લો હવે તો અમેરિકાએ કબૂલ્યુ કે - 'પાકિસ્તાન વિશ્વના સૌથી ખતરનાક દેશોમાંથી એક છે'- જો બાઇડન

એક બાજુ લુચ્ચુ અમેરિકા પાકિસ્તાન સાથે ફાઇટર જેટનો સોદો કરે છે અને બીજી તરફ તેને ખતરનાક દેશ જાણાવે છે.પોતાના બેવડા ધારા-ધોરણો માટે પ્રખ્યાત અમેરિકા હવે બેવડા નિવેદનો આપી રહ્યું છે, હવે અમેરિકા પાકિસ્તાનને વિશ્વનો સૌથી ખતરનાક દેશ ગણાવી રહ્યો છે. અમેરિકી રાષ્ટ્રપતિ જો બાઇડેને પાકિસ્તાનને લઈને આ નિવેદન આપ્યું છે. આ વાત જગજાહેર છે કે વર્ષોથી પાકિસ્તાન વિદેશથી મળેલા સૈન્ય હથિયારોનો ઉપયોગ ભારત વિરુદ્ધ ષડયંત્રમાં કરે છે. જો કે તેના પોતાના દેશમાં દીવાતળે અંધારું જેવી પરિસ્થિતિ હાલમાં પ્રવર્તે છે. જે કે  હાલમાં પાકિસ્તાનમાં ભયંકર ગરીબી અને ભૂખમરો ચોમેર છે. 

ડેમોક્રેટિક કોંગ્રેસનલ કેમ્પેઈન કમિટી ઈવેન્ટમાં બિડેનનું નિવેદન (ફાઈલ ફોટો)

અમેરિકાના રાષ્ટ્રપતિ જો બિડેને પાકિસ્તાનને લઈને મોટું નિવેદન આપ્યું છે. તેમણે કહ્યું- મને લાગે છે કે કદાચ દુનિયાના સૌથી ખતરનાક દેશોમાંથી એક પાકિસ્તાન છે, કારણ કે આ દેશ પાસે કોઈપણ કરાર વિના પરમાણુ હથિયારો છે. વ્હાઇટ હાઉસે બાઇડનનું આ નિવેદન જાહેર કર્યું છે. બાઇડને આ વાત ડેમોક્રેટિક કોંગ્રેસનલ કેમ્પેઈન કમિટીના રિસેપ્શનમાં કહી હતી. વ્હાઇટ હાઉસ અમેરિકી રાષ્ટ્રપતિએ પણ રશિયા-યુક્રેન સંઘર્ષ પર પણ કમેન્ટ કરી હતી. તેમણે કહ્યું કે આ સંઘર્ષથી દુનિયા ખૂબ પ્રભાવિત થઈ છે. આ સિવાય તેમણે અન્ય દેશો સાથે વોશિંગ્ટનના સંબંધો વિશે પણ વાત કરી હતી. ધ ડોન અનુસાર, પાકિસ્તાનના ઉર્જા મંત્રી ખુર્રમ દસ્તગીરે બિડેનના નિવેદનને પાયાવિહોણું ગણાવ્યું છે. તેમણે કહ્યું કે આંતરરાષ્ટ્રીય એજન્સીઓએ પાકિસ્તાનના પરમાણુ અવરોધને ઘણી વખત ચકાસી જોયો છે.

વ્હાઇટ હાઉસ અનુસાર, અમેરિકી રાષ્ટ્રપતિએ પોતાના સંબોધનમાં રશિયાના રાષ્ટ્રપતિ વ્લાદમીર પુતિન પર પ્રહાર કરતા કહ્યું- 'શું તમારામાંથી કોઈએ ક્યારેય વિચાર્યું છે કે ક્યુબા મિસાઈલ ક્રાઈસિસ પછી કોઈ રશિયન નેતા પરમાણુ હથિયારોના ઉપયોગની ધમકી આપી શકે છે,  આ એક મિશાઇલ  ત્રણ- ચાર હજાર લોકોને મારી શકે.,બાઇડેને આગળ કહ્યું- "શું કોઈએ વિચાર્યું છે કે આપણે એવી પરિસ્થિતિમાં હોઈશું કે જ્યાં ચીન રશિયા, ભારત અને પાકિસ્તાનના સંબંધમાં રશિયાની ભૂમિકા શોધવાનો પ્રયાસ કરી રહ્યું છે?"

