Assembly Election Results 2024 : BJP એ અરુણાચલમાં બહુમતીનો આંકડો પાર કર્યો, સિક્કિમમાં એકતરફી જીત તરફ SKM

અરુણાચલ પ્રદેશ અને સિક્કિમ વિધાનસભા ચૂંટણી (Assembly Election Results 2024) માટે રવિવારે સવારે મતગણતરી શરૂ થઈ ગઈ છે. અરુણાચલ પ્રદેશની 50 અને સિક્કિમની 32 વિધાનસભા બેઠકો માટે સવારે 6 વાગ્યાથી મતગણતરી શરૂ થઈ ગઈ છે. અરુણાચલમાં સત્તારૂઢ BJP એ 60 સભ્યોની વિધાનસભામાં 10 બેઠકો બિનહરીફ જીતી લીધી છે. તે જ સમયે, સિક્કિમમાં, જેમાં 32 વિધાનસભા બેઠકો છે, સત્તાધારી સિક્કિમ ક્રાંતિકારી મોરચા (SKM) સતત બીજી વખત જીતવાની આશા રાખે છે અને વિપક્ષ SDF તેને સત્તામાંથી બહાર કરવા માંગે છે. 146 ઉમેદવારોમાં સિક્કિમના મુખ્ય પ્રધાન પ્રેમ સિંહ તમાંગ, તેમની પત્ની કૃષ્ણા કુમારી રાય, ભૂતપૂર્વ મુખ્ય પ્રધાન પવન કુમાર ચામલિંગ અને ભૂતપૂર્વ ભારતીય ફૂટબોલર બાઈચુંગ ભૂટિયા મુખ્ય ઉમેદવારો છે. SKM અને SDF એ તમામ 32 વિધાનસભા બેઠકો પર ઉમેદવારો ઉભા રાખ્યા છે, ત્યારબાદ BJP (31), CAPસિક્કિમ (30) અને કોંગ્રેસ (12) છે.

ફૂટબોલર બાઈચુંગ ભૂટિયા તેની સીટ પરથી હારી ગયા

સિક્કિમ ડેમોક્રેટિક ફ્રન્ટ (SDF) ના બારફૂંગ સીટ પરથી ઉમેદવાર અને ભારતીય ફૂટબોલ ટીમના ભૂતપૂર્વ સ્ટાર ખેલાડી બાઈચુંગ ભૂટિયા સિક્કિમ ક્રાંતિકારી મોરચાના રિક્ષાલ દોરજી ભૂટિયા કરતાં 2500 હજારથી વધુ મતોથી પાછળ છે.

અરુણાચલ પ્રદેશમાં BJP 38 બેઠકો પર આગળ

અરુણાચલ પ્રદેશની 60 માંથી 55 સીટો માટે પરિણામ આવી ગયા છે. જેમાંથી BJP 38 બેઠકો પર આગળ છે. NPP 9 બેઠકો પર આગળ છે જ્યારે કોંગ્રેસ 1 પર અને અન્ય પક્ષો 7 બેઠકો પર આગળ છે.

સિક્કિમના વલણોમાં SKM નો જંગી વિજય

સિક્કિમમાં 32 માંથી 30 સીટો માટે ટ્રેન્ડ આવી ગયો છે અને સત્તાધારી સિક્કિમ ક્રાંતિકારી મોરચા (SKM) 29 સીટો પર આગળ છે અને SDF એક સીટ પર આગળ છે.

અરુણાચલમાં BJP ના કયા ઉમેદવારો બિનહરીફ જીત્યા?

અરુણાચલની 60 સભ્યોની વિધાનસભા બેઠકોમાંથી, BJP ના ઉમેદવારો પહેલેથી જ 10 બેઠકો બિનહરીફ જીતી ચૂક્યા છે. બિનહરીફ જીતેલા ઉમેદવારોના નામ અહીં છે.

• મુક્તો સીટ પરથી પેમા ખાંડુ
• બોમડિલા સીટથી ડોંગરુ સિઓંગજુ
• ઇટાનગર સીટથી ટેચી કાસો
• સાગલી સીટ પરથી રતુ ટેકચી
• ઝીરો હાપોલી સીટ પરથી હાગે અપ્પા
• તાલી બેઠક પરથી જીકો તાકે
• તાલિહા બેઠકથી ન્યાતો દુકમ
• રોઇંગ સીટ પરથી મુચુ મીઠી
• હાયુલીયાંગ બેઠક પરથી દાસાંગ્લુ પુલ
• ચૌખોમ બેઠક પરથી ચૌના મીન

આ પણ વાંચો : ધ્યાનના 45 કલાક પૂર્ણ, ‘મારા શરીરનો દરેક કણ દેશ માટે છે’, ધ્યાન બાદ PM મોદીનો સંદેશ…

આ પણ વાંચો : Lalu Prasad Yadav એ એવું તો શું કર્યું કે ચૂંટણી પંચે નોંધી ફરિયાદ, જાણો શું છે સમગ્ર મામલો…

આ પણ વાંચો : Exit Polls 2024: શું આ 11 રાજ્યોમાં વિપક્ષનો સંપૂર્ણ સફાયો થશે ? Exit Poll નો ચોંકાવનારો સરવે