વડોદરાના દૂધ ચોરનો આતંક, CCTV કેમેરામાં કેદ થઈ ઘટના
હાલમાં ચોરીની વિવિધ ઘટનાઓ સામે આવતી હોય છે જેમાં હવે વિવિધ રીતે હાથફેરો કરતાં લોકો સામે આવતાં હોય છે પરંતુ વડોદરામાં ચોર દ્વારા ભાગ્યે જ સાંભળવા મળતી હોય તેવી ચોરી કરી છે. વડોદરામાં એક ચોર નાની ચા ની લારી પરથી દૂધની ચોરી કતો સામે આવ્યો છે.
અલકાપુરી વિસ્તારની ઘટના
વડોદરા શહેરના અલકાપુરી વિસ્તારમાં એક નાનકડી ચાની લારી આવેલી છે. જ્યાં છેલ્લા ત્રણ દિવસથી ચોરી થઈ રહી છે. અહીં કોઈ સામાન્ય ચોરી નહિ બલ્કે દૂધની ચોરી થઈ રહી છે. જેના અંગેનો CCTV વીડિયો સામે આવી રહ્યો છે. જેમાં ચોર વહેલી સવારે દૂધની ચોરી કરતો નજરે પડી રહ્યો છે.
દૂધની ચોરીની cctvમાં કેદ
જોકે હાલ દૂધના ભાવમાં પણ સતત વધારો થઈ રહ્યો છે. અલકાપુરી વિસ્તારમાં ચાની લારી પર દૂધની ચોરીની આ પ્રથમ ઘટના નથી. છેલ્લા ત્રણ દિવસમાં બે વખત આ અજાણ્યો તસ્કર અહીં દૂધની ચોરી કરી રહ્યા છે. જેમાં આજે વહેલી સવારે પણ આજ પ્રમાણે એક અજાણ્યો ચોર અલકાપુરી ખાતે ચાની લારી ખાતે આવ્યો હતો અને એક એક કરી દૂધના છ જેટલા કેનમાંથી દૂધની થેલીઓ લઈને રફુચક્કર થઈ ગયો હતો.
આપણ વાંચો -હવે સરકારી હોસ્પિટલમાં સરળતાથી ઉપલબ્ધ બનશે સેવા-સુવિધાઓની માહિતી