ભરૂચ જિલ્લાની પાંચ પૈકી 3 બેઠકો ઉપરથી ભાજપાના ઉમેદવારોએ ઉમેદવારી પત્રો ભર્યા.

અંકલેશ્વર ખાતે વર્તમાન ધારાસભ્ય અને ભાજપાના ઉમેદવાર ઈશ્વરસિંહ પટેલે પણ ઉમેદવારી પત્ર ભર્યું હતું. ઢોલ નગારા સાથે તેઓ પ્રાંત અધિકારીની કચેરી ખાતે પહોંચ્યા હતા. તાલુકાના પ્રભારી દિવ્યેશભાઈ પટેલ, નગરસેવક સંદીપભાઈ પટેલ, તાલુકા પંચાયત ના પ્રમુખ, પાલિકા પ્રમુખ તેમજ મંડળના પ્રમુખ સહિત મોટી સંખ્યામાં પોતાના સમર્થકો સાથે ઉમેદવારી પત્ર ભર્યું હતું. 

જંબુસરના ઉમેદવાર ડી.કે.સ્વામી એ પણ આજે પોતાની ઉમેદવારી નોંધાવી હતી. સંત સમુદાય તેમજ જિલ્લા ભાજપ પ્રમુખ મારૂતિસિંહ અટોદરિયા, પૂર્વ ધારાસભ્ય છત્રસિંહ મોરી, નિરલભાઈ પટેલ, જિલ્લા પંચાયત પ્રમુખ અલ્પાબેન પટેલ સહિત સમર્થકોની હાજરીમાં તેઓએ પોતાનું ફોર્મ રજુ કર્યું હતું.

રાજકારણમાં ભાઈ - ભાઈ સામે આવે તો આવો જ કિસ્સો અંકલેશ્વરની બેઠક ઉપરથી સામે આવ્યો છે જેમાં સગા બે ભાઈ ભાજપ કોંગ્રેસમાંથી ચૂંટણી જંગમાં ઉતર્યા છે ચારધામથી અંકલેશ્વર ની બેઠક ઉપરથી ચૂંટાઈને આવતા વર્તમાન ધારાસભ્ય અને પૂર્વ મંત્રી ઈશ્વરસિંહ પટેલે પોતાની પ્રતિક્રિયા આપી હતી અને કહ્યું હતું કે આજથી 2002માં મેં મારા સગા કાકા ને મારી સામે રહેતા હતા અને માત્ર 50 મીટરનું અંતર હતું છતાં તેમને 2002માં 36000 જેટલા મતની લીડ મેળવી ઘર ભેગા કર્યા હતા. મારી સામે મારો ભાઈ આવે તો પણ અમને કોઈ ફરક પડતો નથી લોકો ભાજપની વિચારધારાને મત આપે છે અને આ વખતે હું 75000 મતની લીડથી જીત મેળવીશ તેવી આશાઓ વ્યક્ત કરી હતી

ભરૂચ જિલ્લામાં પાંચ બેઠક ઉપર સૌપ્રથમ વખત મજબૂત ઉમેદવારો જાહેર કરવામાં આવ્યા છે જેમાં અંકલેશ્વર બેઠકની વાત કરવામાં આવે તો બે ભાઈને આમને સામને લાવીને મૂકી દીધા છે ભાજપના ઉમેદવાર સામે તેના જ સગા મોટાભાઈ વિજય ઉર્ફે વલ્લભને કોંગ્રેસમાંથી ઉમેદવાર જાહેર કરવામાં આવતા આ બેઠક સૌથી વધુ રસપ્રદ બની રહેનાર છે

ભાજપમાંથી અંકલેશ્વરમાં ચાર ટર્મથી ધારાસભ્ય તરીકે રહી ચૂકેલા ઈશ્વર પટેલ સામે તેમનો જ મોટો ભાઈ વિજય ઉર્ફે વલ્લભ પટેલ કોંગ્રેસમાંથી મેદાનમાં ઉતાર્યા છે અને તેઓએ પોતાની પ્રતિક્રિયા રજૂ કરી હતી જેમાં આક્ષેપ કર્યા હતા કે અમે અમારા માતા-પિતાની વિચારધારા ઉપર ચાલવા વાળા છીએ મારો ભાઈ એ વિચારધારા પર ચાલતો નહોતો એટલે મેં છેડો ફાડ્યો હતો. બાકી હું 40 વર્ષથી ભાજપમાં જ હતો મારી કોલેજથી 2021 સુધીની રાજનીતિ સફળ રહી છે 2020 માં પણ અપક્ષ માંથી ઉમેદવારી કરી મેં જીત હાંસલ કરી છે અને મારા પુત્ર એ પણ ઉમેદવારી કરી હતી અને તે માત્ર 8 મતોથી પરાજિત થયો હતો અમે સમાજ માટે કામ કરવા વાળા છે એટલે અમને વિશ્વાસ છે કે સમાજ અમારી સાથે છે અને એટલે જ વિધાનસભાની ચૂંટણીમાં કેટલું પાણી છે તે ખબર પડી જશે તેવી પ્રતિક્રિયા રજૂ કરી હતી

.