US-China Trade War: USA અને ચીન વચ્ચે ટ્રેડ વોર, ડ્રેગને અમેરિકા પર લગાવ્યો 84 ટકા ટેરિફ

• અમેરિકા અને ચીન વચ્ચે ટ્રેડ વોર વકર્યું
• ચીને ઠોક્યો અમેરિકા પર વળતો 84 ટકા ટેરિફ
• અમેરિકાએ ચીન પર લાદ્યો છે 104 ટકા ટેરિફ
• આજથી જ ચીનનો નવો ટેરિફ અમેરિકા પર લાગૂ

Tariff War: અમેરિકા-ચીન ટેરિફ વોર વચ્ચે હવે ફરી એકવાર મોટા સમાચાર સામે આવ્યા છે. અમેરિકા અને ચીન વચ્ચેનો વેપાર યુદ્ધ અટકવાના કોઈ સંકેત દેખાઈ (US-China tariff war)રહ્યા નથી. ગઈકાલે ટ્રમ્પે ચીન પર 104 % પ્રતિશોધાત્મક ટેરિફ લાદવાની જાહેરાત કરી હતી. જવાબમાં ચીને આજે જાહેરાત કરી છે કે, તે ગુરુવારથી યુએસ માલ પર 84 ટકા સુધીનો ટેરિફ લાદશે, જે અગાઉ જાહેર કરાયેલા 34 ટકા કરતા ઘણો વધારે છે.

ટ્રમ્પના પારસ્પરિક ટેરિફ આજથી અમલમાં આવશે

ડોનાલ્ડ ટ્રમ્પ (Donald Trump)વહીવટીતંત્રે ચીની માલ પર 104 ટકાનો આશ્ચર્યજનક ટેરિફ લાદ્યા બાદ ચીનનું આ પગલું આવ્યું છે. ડોનાલ્ડ ટ્રમ્પ દ્વારા અનેક દેશો પર લાદવામાં આવેલા પારસ્પરિક ટેરિફ બુધવારથી અમલમાં આવ્યા છે. આમાં ચીની માલ પર લાદવામાં આવેલી ભારે જકાતનો પણ સમાવેશ થાય છે, જેના કારણે વૈશ્વિક વેપાર યુદ્ધમાં વધારો થયો છે.

આ પણ  વાંચો -US-China Trade War : ટ્રમ્પે ડ્રેગન પર લગાવ્યો 104 ટકા ટેરિફ, ચીને કહ્યું-'અમે અંત સુધી....!

ચીને WTO માં શું કહ્યું

બુધવારે, ચીને વિશ્વ વેપાર સંગઠનને જણાવ્યું હતું કે પરિસ્થિતિ ખતરનાક રીતે વણસી ગઈ છે અને ચેતવણી આપી હતી કે ચીન પર યુએસ ટેરિફ વૈશ્વિક વેપાર સ્થિરતા માટે ગંભીર ખતરો છે.ચીને વિશ્વ વેપાર સંગઠનને આપેલા નિવેદનમાં કહ્યું, 'અસરગ્રસ્ત સભ્યોમાંના એક તરીકે, ચીન આ અવિચારી પગલા સામે ગંભીર ચિંતા અને વિરોધ વ્યક્ત કરે છે.' પારસ્પરિક ટેરિફ વેપાર અસંતુલનનો ઉકેલ નથી અને ક્યારેય નહીં હોય. તેના બદલે, તેઓ વિપરીત અસર કરશે, અમેરિકાને જ નુકસાન પહોંચાડશે.

આ પણ  વાંચો -પારસ્પરિક ટેરિફ અંગે મસ્કે કોના પર પ્રહાર કર્યા? શું તેમણે ટ્રમ્પને ચેતવણી આપી?

કોણે ટેરિફ વધાર્યો અને કેટલો

ગયા મહિના સુધી અમેરિકા ચીન પર 10 ટકા ટેરિફ લાદતું હતું. આ પછી, ડોનાલ્ડ ટ્રમ્પે 2 એપ્રિલે 60 દેશો પર પારસ્પરિક ટેરિફ લાદ્યો. આમાં, ચીન પર 34 ટકાનો વધારાનો ટેરિફ લાદવામાં આવ્યો. આના પરિણામે ચીન પર કુલ 44 ટકા ટેરિફ લાદવામાં આવ્યો. ટ્રમ્પની જાહેરાતના થોડા સમય પછી, વ્હાઇટ હાઉસે કહ્યું કે તે સમગ્ર વિશ્વ પર વધારાના 10 ટકા નોન-રિપ્રોકલ ટેરિફ લાદશે. આનાથી ચીન પરનો ટેરિફ વધીને 54 ટકા થયો. આ પછી, ચીને અમેરિકન ઉત્પાદનો પર 34 ટકા ટેરિફની જાહેરાત કરીને બદલો લીધો. આ જાહેરાતના 48 કલાકથી પણ ઓછા સમયમાં, ટ્રમ્પે ચીની ઉત્પાદનો પર ટેરિફ 50 ટકા વધારીને બદલો લીધો, જેનાથી કુલ ટેરિફ 104 ટકા થઈ ગયો. હવે આજે ચીને ફરી એકવાર અમેરિકન ઉત્પાદનો પર ટેરિફ વધારીને 84 ટકા કર્યો છે.