Lok Sabha Election : જાણો 2014 અને 2019 માં કઇ પાર્ટીને કેટલા વોટ મળ્યા હતા...

લોકસભા ચૂંટણી (Lok Sabha Election) 2024 માટે મતદાન પ્રક્રિયા 1 જૂનના રોજ સમાપ્ત થઈ હતી. હવે જનાદેશનો વારો છે. 18 મી લોકસભા માટે કુલ 8360 ઉમેદવારોએ ચૂંટણી લડી હતી. છેલ્લા અઢી મહિનાથી ચાલી રહેલી ચૂંટણી પ્રક્રિયા બાદ હવે લોકોની નજર પરિણામો પર છે. આ ચૂંટણી દરમિયાન મતની ટકાવારી ચર્ચાનો મુખ્ય વિષય રહી હતી. શરૂઆતમાં વિપક્ષે ચૂંટણી પંચ પર મતદાનના આંકડામાં વિલંબ કરવાનો આરોપ લગાવ્યો હતો, જોકે પંચે આ વાતને નકારી કાઢી હતી. ચૂંટણી પંચના ડેટા દર્શાવે છે કે 2019 ની સરખામણીમાં સાત તબક્કામાં વોટ ટકાવારીમાં ઘટાડો થયો છે. જો કે મતદાન કરતા લોકોની સંખ્યામાં વધારો થયો હતો. દરમિયાન, 1 જૂનના રોજ જાહેર કરાયેલા એક્ઝિટ પોલના અંદાજમાં ભાજપ અને NDA માટે જંગી બહુમતી દર્શાવવામાં આવી છે. એવા ઘણા રાજ્યો છે જ્યાં ભાજપને સીટો કરતા વધુ વોટ મળ્યા છે. દેશની મુખ્ય વિપક્ષી પાર્ટીને પણ કર્ણાટક અને તેલંગાણામાં સમાન લાભ મળતો જોવા મળી રહ્યો છે.

2019 ની સરખામણીમાં 2024 માં કેવું મતદાન?

2019 ની લોકસભા ચૂંટણી (Lok Sabha Election)માં લગભગ 91 કરોડ મતદારો હતા. જેમાંથી 61.46 કરોડ મતદારોએ મતદાન કર્યું હતું. આ રીતે, 2019 ની લોકસભા ચૂંટણી (Lok Sabha Election)માં 67.01% મત પડ્યા હતા, જેમાંથી પુરુષોએ 67.02%, મહિલાઓએ 67.18% અને અન્યોએ 14.64% મતદાન કર્યું હતું. આ વખતે મતદારોની સંખ્યા વધીને 96.88 કરોડ થઈ છે. લોકસભા ચૂંટણી (Lok Sabha Election) 2024 ના પ્રથમ તબક્કામાં 66.14%, બીજા તબક્કામાં 66.71% અને ત્રીજા તબક્કામાં 65.68% મતદાન નોંધાયું હતું. 2019ની સરખામણીમાં આ વખતે ત્રણ તબક્કામાં ઓછું મતદાન થયું છે. જોકે, ચોથા રાઉન્ડમાં 96 બેઠકો પર 69.16% મતદાન થયું હતું જ્યારે 2019માં આ બેઠકો પર 69.12% મતદાન થયું હતું. પાંચમા તબક્કામાં 62.20%, છઠ્ઠા તબક્કામાં 63.37% અને સાતમા તબક્કામાં 62.36% મતદાન થયું હતું.

2019 માં કયા રાજ્યમાં ભાજપ અને કોંગ્રેસને કેટલા ટકા વોટ મળ્યા?

2019 માં કેટલાક રાજ્યો એવા હતા જ્યાં ભાજપની વોટ ટકાવારી 50 થી વધુ હતી. આ રાજ્યો હિમાચલ પ્રદેશ, ગુજરાત, ઉત્તરાખંડ, રાજસ્થાન, મધ્ય પ્રદેશ, હરિયાણા, દિલ્હી, કર્ણાટક, ઝારખંડ, છત્તીસગઢ અને ઉત્તર પ્રદેશ હતા. તે જ સમયે, દક્ષિણ અને સેન્ટ્રલ ઇન્ડિયાના ઘણા રાજ્યોમાં કોંગ્રેસ પાસે 30 અથવા 30 થી વધુ મત ટકાવારી હતી. આમાંના કેટલાક રાજ્યો છત્તીસગઢ, પંજાબ, મધ્યપ્રદેશ, રાજસ્થાન, ગુજરાત અને કર્ણાટક હતા.

2014 માં કયા રાજ્યમાં ભાજપ અને કોંગ્રેસને કેટલા ટકા મત મળ્યા?

2014 માં કેટલાક રાજ્યો એવા હતા જ્યાં ભાજપની વોટ ટકાવારી 50 થી વધુ હતી. આ રાજ્યો ગુજરાત, દિલ્હી, ઉત્તરાખંડ, રાજસ્થાન, મધ્યપ્રદેશ અને હિમાચલ પ્રદેશ હતા. તે જ સમયે, કોંગ્રેસે દક્ષિણ અને સેન્ટ્રલ ઇન્ડિયાના ઘણા રાજ્યોમાં 30 અથવા 30 થી વધુ મત ટકાવારી મેળવી હતી. આમાંના કેટલાક રાજ્યો કર્ણાટક, હિમાચલ પ્રદેશ, છત્તીસગઢ, મધ્ય પ્રદેશ, ઉત્તરાખંડ, ગુજરાત અને રાજસ્થાન હતા.

આ પણ વાંચો : ECI એ ભૂપેશ બઘેલને લીધા આડેહાથ, કહ્યું- EVM બદલવાના આરોપમાં કોઈ હકીકત નહીં…

આ પણ વાંચો : ‘એક આઝાદી એ અમારો અધિકાર…’ વોટિંગ પહેલા સીટો અંગે Akhilesh Yadav નો મોટો દાવો…

આ પણ વાંચો : UP : Mirzapur માં મતગણતરી કેન્દ્રની દીવાલ તોડવાની અફવા, CEO એ સમગ્ર સત્ય જણાવ્યું…