Trump ની જીતથી નારાજ Americans માટે આ ક્રૂઝ કંપની લઇને આવી શાનદાર ઓફર!

• ટ્રમ્પના રાષ્ટ્રપતિની ચૂંટણી જીતથી નારાજ અમેરિકન માટે આ ક્રૂઝ કંપની લઇને આવી શાનદાર ઓફર
• 'ટ્રમ્પ એરા'થી છૂટકારો મેળવો, ક્રૂઝ પર ફરો અને જુઓ વિશ્વ!
• ટ્રમ્પની જીતથી નારાજ છો? તો વિલા વી ક્રૂઝનો 'સ્કિપ ફોરવર્ડ' પેકેજ તમારા માટે!

American Cruise Company : અમેરિકી રાષ્ટ્રપતિની ચૂંટણીમાં ડોનાલ્ડ ટ્રમ્પ (Donald Trump) ની જીતને લઈને વિશ્વભરમાં અલગ-અલગ પ્રતિક્રિયાઓ આવી રહી છે. જેમ કે, રિપબ્લિકન સમર્થકોમાં ખુશી છે, ત્યારે ડેમોક્રેટિક કાર્યકરોમાં નિરાશા જોવા મળી રહી છે. ટ્રમ્પના બીજા કાર્યકાળને લઈને ઘણા પ્રશ્નો ઊભા થઈ રહ્યા છે, અને તે પ્રમાણે અનેક અસહમતી પણ વધી રહી છે. આ સમયમાં, વિલા વી રેસિડેન્સ નામની એક ક્રૂઝ કંપનીએ એક વિશિષ્ટ 'સ્કિપ ફોરવર્ડ' પેકેજ રજૂ કર્યું છે, જે લોકોને થોડા વર્ષો માટે દુનિયાભરમાં પ્રવાસ કરવાની તક આપે છે. આ પ્રવાસની ખાસ વાત એ હશે કે જે લોકો ડોનાલ્ડ ટ્રમ્પના રાષ્ટ્રપતિની ચૂંટણી જીતથી ખુશ નથી તેઓ તેમના કાર્યકાળના પૂર્ણ થાય ત્યા સુધી દુનિયા ફરી શકશે.

'Tour La Vie' પેકેજ, એક વૈશ્વિક મુસાફરી

વિલા વી રેસિડેન્સ એ ડોનાલ્ડ ટ્રમ્પના કાર્યકાળ દરમિયાન એક નવો અને અનોખો ટૂર પેકેજ જાહેર કર્યો છે, જેને 'Tour La Vie' નામ આપવામાં આવ્યું છે. આ પેકેજનો હેતુ તે લોકોને માટે છે, જેમણે રાજનીતિક પરિસ્થિતિથી નારાજગી વ્યક્ત કરી છે અને તેઓ દુનિયાભરમાં પ્રવાસ કરવા ઈચ્છે છે. ટ્રમ્પના બીજા કાર્યકાળમાં નિરાશ લોકો માટે આ એક એવું વિકલ્પ છે, જે તેમને તેમના ઘર એટલે કે અમેરિકાથી દૂર રહીને યાત્રા કરવાની તક આપે છે. આ પ્રવાસ માટે વિલા વી ઓડિસી નામના જહાજનો ઉપયોગ કરવામાં આવશે જે 400 થી વધુ સ્થળોએ રોકાશે, જ્યાં તેઓ વિવિધ સંસ્કૃતિઓ અને પરંપરાઓનો અનુભવ કરી શકશે. આ જહાજ પર સાડા ત્રણ વર્ષમાં વિશ્વભરનું પરિભ્રમણ કરવામાં આવશે, અને ટૂર પેકેજના અંતે યાત્રીઓ પરત ફરશે.

પેકેજના વિકલ્પો

વિલા વી રેસિડેન્સે ટૂર પેકેજમાં 4 પ્રકારના વિકલ્પો પ્રદાન કર્યા છે, જે પ્રવાસીઓના સમય અને પસંદગીઓ અનુસાર પસંદ કરી શકાશે. આ વિકલ્પો નીચે મુજબ છે:

• Escape from Reality Package (1 વર્ષ માટે)
  આ પેકેજ તમને એક વર્ષ માટે વિશ્વભરમાં પ્રવાસ કરવાની તક આપે છે.
• Mid-Term Selection Package (2 વર્ષ માટે)
  આ પેકેજ પ્રવાસીઓને 2 વર્ષ માટે વિશ્વભરમાં સફર કરવાની તક આપે છે.
• Everywhere But Home Package (3 વર્ષ માટે)
  આ પેકેજ તમને 3 વર્ષ માટે દૂર-દૂરનાં સ્થળોએ યાત્રા કરવાની તક આપે છે.
• Skip Forward Package (4 વર્ષ માટે)
  આ પેકેજનો મુખ્ય આકર્ષણ છે – 4 વર્ષ માટે વિશ્વભરમાં મુસાફરી કરવાની તક, જ્યાં યાત્રીઓ રાજકીય પરિસ્થિતિથી દૂર રહીને પોતાનો સમય પસાર કરી શકશે.

પ્રવાસના ખર્ચ અને સુવિધાઓ

વિલા વી ક્રૂઝ કંપનીના CEO, માઈકલ પીટરસને જણાવ્યું હતું કે, આ પેકેજ માટેની કિંમત દર વર્ષે $40,000 થી શરૂ થાય છે. કંપનીના વેબસાઇટ પર સ્પષ્ટ રીતે જણાવાયું છે કે, એકવાર ચૂકવણી કર્યા પછી, મુસાફરી શરૂ થાય છે અને યાત્રીઓએ અન્ય કોઇ ચિંતા રાખવાની જરૂર નથી. વિલા વીના પ્રતિનિધિએ જણાવ્યું, "જ્યારે તમે બોર્ડ પર ચડશો, ત્યારે તમારો પ્રવાસ શરૂ થશે. વિશ્વભરમાં સૌથી પ્રતિષ્ઠિત સ્થળોએ રોકાવાની તક મળશે."

પ્રવાસનું લક્ષ્ય અને ઉદ્દેશ

વિલા વી રેસિડેન્સે જણાવ્યું છે કે, આ ટૂર પેકેજની રૂપરેખા અગાઉથી તૈયાર કરવામાં આવી હતી, અને કંપનીએ આ પેકેજ અંગે કોઈપણ રાજકીય પરિસ્થિતિથી સંબંધિત વાતો કરવાનો આશય નથી રાખ્યો. કંપનીએ સ્પષ્ટ કર્યું કે, આ પેકેજની રચના એવી વ્યક્તિઓ માટે છે જેમણે જણાવ્યું હતું કે, "જો XYZ (વિશિષ્ટ રાજકીય નેતા) જીતશે, તો હું દેશ છોડી દઇશ."

આ પણ વાંચો:  ટ્રમ્પની જીતથી ગુસ્સે થયેલા શખ્સે પરિવારની હત્યા કરી પોતાને મારી ગોળી!