America : એકવાર ફરી Donald Trump ને મારી નાખવાનો પ્રયત્ન! AK-47 થી Firing
- ડોનાલ્ડ ટ્રમ્પને એકવાર ફરી મારી નાખવાનો પ્રયત્ન!
- ડોનાલ્ડ ટ્રમ્પના ગોલ્ફ કોર્સમાં AK-47થી ફાયરિંગ
- પૂર્વ રાષ્ટ્રપતિ ડોનાલ્ડ ટ્રમ્પ સુરક્ષિત
America : અમેરિકામાં નવેમ્બરના મહિનામાં રાષ્ટ્રપતિ પદની ચૂંટણી (The presidential election) યોજાવાની છે. જેમા પૂર્વ રાષ્ટ્રપતિ અને રિપબ્લિકન પાર્ટીના રાષ્ટ્રપતિ પદના ઉમેદવાર ડોનાલ્ડ ટ્રમ્પ (Donald Trump) અને બીજી તરફ ડેમોક્રેટિક પાર્ટી તરફથી કમલા હેરિસ (Kamala Harris) ઉમેદવાર છે. અમેરિકામાં હાલમાં ચૂંટણીનો માહોલ છે ત્યારે અહીંથી એક મોટા સમાચાર સામે આવી રહ્યા છે. મળી રહેલી માહિતી અનુસાર, ફરી એકવાર ડોનાલ્ડ ટ્રમ્પની નજીક ફાયરિંગ (Firing) થયું છે. યુએસ ઈન્ટેલિજન્સ સર્વિસે કહ્યું કે તે આ મામલે તપાસ કરી રહી છે. જણાવી દઈએ કે ડોનાલ્ડ ટ્રમ્પ આ સપ્તાહના અંતમાં વેસ્ટ કોસ્ટ ટૂરથી ફ્લોરિડા પરત ફર્યા હતા. આ ઘટના અહીં જ બની હતી.
ડોનાલ્ડ ટ્રમ્પ પર બીજી વખત જીવલેણ હુમલો
અમેરિકાના પૂર્વ રાષ્ટ્રપતિ અને રિપબ્લિકન ઉમેદવાર ડોનાલ્ડ ટ્રમ્પ બે મહિનામાં બીજી વખત જીવલેણ હુમલાથી બચી ગયા છે. પેન્સિલવેનિયામાં જુલાઈ 13ની રેલી બાદ તાજેતરનો હુમલો, રવિવારે બપોરે તેમની એક ગોલ્ફ ક્લબમાં થયો હતો. ઘટના સમયે ટ્રમ્પ ગોલ્ફ રમી રહ્યા હતા. FBI નું કહેવું છે કે પ્રારંભિક તપાસ સૂચવે છે કે ટ્રમ્પની હત્યાનો પ્રયાસ કરવામાં આવ્યો હતો, પરંતુ તે સુરક્ષિત છે. આરોપી અને ટ્રમ્પ વચ્ચે લગભગ 400 યાર્ડનું અંતર હતું. AK-47 સાથે શંકાસ્પદની ધરપકડ કરવામાં આવી છે. કહેવામાં આવી રહ્યું છે કે ઝાડીઓમાં છુપાયેલા આરોપીઓ અને સુરક્ષાકર્મીઓ વચ્ચે ગોળીબાર થયો હતો. હુમલા બાદ પોતાના પ્રથમ નિવેદનમાં ટ્રમ્પે પોતાના સમર્થકોને અપીલ કરી હતી કે તેઓ કોઈપણ અફવાઓ પર ધ્યાન ન આપે. હું સંપૂર્ણપણે સુરક્ષિત છું અને ક્યારેય આત્મસમર્પણ નહીં કરું.
"SHOTS FIRED at Trump Golf Course in West Palm Beach, Florida. An AK-47 was discovered in the bushes, per local law enforcement. The Trump campaign has released a statement confirming former President Trump is safe. A suspect has reportedly been apprehended." tweets Donald Trump… https://t.co/cKNW3fGMnd pic.twitter.com/xj0oZoeDHK
— ANI (@ANI) September 15, 2024
પૂર્વ રાષ્ટ્રપતિ સુરક્ષિત
ફ્લોરિડામાં અમેરિકાના પૂર્વ રાષ્ટ્રપતિ ડોનાલ્ડ ટ્રમ્પ (Donald Trump) ની નજીક રવિવારે બપોરે લગભગ 2 વાગ્યે ગોળીબાર (Firing) કરવામાં આવ્યો હતો. જોકે, ટ્રમ્પની કેમ્પેઈન ટીમ અને ઈન્ટેલિજન્સ સર્વિસે માહિતી આપી હતી કે તેઓ સંપૂર્ણપણે સુરક્ષિત છે. હજુ સુધી એ સ્પષ્ટ નથી થયું કે આ ગોળીબાર અમેરિકી રાષ્ટ્રપતિ ચૂંટણીના રિપબ્લિકન ઉમેદવાર ટ્રમ્પને નિશાન બનાવીને કરવામાં આવ્યો હતો કે નહીં? પરંતુ યુએસ ગુપ્તચર સેવા FBI એ કહ્યું કે, તે આ કેસની તપાસ કરી રહી છે અને પ્રાથમિક દ્રષ્ટિએ તે હત્યાનો પ્રયાસ હોવાનું જણાય છે. આ મુજબ, "પૂર્વ રાષ્ટ્રપતિ સુરક્ષિત છે." ફ્લોરિડાના પામ બીચ કાઉન્ટી શેરિફ ઓફિસના પ્રવક્તાના જણાવ્યા અનુસાર, કોઈને ઈજા થઈ નથી.
