બીજા તબક્કા માટે પ્રચાર પડઘમ શાંત, 5મીએ થશે મતદાન, બીજા તબક્કામાં આટલા ઉમેદવારો છે મેદાને

ગુજરાત વિધાનસભાની ચૂંટણીના (Gujarat Elections 2022) બીજા તબક્કાનું મતદાન આગામી 1લી તારીખના રોજ થવાનું છે અને નિયમ પ્રમાણે આજે સાંજે 5 વાગ્યે પહેલા તબક્કાના 14 જિલ્લાઓ માટેના પ્રચાર પડઘમ શાંત થયો છે ત્યારે છેલ્લી ઘડીએ મતદારો સુધી પહોંચવા માટે રાજકિય પાર્ટીઓ પુરજોશ સાથે મહેનત કરી રહી છે.

પહેલા તબક્કામાં જે 14 જિલ્લાઓમાં મતદાના થવાનું છે ત્યાં પ્રચાર-પ્રસાર બંધ થઈ ચુક્યો છે. પહેલા તબક્કામાં 93 બેઠકો પર મતદાન થવાનું છે. આ તબક્કામાં 833 ઉમેદવારો મેદાનમાં છે ત્યારે હવે મતદારો જ ઉમેદવારોના ભાગ્યવિધાતા છે.

આ તબક્કામાં પ્રચાર માટે બાકી રહેલા વિસ્તારોમાં આજે સવારથી વિવિધ રાજકીય પક્ષોના ઉમેદવારોએ બાઈક અને વાહન રેલી કાઢી હતી. રાજકીય પક્ષોએ આજે સવારથી જ પોતાના વિસ્તારમાં બાઈક રેલી સાથે શક્તિ પ્રદર્શન કરવા ઉપરાંત મતદારોને રિઝવવા માટેનો પ્રયાસ કર્યો હતો તો બીજી બાજુ સોશ્યલ મિડિયા (Social Media) ઘણું જ આક્રમક બની ગયું હતું. તેમજ ડોર ટુ ડોર અને માઉથ ટુ માઉથ પ્રચાર માટે પણ રાજકીય પક્ષના નેતા-કાર્યકરો તનતોડ મહેનત કરી રહ્યાં છે.

બીજા તબક્કામાં 14 જિલ્લાની 93 બેઠકો પર 69 મહિલાઓ અને 764 પુરૂષો મળી કુલ 833 ઉમેદવારો મેદાનમાં છે. બીજા તબક્કાના મતદાન માટેની તૈયારીઓ ચૂંટણીપંચે પૂર્ણ કરી દીધી છે. બીજા તબક્કામાં 1.29 કરોડ પુરુષ,1.22 કરોડ મહિલા, 894 થર્ડ જેન્ડર મળી કુલ 2,51,58,730 મતદારો છે તો 18,271 સેવા મતદારો, 660 NRI મતદારો પણ છે.

બીજા તબક્કામાં કુલ 26,409 મતદાન મથકોમાં 36,439 બેલેટ યુનિટ, 36,439 કંટ્રોલ યુનિટ, 40,434 VVPATનો ઉપયોગ કરવામાં આવશે અને 29,062 પ્રિસાઈડીંગ ઓફિસર્સ તથા 84,263 પોલિંગ ઓફિસર્સ ફરજ બજાવશે. સાથે જ શાંતિપૂર્ણ વાતાવરણમાં મતદાનપૂર્ણ થાય તે માટે સુરક્ષા વ્યવસ્થા પણ સઘન કરી દેવામાં આવી છે.

આ પણ વાંચો - મતદાન માટે અમદાવાદના વહિવટી તંત્રએ પૂર્ણ કરી તમામ તૈયારી