• અમેરિકા અને ચીન બાદ હવે ભારત પણ બનાવશે AI
• આર્ટિફિશિયલ ઇન્ટેલિજન્સની રેસમાં હવે ભારતની હરણફાળ
• દેશની તમામ ભાષામાં ઉપયોગ થઇ શકે તેવું એઆઇ બનાવાશે

Government Launch India AI Soon : અમેરિકા અને ચીન બાદ હવે ભારત પણ પોતાના AI મોડલ બનાવી રહ્યું છે. આગામી થોડા મહિનામાં India AI લોન્ચ કરવામાં આવશે. આ માટે 18,693 GPU નો ઉપયોગ કરવામાં આવશે. એક પછી એક અનેક કંપનીઓ તેમના મોડલ લોન્ચ કરી રહ્યા છે. આર્ટિફિશિયલ ઇન્ટેલિજન્સની રેસમાં હવે ભારત પણ પોતાનું ડગ માંડવા તરફ આગળ વધી રહ્યું છે. ઓરિસ્સામાં એઆઇ ડેટા સેન્ટરનું ઉદ્ધાટન કરતા સમયે અશ્વિની વૈષ્ણવે આ અંગેની જાહેરાત કરી હતી.

વૈષ્ણવે જણાવ્યું કે, ભારત હવે પોતાનું AI મોડલ તૈયાર કરી રહ્યું છે. મોર્ડન ટેક્નોલોજી દરેક માટે ઉપલબ્ધ હોવી જોઇએ. હવે ભારત પણ AI પર કામ કરી રહ્યું છે. જેથી ટેક્નોલોજીનો ઉપયોગ દેશની દરેક વ્યક્તિ કરી શકે. આ મોડલમાં પ્રાઇવસીને લગતી તમામ બાબતોનું બારીકાઇથી ધ્યાન રાખવામાં આવશે.

આ પણ વાંચો : પ્રયાગરાજ જવાનું વિચારો છો તો પહેલા જોઇ લો આ Video

AI ઇન્ફ્રાસ્ટ્રક્ચર પર થઇ રહ્યું છે કામ

ભારત ખુબ જ મહત્વકાંક્ષી પ્રોજેક્ટ પર કામ કરી રહ્યું છે. આ AI મોડલ પ્રોજેક્ટ માટે કોમ્પયુટિંગ ઇન્ફ્રાસ્ટ્રક્ચર તૈયાર કરાઇ રહ્યું છે. આ માટે 18,693 GPU નો ઉપયોગ કરાશે. જે પૈકી 12,896 Nvidia H100 GPU અને 1480 Nvidia H200 GPU નો ઉપયોગ કરાશે. હાલ ભારત પાસે 10,000 GPU ખામ કરવા ટૈયાર છે. આ દિશામાં કામ પણ શરૂ થઇ ગયું છે. દેશની આર્થિક અને સામાજિક જરૂરિયાતોને ધ્યાને રાખીને લાર્જ લેન્ગવેજ મોડલ તૈયાર કરાઇ રહ્યું છે. આ માટે ઓરિસ્સામાં AI મોડલ માટેનું ઇન્ફ્રાસ્ટ્રક્ચર થઇ રહ્યું છે. આ સેન્ટર દ્વારા AI માટેની જે જરૂરિયાતો છે તે તમામ પુરી કરાશે.

ભારતનું અત્યંત મહત્વકાંક્ષી એઆઇ મિશન

ભારતના એઆઇ મિશનને 2024 ની માર્ચમાં કેબિનેટ દ્વારા મંજૂરી આપવામાં આવી હતી. આ પ્રોજેક્ટ માટે 10,372.92 કરોડ રૂપિયા ફાળવાયા છે. ઇન્ડિયાના સ્ટાર્ટઅપ અને રિસર્ચ કમ્યુનિટીનો પણ વિકાસ કરવા માટે આ AI મોડલનો પ્રયોગ કરાશે. ઇન્ટિયાના સ્ટાર્ટઅપ અને રિસર્ચ કમ્યુનિટીનો પણ વિકાસ કરવા માટે AI મોડલનો ઉપયોગ થશે. પબ્લિક અને પ્રાઇવેટ પાર્ટનરશિપને પણ એક નવો વેગ મળશે. દરેક ક્ષેત્રના લોકો એક સાથે આગળવધશે, જેનાથી દેશનો પણ વિકાસ થાય તે ધ્યેય સાથે આ પ્રોજેક્ટ પર સતત કામગીરી ચાલી રહી છે.

આ પણ વાંચો : અમદાવાદમાં HMPV નો વધુ એક કેસ નોંધાયો, સચેત રહેવા તંત્રની અપીલ

દરેક ભાષાનો સપોર્ટ હશે

કેન્દ્ર સરકાર INDIA એઆઇમાં દરેક ભાષાનો સપોર્ટ કરશે. તે માટે ફાઉન્ડેશન મોડલ પણ તૈયાર કરવામાં આવશે. આ મોડલ બનાવવાનો હેતુ છે કે, સ્વદેશી એઇ મોડલમાં ભારતની તમામ ભાષાનો સમાવેશ થઇ શકે છે. આ ભાષાનો પણ તમામ ડેટા ઉપલબ્ધ થાય. આ સાથે તેમ પણ ધ્યાન રખાઇ રહ્યું છે કે કોઇ પણ ભાષા સાથે કોઇ પણ પ્રકારનો પુર્વાગ્રહ રાખવામાં ન આવે.

આ પણ વાંચો : કુરાન સળગાવનાર સલવાન મોમિકાની ગોળી મારીને હત્યા કરાઈ