હતો. આ માહિતી કેન્દ્રીય સ્વાસ્થ્ય મંત્રાલયને પણ આપવામાં આવી છે. જો કે, હજુ સુધી એ સ્પષ્ટ નથી થયું કે શું આ HMPVનો એ જ તાણ છે જે ચીનમાં ફેલાઈ રહ્યો છે.

સરકાર પણ એલર્ટ

ચીનમાં ફાટી નીકળવાના કારણે, ભારત તમામ ઉપલબ્ધ માધ્યમો દ્વારા પરિસ્થિતિ પર નજીકથી નજર રાખી રહ્યું છે અને WHOને પણ સમયસર અપડેટ કરેલી માહિતી શેર કરવા વિનંતી કરી છે. મંત્રાલયે કહ્યું કે સાવચેતીના પગલા તરીકે, HMPV કેસોનું પરીક્ષણ કરતી પ્રયોગશાળાઓની સંખ્યામાં વધારો કરવામાં આવશે અને ભારતીય તબીબી સંશોધન પરિષદ સમગ્ર વર્ષ દરમિયાન HMPV વલણો પર નજર રાખશે. મીડિયા રિપોર્ટ્સ અનુસાર, ડાયરેક્ટર જનરલ ઑફ હેલ્થ સર્વિસિસ (DGHS) ડૉ. અતુલ ગોયલ કહે છે કે HMPV એ અન્ય શ્વસન વાયરસની જેમ છે, જે સામાન્ય શરદીનું કારણ બને છે. આ કારણે, યુવાન અથવા વૃદ્ધ લોકોમાં ફ્લૂ જેવા લક્ષણો જોવા મળે છે.

વાયરસના લક્ષણો શું છે?

HMPV વાયરસ ના લક્ષણો સામાન્ય શરદી જેવા જ હોય ​​છે. સામાન્ય કિસ્સાઓમાં તે ઉધરસ અથવા ગળામાં ખીચખીચ, વહેતું નાકનું કારણ બને છે. નાના બાળકો અને વૃદ્ધોમાં HMPV વાયરસ ગંભીર હોઈ શકે છે. આ વાયરસ નબળી રોગપ્રતિકારક શક્તિ ધરાવતા લોકોમાં ગંભીર બીમારીનું કારણ બની શકે છે. એવું કહેવામાં આવી રહ્યું છે. આ વાયરસથી સંક્રમિત દર્દીઓમાં શ્વાસ લેવામાં તકલીફ અને ફ્લૂ જેવા લક્ષણો જોવા મળે છે.

આ પણ વાંચો:  HMPV Virus:China માં નવા વાયરસે મચાવ્યો તાંડવ,વિશ્વમાં ડરનો માહોલ!