કમલા હેરિસે શું કહ્યું?
ટ્રમ્પની નજીકના હુમલા અંગે ડેમોક્રેટ પાર્ટીના ઉમેદવાર કમલા હેરિસની પ્રતિક્રિયા પણ સામે આવી છે. કમલાએ કહ્યું કે તેમને ભૂતપૂર્વ રાષ્ટ્રપતિ ટ્રમ્પ અને ફ્લોરિડામાં તેમની સંપત્તિની નજીક ગોળીબારના અહેવાલો વિશે માહિતી આપવામાં આવી છે. તે ખુશ છે કે તે સુરક્ષિત છે. અમેરિકામાં હિંસા માટે કોઈ સ્થાન નથી. વળી, વ્હાઇટ હાઉસે કહ્યું કે ડોનાલ્ડ ટ્રમ્પ સુરક્ષિત છે તે જાણીને તેઓને રાહત છે.
I have been briefed on reports of gunshots fired near former President Trump and his property in Florida, and I am glad he is safe. Violence has no place in America: Vice President Kamala Harris https://t.co/cKNW3fGMnd pic.twitter.com/CN6Ln7nLVX
— ANI (@ANI) September 15, 2024
શંકાસ્પદ કોણ છે?
કાયદા અમલીકરણ અધિકારીઓએ જણાવ્યું હતું કે ગોલ્ફ કોર્ટમાં AK-47 નો નિર્દેશ કરનાર વ્યક્તિની ધરપકડ કરવામાં આવી છે. તેનું નામ રાયન વેસ્લી રોથ છે. સત્તાવાળાઓએ જણાવ્યું હતું કે શંકાસ્પદ વ્યક્તિએ શસ્ત્રને ઝાડીઓમાં છોડી દીધું હતું અને તે SUV માં ભાગી રહ્યો હતો. જોકે, પોલીસ ટીમે તેનો પીછો કરીને તેની ધરપકડ કરી હતી. આરોપીનો હેતુ હજુ સ્પષ્ટ નથી. સ્થાનિક અધિકારીઓએ જણાવ્યું હતું કે, બંદૂકધારી બે બેકપેક અને એક ગોપ્રો કેમેરા સાથે હતો. આરોપીનો ગુનાહિત રેકોર્ડ પણ છે. રોથને 2002માં હથિયાર રાખવા માટે દોષિત ઠેરવવામાં આવ્યો હતો.
અમેરિકામાં નવેમ્બરમાં રાષ્ટ્રપતિની ચૂંટણી
ઉલ્લેખનીય છે કે, અમેરિકામાં આગામી નવેમ્બરમાં રાષ્ટ્રપતિની ચૂંટણી (Presidential Election) યોજાવા જઈ રહી છે. તેની પ્રક્રિયા ચાલી રહી છે. રિપબ્લિકન પાર્ટી તરફથી પૂર્વ રાષ્ટ્રપતિ ડોનાલ્ડ ટ્રમ્પ ઉમેદવાર છે જ્યારે ડેમોક્રેટિક પાર્ટી તરફથી કમલા હેરિસ ઉમેદવાર છે. હાલના રાષ્ટ્રપતિ બાઈડેન ડેમોક્રેટિક પાર્ટી તરફથી પ્રથમ ઉમેદવાર હતા પરંતુ બાદમાં તેમણે પાર્ટીના દબાણ અને સ્વાસ્થ્યના કારણોસર પોતાની ઉમેદવારી પાછી ખેંચી લીધી હતી. આ પછી આ ચૂંટણીમાં ડોનાલ્ડ ટ્રમ્પ અને કમલા હેરિસ વચ્ચે સીધો મુકાબલો થઈ ગયો છે.
આ પણ વાંચો: પોપની ચેતવણી; સમજી વિચારીને કરજો મતદાન, Trump અને Harris બન્ને છે દુષ્ટ