ઝઘડિયામાં પિતા-પુત્ર વચ્ચે ખેલાશે ખરાખરીનો જંગ

ગુજરાત વિધાનસભાની ચૂંટણી (Gujarat Assembly Election)નો જંગ ખેલાઇ રહ્યો છે ત્યારે ચૂંટણીના રોજ નવા રંગ જોવા મળી રહ્યા છે. મહત્વના સમાચાર મળી રહ્યા છે કે  ભરુચ (Bharuch) જીલ્લાની ઝઘડિયા (zaghadiya) બેઠક પર પિતા-પુત્ર આમને સામને ચૂંટણી જંગ ખેલી રહ્યા છે. ભરૂચ જિલ્લાના ઝઘડિયા  બેઠક ઉપર છોટુ વસાવા અને તેમના સગા પુત્ર મહેશ વસાવાએ ચૂંટણી જંગમાં આમને સામને ઉમેદવારી પત્રો ભર્યા છે. પિતાએ અપક્ષ ઉમેદવારી કરી જ્યારે પુત્ર એ બીટીપીમાંથી ઉમેદવારી કરી છે. 

ઝઘડિયા મત વિસ્તારમાં આદિવાસીઓ મતોનું પ્રભુત્વ છે. છેલ્લી સાત ટર્મથી છોટુ વસાવા ઝઘડિયા મત વિસ્તારમાં રાજ કરી રહ્યા છે. આ વખતે ચૂંટણીમાં બીટીપીના અધ્યક્ષ મહેશ વસાવા એ પોતે સેફ બેઠક ઉપરથી ઉમેદવારી કરવા માટે પિતાનુ બીટીપીમાંથી પત્તું કાપી નાખી પોતે ઉમેદવારી નોંધાવી છે. મહેશ વસાવા એ ઝઘડિયા બેઠક ઉપર ધારાસભ્ય બનવા માટે બીટીપીમાંથી ઉમેદવારી કરી છે અને તેમણે જીતની આશાઓ પણ વ્યક્ત કરી છે.  પુત્ર એ જ પિતાની રાજકીય કારકિર્દી પૂર્ણ કરવા પોતે સગા બાપની ઉપરવટ જઈ બીટીપીમાંથી ઉમેદવારી કરી ઉમેદવારી ફોર્મ ભર્યું હતું.

આદિવાસીઓના મસિહા અને સાત ટર્મથી ઝઘડિયા મત વિસ્તાર ઉપર રાજ કરતા છોટુ વસાવા સામે તેમનો જ પુત્ર એટલે કે લોહી લોહી આમને સામને આવી ગયા છે. પુત્રએ પિતાની ટિકિટ કાપી નાખતા પિતા છોટુ વસાવાએ પણ અપક્ષમાંથી ઉમેદવારી કરી પોતાનું ઉમેદવારી ફોર્મ ભર્યું હતું અને પુત્રને પડકાર ફેંક્યો હતો.  છોટુ વસાવા એ પણ જીત મેળવવાની આશાઓ વ્યક્ત કરી હતી. 

આ પણ વાંચો-- ઇન્દ્રનીલ રાજ્યગુરૂ વૈભવી કારોના શોખિન, આટલા કરોડના માલિક