વ્હાઇટ હાઉસે પોતાના રિપોર્ટમાં જણાવ્યું કે બાઇડેને કહ્યું કે દુનિયા ઝડપથી બદલાઈ રહી છે. દેશો તેમના જોડાણ પર પુનર્વિચાર કરી રહ્યા છે અને હકીકત એ છે કે વિશ્વ આપણી તરફ જોઈ રહ્યું છે. આપણે તેને કેવી રીતે મૂલવીએ છીએ, આપણે શું કરીએ છીએ તે શોધવા માટે આપણા દુશ્મનો પણ આપણને જોઈ રહ્યાં છે. ઘણું બધું દાવ પર હતું. બાઇડેને ભારપૂર્વક જણાવ્યું હતું કે અમેરિકા પાસે વિશ્વને એવી જગ્યાએ લઈ જવાની આજે ક્ષમતા છે જે તે પહેલાં ક્યારેય ન હતી.

સપ્ટેમ્બરમાં પાકિસ્તાન સાથે સંરક્ષણ સોદાને મંજૂરી આપવામાં આવી હતી ગયા મહિને, 8 સપ્ટેમ્બરના રોજ, બિડેન વહીવટીતંત્રે, ટ્રમ્પ વહીવટીતંત્રના નિર્ણયને ઉલટાવીને, F-16 ફાઇટર જેટ માટે પાકિસ્તાનને $ 450 મિલિયન (રૂ. 3,651 કરોડના સાધનોની ખરીદીને મંજૂરી આપી હતી. આ નિર્ણયને ભારત માટે આંચકો માનવામાં આવે છે. અફઘાનિસ્તાનમાં તાલિબાન ઉગ્રવાદીઓ અને હક્કાની નેટવર્કને તેના રક્ષણ અને સહાયને કારણે ટ્રમ્પ વહીવટીતંત્રે પાકિસ્તાનને લશ્કરી સહાય અટકાવી દીધી હતી.

ભારતે પાકિસ્તાનને સૈન્ય સહાય આપવા સામે સખત વાંધો ઉઠાવ્યો હતો. સંરક્ષણ પ્રધાન રાજનાથ સિંહે તેમના અમેરિકન સમકક્ષ લોયડ ઓસ્ટિનને ફોન કરીને કહ્યું હતું કે ભારતના હિતને અસર થશે. આ પછી અમેરિકાના આસિસ્ટન્ટ ડિફેન્સ સેક્રેટરી એલી રેટનરે કહ્યું કે પાકિસ્તાનને મંજૂર કરવામાં આવેલી મદદ ભારતને કોઈ પણ પ્રકારનો જોખમી સંદેશ મોકલવા માટે નથી. અમેરિકાના હિતોને ધ્યાનમાં રાખીને અને પાકિસ્તાન સાથેના સૈન્ય સહયોગ હેઠળ આ સહાયને મંજૂરી આપવામાં આવી છે. આનાથી પાકિસ્તાનના પરમાણુ હથિયારોનું પણ રક્ષણ થશે.

પાકિસ્તાનમાં અમેરિકી રાજદૂત ડોનાલ્ડ બ્લોમે 4 ઓક્ટોબરે પાકિસ્તાન પ્રશાસિત કાશ્મીરના મુઝફ્ફરાબાદની મુલાકાત લીધી હતી. અહીં તેમણે પાકિસ્તાન-યુએસ અલમાનાઈના સભ્યો સાથેની બેઠકમાં હાજરી આપી હતી. તે જ સમયે, યુએસ એમ્બેસીના સત્તાવાર ટ્વિટર હેન્ડલ પરથી એક ટ્વિટ કરવામાં આવ્યું છે, જેમાં પાકિસ્તાન પ્રશાસિત કાશ્મીરને આઝાદ જમ્મુ અને કાશ્મીર લખવામાં આવ્યું છે.

ટ્વિટમાં લખવામાં આવ્યું છે કે, 'એમ્બેસેડર બ્લોમ પાકિસ્તાન યુએસ અલમાનાઈના સભ્યોનું મુઝફ્ફરાબાદ બેઠકમાં સ્વાગત કરે છે. તે વિશ્વનો સૌથી મોટો અમેરિકન ભૂતપૂર્વ વિદ્યાર્થીઓનો કાર્યક્રમ છે. આઝાદ જમ્મુ અને કાશ્મીરમાં પાકિસ્તાન-યુએસ અલમનાઈ નેટવર્કમાં 950 સભ્યો છે. અમને આ ભૂતપૂર્વ વિદ્યાર્થીઓના જુસ્સા પર ગર્વ છે. તેઓ યુએસ-પાકિસ્તાન સંબંધોને મજબૂત બનાવવામાં મહત્વની ભૂમિકા ભજવી રહ્યા છે.'

 

આ પણ વાંચો- પાકિસ્તાનમાં આ શું થયું? હોસ્પિટલની છત પર અધધ...મૃતદેહો