બ્રિટિશ PM ઋષિ સુનકે કહ્યું બાળપણમાં રંગભેદનો સામનો કર્યો છે, તે શબ્દો બહુ પીડા આપતા

બ્રિટિશ વડાપ્રધાન ઋષિ સુનકે બકિંગહામ પેલેસમાં રંગભેદના આરોપો પર પોતાનું મૌન તોડ્યું છે. જોકે તેમણે તેનો સીધો ઉલ્લેખ કર્યો નથી. સુનકે કહ્યું કે આપણે રંગભેદ સામે અવાજ ઉઠાવવો જોઈએ. જ્યાં પણ આવા આક્ષેપો થયા છે તેની તપાસ થવી જોઈએ.

ભારતીય મૂળના સુનકે કહ્યું મેં બાળપણમાં રંગભેદનો સામનો કર્યો છે. તેમણે કહ્યું જ્યારે નાના ભાઈ-બહેનોની સામે આ પ્રકારનું વર્તન થતું ત્યારે તેમને વધુ ખરાબ લાગતું હતું.. જો કે તેમણે ઉમેર્યુ કે મને એ કહેતા આનંદ થાય છે કે બાળપણમાં મને જેવો અનુભવ થયો છે, એવો અનુભવ આજે કોઇને પણ ન થઇ શકે. કારણ કે રંગભેદનો સામનો કરવામાં બ્રિટને  ઘણી પ્રગતિ કરી છે...આ સાથે તેમણે એમ પણ કહ્યું કે રંગભેદનો સામનો કરવા માટે હજુ ઘણું કામ કરવાનું બાકી છે. 

રંગભેદની મામલે તેમણે કહ્યું  માત્ર થોડા જ શબ્દો બોલવામાં આવતા, પરંતુ એ શબ્દો જેટલી પીડા આપતા હતા તેટલી પીડા બીજી કોઇ વસ્તુ ન આપી શકે, આ શબ્દો આપના  હૃદયને વીંધી નાંખે છે . એક અલ્પ સંખ્યક સમુદાય હોય છે જે હમેંશા એવું સમજીને ચાલે છે કે તેના પ્રત્યે જાતિવાદી વલણ અપનાવવામાં આવી રહ્યું છે,પરંતુ હું મારા દેશની આવી છબી રજૂ કરવા માંગતો નથી.

આ પણ વાંચો -  ધાર્મિક સ્વતંત્રતાનું ઉલ્લંઘન કરનારા દેશોની યાદીમાં ચીન અને પાકિસ્તાન સહિત 12 દેશનો સમાવેશ