PM મોદીના જન્મદિવસની અજમેર શરીફ દરગાહ ખાતે થશે ખાસ ઉજવણી
- PM મોદીના જન્મદિવસ પર અજમેર દરગાહમાં વિશાળ લંગરનું આયોજન
- અજમેર દરગાહમાં 4000 કિલો શાકાહારી લંગરનો કાર્યક્રમ
- PM મોદાના 74માં જન્મદિવસે દરગાહમાં લંગર વિતરણ
PM Modi Birthday : ભારતના વડાપ્રધાન નરેન્દ્ર મોદી (PM Narendra Modi) નો 17 સપ્ટેમ્બરે જન્મ દિવસ છે. તેઓ 74 વર્ષના થવાના છે, આ ખાસ અવસર પર, પ્રસિદ્ધ અજમેર શરીફ દરગાહ (Ajmer Sharif Dargah) માં વિશાળ શાકાહારી લંગર (huge vegetarian langar) નું આયોજન કરવામાં આવવાનું છે, જેમાં 4000 કિલોગ્રામ શાકાહારી ભોજન (4000 kg of vegetarian food) તૈયાર કરાશે. દરગાહની પરંપરા મુજબ આ ભોજન તૈયાર કરીને ઉપસ્થિત લોકોમાં વિતરણ કરવામાં આવશે, જેનો ઉદ્દેશ્ય સમગ્ર સમુદાયને ભોજન પૂરો પાડવાનો છે.
અજમેરની દરગાહ કરશે PM મોદીના જન્મ દિવસની ઉજવણી
અજમેર શરીફના સૈયદ અફશાન ચિશ્તીએ માહિતી આપતાં જણાવ્યું કે, આ વિશિષ્ટ લંગર વડાપ્રધાન નરેન્દ્ર મોદીના 74માં જન્મદિવસ નિમિત્તે કરવામાં આવશે. આ લંગરમાં શુદ્ધ ચોખા, ઘી, અને ડ્રાયફ્રૂટ્સ જેવી ચીજોને ખાસ ધ્યાનમાં રાખીને ભોજન તૈયાર કરાશે, જે દરગાહના ગુરુજનો તેમજ ગરીબોને આપવામાં આવશે. આ ખાસ લંગરનો ઉદ્દેશ્ય સમાજના તમામ વર્ગોના લોકોને એકસાથે ભોજન આપવામાં આવે તે છે. વધુમાં, ચિશ્તીએ જણાવ્યું કે, વડાપ્રધાન નરેન્દ્ર મોદીના જન્મ દિવસ નિમિત્તે દેશમાં અનેક ધાર્મિક સ્થળો પર સેવાકીય કાર્યક્રમો પણ યોજવામાં આવશે. આ સમગ્ર લંગરનું આયોજન ભારતીય લઘુમતી ફાઉન્ડેશન અને અજમેર શરીફના ચિશ્તી ફાઉન્ડેશન દ્વારા સંયુક્ત રીતે કરવામાં આવી રહ્યું છે, જે વડાપ્રધાનના આ વિશિષ્ટ દિવસને સેવાભાવ સાથે ઉજવવાનું અનોખું ઉદાહરણ છે.
Ajmer Sharif Dargah to mark PM Modi's birthday with 4000 kg of vegetarian langar
Read @ANI Story | https://t.co/aToG4opCxg#AjmerSharifDargah #PMModi #Birthday #langar pic.twitter.com/fuZGwtKpkN
— ANI Digital (@ani_digital) September 12, 2024
વિશ્વની સૌથી મોટી કઢાઈ
દરગાહમાં નાની અને મોટી એમ બે કઢાઈઓ છે. એક મોટી કઢાઈ (વિશ્વની સૌથી મોટી) છે જેમાં 4800 કિલો પ્રસાદ તૈયાર કરી શકાય છે અને નાની કઢાઈમાં એક સાથે 2400 કિલો પ્રસાદ તૈયાર કરી શકાય છે. તેમાં માત્ર શાકાહારી ખોરાક જ તૈયાર કરવામાં આવે છે. મોટી અને નાની કઢાઈ યાત્રાળુઓની આસ્થા સાથે સંકળાયેલી છે. મન્નત પૂર્ણ થયા પછી, યાત્રાળુઓ તેમની આસ્થા અનુસાર કઢાઈમાં રાંધે છે અને લંગર પીરસે છે. આ આસ્થા મુઘલ કાળથી ચાલી આવે છે અને વિદેશોમાં પણ તેની ઘણી આસ્થા છે. વડાપ્રધાન નરેન્દ્ર મોદી 2014થી ઉર્સના અવસર પર ચાદર મોકલી રહ્યા છે. પરંતુ દરગાહ દ્વારા પ્રથમવાર આવો કાર્યક્રમ યોજવામાં આવી રહ્યો છે જેના કારણે તેની ખૂબ ચર્ચા થઈ રહી છે.
સમગ્ર પ્રક્રિયા અત્યંત નિષ્ઠા અને કાળજી સાથે કરાશે
"કઢાઈ" ને લાઇટિંગથી લઈને ખોરાક વિતરણ સુધીની સમગ્ર પ્રક્રિયા અત્યંત નિષ્ઠા અને કાળજી સાથે કરવામાં આવે છે. દરગાહ હજારો ભક્તો અને સાધકોની સેવા કરે છે જેઓ તેમની શ્રદ્ધા અર્પિત કરવા આવે છે. રાત્રે 10:30 કલાકે હઝરત ખ્વાજા મોઇનુદ્દીન ચિશ્તીની દરગાહની અંદર "મોટા શાહી કઢાઈ"ની રોશની સાથે ઉજવણીની શરૂઆત થશે. વિજ્ઞપ્તિ અનુસાર, વડાપ્રધાન નરેન્દ્ર મોદીના જન્મદિવસ પર શાંતિ, એકતા, સમૃદ્ધિ અને સુખાકારી માટે વિશેષ પ્રાર્થના (દુઆ) કરવામાં આવશે.
આ પણ વાંચો: Ganesh Puja નું આ દ્રશ્ય જોઈને હું ચોંકી ગયો હતો : કપિલ સિબ્બલ