અમરેલીની પાંચેય સીટ માટે ભાજપના દિગ્ગજ નેતા દિલીપભાઈ સંઘાણીએ કરી આ આગાહી, હાર્દિક પટેલને આપી આ સલાહ, જાણો

ગુજરાત વિધાનસભાની ચૂંટણી માટે પહેલા તબક્કાનું મતદાન ચાલી રહ્યું છે. લોકો ઉત્સાહપૂર્વક મતદાન કરી રહ્યાં છે. ગત ચૂંટણીમાં અમરેલીની પાંચેય વિધાનસભા બેઠક પર હારનો સામનો કર્યાં બાદ આ વખતે ભાજપ પાંચેય સીટ જીતશે તેવો આશાવાદ વ્યક્ત કર્યો હતો.

તેમણે જણાવ્યું કે, અમરેલીમાં ગયા વખત કરતા આ વખતે પરિવર્તન થશે, પાંચેય સીટો ભાજપ જીતી રહી છે. ગયા વખતે જે પરિસ્થિતિ હતી અને આ વખતે જે પરિસ્થિતિ હતી અને આ વખતની પરિસ્થિતિમાં ખુબ મોટો તફાવત છે. ગયા વખતે એક બાજુથી પાસનું આંદોલન અને અમારા આંતરિક વિવાદો તેના પરિણામ સ્વરૂપ પાંચેય સીટો ગઈ હતી જ્યારે આ વખતે અમારી એકતા અને મોદીજીએ આવીને કરેલી અપીલ લોકોએ સ્વિકારી છે અને પાંચેય સીટો જીતીશું.

આ સિવાય તેમણે હાર્દિક પટેલને સલાહ આપવા મુદ્દે જણાવ્યું હતું કે, તેમણે કટ્ટરતાવાદ, જ્ઞાતિવાદ છોડવો જોઈએ અને હી ભાજપમાં આવ્યા છે તો રાષ્ટ્રવાદ અપનાવી કામ કરવુ જોઈએ.

આ પણ વાંચે - પ્રથમ તબક્કાના મતદાનમાં આ બેઠકો પર છે દિગ્ગજોની ટક્કર, પ્રતિષ્ઠા અને વર્ચસ્વનો છે સવાલ