રાજસ્થાન રોયલ્સ સામે ચેન્નાઈ સુપર કિંગ્સે ટોસ જીતી બેટિંગ પસંદ કરી, ધોનીની આ છેલ્લી મેચ ?

IPL 2022 ની 68મી મેચ આજે સંજુ સેમસનની આગેવાની હેઠળની રાજસ્થાન રોયલ્સ અને એમએસ
ધોનીની ચેન્નાઈ સુપર કિંગ્સ વચ્ચે રમાઈ રહી છે. આ મેચમાં ચેન્નાઈ સુપર કિંગ્સે ટોસ
જીતીને બેટિંગ પસંદ કરી છે. આ મેચ દ્વારા RRની નજર પ્લેઓફમાં સ્થાન મેળવવા પર હશે. જ્યારે CSK વિશ્વસનીયતા માટે લડશે. જો ચેન્નાઈ સુપર કિંગ્સ આજે આ મેચ જીતી જાય
છે. તો તે સિઝનનો અંત પોઈન્ટ ટેબલમાં 9મા સ્થાને આવી જશે. બીજી તરફ રાજસ્થાનને જીત સાથે પ્લેઓફમાં
પ્રવેશવાની ટિકિટ મળી જશે. ક્રિકેટના કોરિડોરમાં એવી ચર્ચા છે કે એક ખેલાડી તરીકે
ધોનીની આ છેલ્લી મેચ હશે. આવી ચર્ચા છેલ્લી બે સિઝનથી થઈ રહી છે, પરંતુ ધોની દરેક વખતે આ બાબતોને ફગાવી દે છે. આવી સ્થિતિમાં ચાહકોને
આશા છે કે આજે પણ ધોની સીએસકે માટે ‘ડેફિનેટલી નોટ’
કહીને રમશે.

IPL 2022માં ચહલની 24 વિકેટ છે, જો તે આજે ત્રણ વિકેટ લે તો તે એક
સિઝનમાં સૌથી વધુ વિકેટ લેનાર સ્પિનર ​​બની જશે. આ રેકોર્ડ હાલમાં ઈમરાન તાહિરના
નામે છે, તેણે 2019માં 26 વિકેટ ઝડપી હતી. ગુરુવારે RCBની જીત બાદ પંજાબ કિંગ્સ અને સનરાઈઝર્સ હૈદરાબાદ પ્લેઓફની રેસમાંથી
બહાર થઈ ગઈ છે. દિલ્હી 5માં અને RCB ચોથા સ્થાને છે. જ્યારે રાજસ્થાન ત્રીજા સ્થાને છે. જો રાજસ્થાન આજે
જીત નોંધાવશે તો તે ગુજરાત અને લખનૌ પછી પ્લેઓફમાં પહોંચનારી ત્રીજી ટીમ બની જશે.

રાજસ્થાન રોયલ્સ:

યશસ્વી જયસ્વાલ, જોસ બટલર, સંજુ સેમસન (કેપ્ટન), દેવદત્ત પડિકલ, શિમરોન હેટમાયર, રિયાન પરાગ, રવિચંદ્રન અશ્વિન, ટ્રેન્ટ બોલ્ટ, પ્રણંદ કૃષ્ણા, યુઝવેન્દ્ર ચહલ, ઓબેદ મેકકોય

ચેન્નાઈ સુપર કિંગ્સ:

રૂતુરાજ ગાયકવાડ, ડેવોન કોનવે, મોઈન અલી, શિવમ દુબે, એન જગદીસન, એમએસ ધોની (કેપ્ટન), મિશેલ સેન્ટનર, પ્રશાંત સોલંકી, સિમરજીત સિંહ, મતિશા પથિરાના, મુકેશ ચૌધરી