Myanmar Earthquake: મ્યાનમારમાં વહેલી સવારે ફરી જોરદાર ભૂકંપ, લોકો ઘર છોડીને ભાગ્યા
278 માર્ચ 2025ના રોજ મ્યાનમારમાં 7.7 ની તીવ્રતાનો જોરદાર ભૂકંપ આવ્યો હતો. આ ભૂકંપથી દેશમાં ભારે તબાહી મચી ગઈ હતી. સેનાના જણાવ્યા અનુસાર, આમાં 3600 થી વધુ લોકો માર્યા ગયા હતા, જ્યારે 5 હજારથી વધુ લોકો ઘાયલ થયા હતા.
09:43 AM Apr 13, 2025 IST
|
Hardik Prajapati
Myanmar Earthquake gujarat first
- મ્યાનમારમાં વહેલી સવારે ભૂકંપના આંચકા અનુભવાયા
- ભૂકંપની તીવ્રતા રિક્ટર સ્કેલ પર 5.1 માપવામાં આવી
- ભૂકંપને કારણે જાનમાલના નુકસાનના કોઈ સમાચાર નથી
Myanmar Earthquake: ભારતના પડોશી દેશ મ્યાનમારમાં રવિવાર (13 એપ્રિલ, 2025) વહેલી સવારે ભૂકંપના જોરદાર આંચકા અનુભવાયા. આ ભૂકંપની તીવ્રતા રિક્ટર સ્કેલ પર 5.1 માપવામાં આવી છે. તાજેતરમાં અહીં આવેલા ભૂકંપે સમગ્ર દેશમાં તબાહી મચાવી હતી, જેમાં ત્રણ હજારથી વધુ લોકો મૃત્યુ પામ્યા હતા.
નેશનલ સેન્ટર ફોર સિસ્મોલોજી અનુસાર, આજે (13 એપ્રિલ, 2025) ના રોજ સવારે 07:54:58 વાગ્યે મ્યાનમારમાં ભૂકંપના આંચકા અનુભવાયા હતા. ભૂકંપના આંચકાઓની તીવ્રતા રિક્ટર સ્કેલ પર 5.1 માપવામાં આવી છે. આ ભૂકંપનું કેન્દ્ર જમીનની અંદર 10 કિલોમીટરની ઊંડાઈએ હતું. હાલમાં આ ભૂકંપને કારણે જાનમાલના નુકસાનના કોઈ સમાચાર નથી.
28 માર્ચે મ્યાનમારમાં ભૂકંપે ભારે તબાહી મચાવી
28 માર્ચ 2025ના રોજ મ્યાનમારમાં એક ભયાનક ભૂકંપ આવ્યો હતો. માંડલે ક્ષેત્રમાં આવેલા આ ભૂકંપની તીવ્રતા 7.7 માપવામાં આવી હતી. આ ભૂકંપથી દેશમાં ભારે વિનાશ થયો. આ ભૂકંપ મ્યાનમારના ઇતિહાસમાં સૌથી વિનાશક ભૂકંપોમાંનો એક હતો. મ્યાનમાર સેનાના જણાવ્યા અનુસાર, આ ભૂકંપમાં 3600 થી વધુ લોકો માર્યા ગયા છે, જ્યારે 5 હજારથી વધુ લોકો ઘાયલ થયા છે. આ ઉપરાંત, સેંકડો લોકો તેમના પરિવારોથી અલગ થઈ ગયા.
આ પણ વાંચો : USA : H-1B વિઝા હોય કે ગ્રીન કાર્ડ, 24x7 આ દસ્તાવેજો સાથે રાખવા પડશે... અમેરિકામાં ઇમિગ્રન્ટ્સ માટે નવો નિયમ લાગુ
વિશ્વના ઘણા દેશોએ મદદ મોકલી
આ ભૂકંપથી મોબાઇલ કોમ્યુનિકેશન સિસ્ટમને પણ ગંભીર નુકસાન થયું છે. ભૂકંપને કારણે કુલ 6,730 કોમ્યુનિકેશન સ્ટેશનોને નુકસાન થયું હતું, જેમાંથી લગભગ છ હજારનું સમારકામ કરવામાં આવ્યું છે. ભારત, ચીન અને યુનાઇટેડ સ્ટેટ્સ જેવા દેશોએ બચાવ માટે મ્યાનમારમાં પોતાની ટીમો મોકલી હતી, જ્યારે સંયુક્ત રાષ્ટ્ર અને યુરોપિયન યુનિયન જેવા આંતરરાષ્ટ્રીય સંગઠનોએ પણ મ્યાનમારને મદદ કરવા માટે રાહત અને બચાવ ટીમો, તબીબી ટીમો અને જરૂરી સંસાધનો મોકલ્યા હતા.
આ પણ વાંચો : Donald Trump: ટ્રમ્પ સરકારનું મોટું એલાન..હવે આ વસ્તુ નહીં લાગે ટેરિફ