"કેજરીવાલ સામાન્ય માણસ છે તો પૈસા કયાંથી આવતા હતા": ઈન્દ્રનીલ રાજયગુરુ

ગુજરાતના રાજનીતિમાં છેલ્લા બે દિવસથી ભારે ઉથલપાથલો ચાલી રહી છે. ગઈકાલે ઈન્દ્રનીલ રાજ્યગુરૂએ આમ આદમી પાર્ટીમાંથી (AAP) કોંગ્રેસમાં (Congress) ઘરવાપસી કરી હતી તો મોડી રાત્રે ભાજપના સિનિયર નેતા જયનારાયણ વ્યાસે ભાજપને અલવિદા કહ્યું હતું તો હિંમાશું વ્યાસે કોંગ્રેસને આવજો કહી ભાજપમાં જોડાયા છે. કોંગ્રેસમાંથી આમ આદમી પાર્ટીમાં ગયેલા અને ફરી પાછા કોંગ્રેસમાં આવેલા ઈન્દ્રનીલ રાજ્યગુરૂ આજે રાજકોટ પહોંચ્યા હતા. રાજકોટ એરપોર્ટ પર ઈન્દ્રનીલ રાજ્યગુરૂનું (Indranil Rajyaguru) કોંગ્રેસના નેતાઓ દ્વારા સ્વાગત કરવામાં આવ્યું હતું. સૌરાષ્ટ્રના પ્રભારી રામકિશન ઓઝા પણ ઉપસ્થિત રહ્યાં હતા. અહીં તેમણે આમ આદમી પાર્ટી અને દિલ્હીના મુખ્યમંત્રી અરવિંદ કેજરીવાલ (Arvind Kejriwal) પર આકરા પ્રહારો કર્યાં હતા.

ગુજરાત ફર્સ્ટ સાથેની વાતચીતમાં ઈન્દ્રનીલ રાજ્યગુરૂએ જણાવ્યું હતું કે, ઘરવાપસીનો આનંદ આવે છે. મેં તો પૈસા આવતા જોયા છે, કોમનમેન છે તો પૈસા ક્યાંથ આવ્યા, ભ્રષ્ટાચાર ન કરતી પાર્ટી કહે છે તો એ કંઈ રીતે પૈસા આવ્યા અને ક્યાંથી આવતા હતા એ પણ મને શંકા ગઈ એટલે ખોટીવાત અને ખોટા માણસોને સહકાર મારે નહોતો આપવો. નાણાં આવતા મેં જોયા છે પણ ક્યાંથી આવતા એ મને ખ્યાલ નથી. ખુબ નાણાં બે નંબરના આવતા હતા એ જોયા છે.

ઈન્દ્રનીલ રાજ્યગુરૂ ફરી કોંગ્રેસમાં આવી જતા કોંગ્રેસને સૌથી મોટો ફાયદો થશે તેવું માનવામાં આવી રહ્યું છે ત્યારે રાજકોટ ખાતે પહોંચેલા ઈન્દ્રનીલ રાજ્યગુરૂએ પત્રકારો સાથેની વાતચીતમાં આમ આદમી પાર્ટી અને કેજરીવાલ પર આકરા પ્રકારો કર્યાં હતા.

સ્વાભીક પણ ખુબ આનંદ છે. અહીંથી ગયા બાદ આમ આદમી પાર્ટીમાં ખોટા બોલા વચ્ચે પહોંચી ગયો હોય તેવું જે દુ:ખ લાગતું હતુ તેના બદલે દેશ સામે એક એવી વિચારધારા કે જેણે કોઈ પણ સ્થિતિમાં દેશના લોકો ને લોભમાં અથવા તો ગેરમાર્ગે ના દોરવા એવી પાર્ટી એ મારી પાર્ટી કોંગ્રેસમાં ઘરવાપસીનો મને ખુબ આનંદ છે.

આમ આદમી પણ જોશે કે તે લોકોની ગુજરાતમાં નહોતી થઈ એવડી સભા મેં રાજકોટમાં પહેલી કરાવી અને ત્યાંથી તેમનું ઉદ્ભવસ્થાન ચાલુ થયું હતું અને હવે આમ આદમી પાર્ટીનું સૌરાષ્ટ્રમાં અને ગુજરાતમાં તે લોકોનો પર્દાફાશ કરી, અને જે સરકાર જ ન બનાવવાના હોય, ખોટા વાયદાઓ આપે, B ટીમ તરીકે કામ કરતી હતી મેં જોયું હતું.

આ બધુ જોતા હવે ફરી રાજકોટથી જ ડંકો વાગશે અને આમ આદમીનો ખાતમો થશે અને ભાજપનો ખાત્મો ગુજરાત નક્કી કરેલો છે ત્યારે કોંગ્રેસની સરકાર બનવાની છે તેટલો મને વિશ્વાસ છે. સ્વભાવિક છે દિકરીને સાસરામાંનો ફાવ્યું એટલે માવતર ખુલ્લું જ હોય ત્યાં પાછુ જવામાં શરમ પણ ના હોય અને આવે દિકરી એનો વાંધો પણ ના હોય કોંગ્રેસને.

સૌ જાણો છો હું કાયમ કહેતો કે મારો ચહેરો જ પંજો છે. એટલે કદાચ મને ઘડીક ના દેખાયો હું જઈને આવ્યો પણ ખરેખર મારો ચહેરો જ પંજો છે. ચૂંટણી લડવાની મારી કોઈ ઈચ્છા જ નથી છતાં પક્ષ નક્કી કરશે તેમ કરીશું.

વશરામભાઈને તેમનું કેરિયર નક્કી કરવાનો આધિકાર છે. હું ઈચ્છિશ કે તે સાથે આવી જાય પણ કોઈને ફોર્સ ના કરી શકાય. કદાચ મને વહેલું સમજાય ગયું તેને થોડું મોડું સમજાશે પણ આવી જશે.

મુખ્યમંત્રીનો ચહેરો 6 મહિના પહેલા જ નક્કી હતો પણ કેજરીવાલજીને મજબૂત માણસને કે જે એમની સામે સાચું બોલી શકે, લોકોનું સારૂ ઈચ્છે તેવો નહી પણ તે બોલી શકે તેવું ખોટું બોલી શકે તેવો માણસ જોઈતો હતો. એ માટે મારી પસંદગી ના કરી અને ગુજરાતની સેન્સ લેવાનું નાટક કર્યું હતું. લોકોને મુર્ખ બનાવવાની વાત કરતા હતા. જો કેજરીવાલ સેવા જ કરવા આવ્યા હોય તો આટલું ખોટું શા માટે બોલતા હતા તેવા મારા દિલમાં તેમની સાથે હતો ત્યારે પણ સવાલો થયાં હતા. મેં સીએમ પદની માંગણી કરી નહોતી પણ હું એટલું કહું કે ઈસુદાનને બદલે હું ચહેરો હોય તો પણ એમા કોઈ મોટો તફાવત નહોતો. મેં એવી કોઈ માંગણી કરી નહોતી. તે લોકો બી ટીમ કરી રહ્યાં છે. તેના પર્દાફાશ કરતો જઈશ.

આ પણ વાંચો - આમ આદમી પાર્ટીના સૌથી મોટા હવાલાકાંડનો પર્દાફાશ, આખરે ખુલી ગઇ ખુદને ઇમાનદાર ગણાવતી પાર્ટીની પોલ