હિજાબના વિરોધમાં કપડા ઉતારનારી મહિલા ક્યાં?

• ઈરાનના કટ્ટરપંથીઓને પડકાર ફેંકનારી Ahoo Daryaei ક્યાં છે?
• એમ્નેસ્ટી ઈન્ટરનેશનલની અપીલ: Ahoo Daryaei ને મુક્ત કરો!
• હિજાબ વિરોધમાં અન્ડરવેરમાં રસ્તાઓ પર ફરતી ઈરાની વિદ્યાર્થીની Ahoo Daryaei

યોગ્ય રીતે હિજાબ (Hijab) ન પહેરવા બદલ પોલીસ દ્વારા હેરાન થવાના જવાબમાં ઈરાની વિદ્યાર્થી ahoo daryaei એ તેના કપડાં ઉતારી દીધા હતા. તે માત્ર અન્ડરવેરમાં જ રસ્તાઓ પર ફરતી જોવા મળી હતી અને તેની તસવીરો આખી દુનિયામાં વાયરલ થઈ હતી. એક તરફ ઈરાનના કટ્ટરપંથીઓ દ્વારા ahoo daryaei ની આ કાર્યવાહીની ટીકા થઈ રહી છે, તો બીજી તરફ દુનિયાભરમાં એવા લોકો છે જેઓ કહે છે કે ahoo daryaei એ ઈરાની કટ્ટરપંથીઓને પડકાર ફેંક્યો છે. તે મહિલા સ્વતંત્રતાનું પ્રતીક બની ગઈ છે અને તેણે બતાવ્યું છે કે કેવી રીતે કટ્ટરવાદી શક્તિઓને પડકારી શકાય છે.

ahoo daryaei હવે ક્યાં છે?

હવે પ્રશ્ન એ પણ થાય છે કે ahoo daryaei હવે ક્યાં છે? વાયરલ વીડિયોમાં જોવા મળે છે કે તે તેહરાન યુનિવર્સિટીના કેમ્પસમાં કપડાં ઉતારીને ફરે છે. તેના શરીર પર માત્ર અન્ડરવેર જ દેખાય છે. આ દરમિયાન સાદા કપડામાં આવેલા કેટલાક લોકોએ તેને પકડીને કારમાં બેસાડી દીધી હતી. કહેવામાં આવી રહ્યું છે કે ahoo daryaei ને કોઈ અજાણ્યા સ્થળે રાખવામાં આવી છે. હજુ સુધી ઈરાને ahoo daryaei ને ક્યાં રાખવામાં આવી છે તેની સત્તાવાર માહિતી આપી નથી. એક સ્થાનિક અખબાર, Farhikhtegan કહે છે કે ahoo daryaei ને માનસિક આશ્રયમાં દાખલ કરવામાં આવી છે.

Amnesty International એ ઈરાની સત્તાવાળાઓને ahoo daryaei ને મુક્ત કરવાની અપીલ કરી છે. જો તેણે કોઈ ગુનો કર્યો હોય તો પણ સમગ્ર કેસની નિષ્પક્ષ તપાસ થવી જોઈએ તેવી માંગણી પણ કરવામાં આવી છે. અહેવાલો અનુસાર, ahoo daryaei ને જ્યારે તે ઈસ્લામિક અજા યુનિવર્સિટીમાં ગઈ ત્યારે યોગ્ય રીતે સ્કાર્ફ ન પહેરવા બદલ સુરક્ષા કર્મચારીઓએ તેને રોકી હતી. આ દરમિયાન તેણીને હેરાન પણ કરવામાં આવી હતી. એક વિદ્યાર્થીનો દાવો છે કે ahoo daryaei ને આ માટે માર પણ મારવામાં આવ્યો હતો. આનાથી તેણીને ખૂબ જ દુઃખ થયું હતું.

એમ્નેસ્ટી ઈન્ટરનેશનલે ઈરાન સરકારને અપીલ કરી

યુનિવર્સિટીના પીઆર ઓફિસરનું કહેવું છે કે ahoo daryaei ની માનસિક સ્થિતિ સારી નથી અને તે તેના પતિથી અલગ થઈ ગઈ છે. તે 2 બાળકોની માતા છે. એમ્નેસ્ટી ઈન્ટરનેશનલે ઈરાન સરકારને અપીલ કરી છે કે તે ahoo daryaei ને સંપૂર્ણ સુરક્ષા આપે અને તેની સામે કોઈપણ પ્રકારના અત્યાચારને અટકાવે. જણાવી દઈએ કે આ પહેલા 2022માં પણ મહિલાઓએ ઈરાનમાં જોરદાર પ્રદર્શન કર્યું હતું. મહસા અમીની નામની મહિલાની પોલીસે ડ્રેસ કોડનું ઉલ્લંઘન કરવા બદલ ધરપકડ કરી હતી. આ દરમિયાન તેણીનું મૃત્યુ થયું અને ત્યારબાદ મહિલાઓ મોટી સંખ્યામાં રસ્તા પર આવી ગઈ હતી.

આ પણ વાંચો:  હિજાબ નહીં પહેરું... વિદ્યાર્થીનીએ ઉતાર્યા કપડાં, Iran ની યુનિવર્સિટીનો Video Viral