કોંગ્રેસની સરકાર બનશે તો મુખ્યમંત્રીનો ચહેરો કોણ? શક્તિસિંહ ગોહિલે આપ્યો આ જવાબ

ગુજરાત વિધાનસભાની ચૂંટણીના પહેલા તબક્કાનું મતદાન પૂર્ણ થઈ ચુક્યું છે. બીજા તબક્કાનું મતદાન આગામી 5મી તારીખે થવાનું છે. જેના માટે રાજકિય પાર્ટીનો પ્રચાર પ્રસાર પુરજોશમાં ચાલી રહ્યો છે ત્યારે ગુજરાત ફર્સ્ટ પર કોંગ્રેસના દિગ્ગજન નેતા કોંગ્રેસના રાષ્ટ્રીય પ્રવક્તા શ્રી શક્તિસિંહ ગોહિલ સાથે TO THE POINT Super Exclusive રસપ્રદ ઇન્ટરવ્યૂ થયો. જેમાં કોંગ્રેસ નેતાએ વિવિધ મુદ્દે પોતાની પ્રતિક્રિયા આપી હતી.

તેમણે જણાવ્યું કે, કોંગ્રેસ માટે ગુજરાતમાં ખુબ પોઝિટિવ માહૌલ છે. મોંઘવારી, બેરોજગારી, પેપર ફુટવા જેવા મુદ્દા લોકોને અસર કરે છે. કોંગ્રેસના મોટા ભાગના સંસદ સભ્યો અહીં છે, અમે લોકલ બેઝથી ચૂંટણી લડીએ છે. રાહુલ ગાંધી અલગ પ્રકારનું નેતૃત્વ છે. સત્તા તેમનો આખરી ધ્યેય નથી. તેઓ 3500 કિમીની યાત્રા કરી દેશને જોડવાનું કામ કરે છે. ગુજરાતના લોકો ભાજપને સ્વીકારવા માગતા  નથી. સત્તા જ અમારો આખરી ધ્યેય નથી. ઉદ્યોગપતિઓના દેવા માફ થાય છે જ્યારે તેમનો ચૂંટણી ઢંઢેરો માત્ર ચૂંટણી જુમલો છે. કોઈ પોઈન્ટ પકડવાથી ગુજરાતમાં અસર નહી થાયય

કોંગ્રેસના મુખ્યમંત્રીના ચહેરા પર તેમણે જણાવ્યું કે, મને માંગવાનો અધિકાર નથી. હું સૈનિક છું, કાર્યકર્તા છું પણ એટલું ચોક્કસથી કહું કે જે કોઈ બનશે તો તેણે શક્તિસિંહ ગોહિલની વાત સાંભળવી પડશે. મને પાર્ટીએ જે જવાબદારી આપી તે નિભાવી. મુખ્યમંત્રીનો ચહેરો પક્ષ નક્કી કરશે. મુખ્યમંત્રી જે પણ બને શક્તિસિંહની વાત માનવી પડશે. ગુજરાતની જનતાના આશીર્વાદથી મારું કદ છે.

તેમણે કહ્યું કે, ગુજરાતીઓએ અમને પ્રેમ આપ્યો છે પણ મેજીક નંબર સુધી નથી પહોંચી શક્યાં પણ આ વખતે લોકોની અંદર આંદોલન ચાલે છે. જાહેરાતના ખર્ચા કરીએ એટલા નાણાં નથી. ભાજપમાં જવાના સમયે પ્રહારો કરે છે. અમારી પાર્ટીમાં આંતરિક લોકશાહી છે. ભાજપના કામ નહીં કારનામા બોલે છે. ભાજપમાં જોડાતા કોંગ્રેસના નેતાઓ પર તેમણે કહ્યું કે, નેતાઓને લાલચ અને ડરથી લઈ જવામા આવે છે. ભારત જોડો યાત્રાથી સરકાર ડરી ગઈ છે. આદિવાસીઓ આજે પણ અમારી સાથે છે.

જ્યારે આમ આદમી પાર્ટી વિશે જણાવ્યું કે, આપ એટલે અમીર આદમી પાર્ટી છે. AAPની ચર્ચામાં સમય વેડફવા જેવું નથી.

આ પણ વાંચો - પોલીટિકલ સ્ટંટ કરવાનું જાણે છે કેજરીવાલ, તેનો સાથ નહી લઈએ: આલોક શર્મા