પાકના નવા આર્મી ચીફ આસીમ મુનીરે બતાવ્યા તેવર, કહ્યું હુમલો થશે તો ભારત સામે લડવા માટે છીએ તૈયાર

પાકિસ્તાનના નવ નિયુક્ત આર્મી ચીફ આસીમ મુનીર પણ પૂર્વ જનરલ બાજવાના પગલે ચાલીને  ભારત સામે ઝેરી ઓકી રહ્યા છે.. શનિવારે પોતાની પ્રથમ એલઓસીની મુલાકાત દરમ્યાન જનરલ અસીમ મુનીરે બડાઈ મારતા કહ્યું હતું કે જો તેમના પર હુમલો કરવામાં આવે તો તેઓ ભારત સાથે યુદ્ધ માટે તૈયાર છે. મુનીરે કહ્યું કે તાજેતરમાં જ ગિલગિટ બાલ્ટિસ્તાન અને જમ્મુ-કાશ્મીર પર ભારતીય નેતૃત્વ તરફથી બેજવાબદાર નિવેદનો આવ્યા છે.

જનરલ મુનીરે ધમકી આપી હતી કે પાકિસ્તાનની સશસ્ત્ર દળો તેમની જમીનના એક-એક ઈંચની રક્ષા કરશે. જો અમારા પર યુદ્ધ લાદવામાં આવે તો અમે લડવા તૈયાર છીએ. મુનીરે એલઓસી પર પાકિસ્તાની સેનાની તૈયારીઓનું નિરીક્ષણ કર્યું અને ઉચ્ચ અધિકારીઓ સાથે બેઠક કરી હતી. જનરલ મુનીરે 24 નવેમ્બરે જનરલ કમર જાવેદ બાજવાનું સ્થાન લીધું છે, જેઓ ત્રણ વર્ષની સેવા બાદ નિવૃત્ત થયા હતા

બાજવા ત્રણ વર્ષ સેના પ્રમુખ તરીકે સેવા આપ્યા બાદ નિવૃત્ત થયા હતા.સરહદી વિસ્તારોની મુલાકાત દરમિયાન, આર્મી ચીફ જનરલ મુનીરે સેના પાસેથી એલઓસીની વર્તમાન સ્થિતિ વિશે પૂછપરછ કરી. તેમણે અધિકારીઓ અને સૈનિકો સાથે વાતચીત કરી અને તેમના ઉચ્ચ મનોબળની પ્રશંસા કરી. તેમણે સેનાને સતર્ક રહેવાની સૂચના પણ આપી .. 

તેમણે જમ્મુ-કાશ્મીર અને ગિલગિટ-બાલ્ટિસ્તાન અંગે ભારતીય અધિકારીઓના તાજેતરના કેટલાક નિવેદનો વિશે પણ વાત કરી. તેમણે કહ્યું કે જો ભારત કોઈપણ પ્રકારની ભૂલ કરે છે તો પાકિસ્તાન જડબાતોડ જવાબ આપવા તૈયાર છે. તેમણે કહ્યું કે ભારતને તેના ગંભીર પરિણામો ભોગવવા પડી શકે છે. 

આ પણ વાંચો -  દેવાના ડૂંગર નીચે દબાયું પાકિસ્તાન, એક જ વર્ષમાં ચૂકવવાના થશે રૂપિયા 21 લાખ કરોડ