યુવતીનો વાંધાજનક વીડિયો ઉતારી વાયરલ કરી દેવાની ધમકી આપી કથિત પ્રેમીએ દુષ્કર્મ આચર્યું
અહેવાલ : ભાસ્કર જોષી, મોરબી
હળવદ ગ્રામ્ય પંથકમા અમુક આવારા તત્વો દ્વારા યુવતીના બિભત્સ વિડીયો ક્લીપિંગ ઉતારી વાયરલ કરવાના બનાવો બન્યા હતા,જેનો અહેવાલ પ્રસિદ્ધ થયો હતો ત્યારબાદ હળવદ પોલીસ હરકતમાં આવી હતી. જાણવા મળતી માહિતી મુજબ ગ્રામ્ય પંથકમાં રહેતી એક યુવતી સોશિયલ મીડિયા મારફતે હળવદ તાલુકાના રણજીતગઢ ગામના એક યુવકના સંપર્કમાં આવી હતી. બંને વચ્ચે મિત્રતા થઈ અને પ્રેમ સંબંધ પણ બંધાયા.
વીડિયો વાયરલ કરી દેવાની ધમકી આપી દુષ્કર્મ
પ્રેમીએ યુવતીને વિશ્વાસમાં લઈ વોટ્સએપ કોલિંગ કરી વાંધાજનક વીડિયો ઉતારી લીધા.બાદમાં આ ફોટો-વીડિયો વાઈરલ કરવાની ધમકી આપીને યુવતીને પીંખતો રહ્યો બાદમાં યુવકે યુવતીનો વિડિયો સોશિયલ મીડિયા પર વાઈરલ કરી દેતા પીડિતાએ હળવદ પોલીસ સ્ટેશનમાં યુવક અને તેને મદદ કરનાર શખ્સ વિરુદ્ધ ફરિયાદ નોંધાવવામાં આવી છે.
દુષ્કર્મ આચરી વીડિયો વાયરલ કર્યો
હળવદ પંથકમાં રહેતી યુવતીને હળવદ તાલુકાના રણજીતગઢ ગામે રહેતા કિશનભાઇ દિનેશભાઈ નામના યુવાને વોટ્સએપ મારફતે યુવતી સાથે કોન્ટેક્ટ કરી યુવતીને વિશ્વાસમાં લઈ વોટ્સએપમાં વીડિયો કોલિંગ કરી યુવતીનો વાંધાજનક વિડીયો ઉતારી લીધો હતો.બાદમાં આ યુવાને યુવતીને વિડીયો વાયરલ કરવાની ધમકી આપી યુવતી પર અવારનવાર દુષ્કર્મ આચાર્યું હતું અને આ વિડીયો પણ વાયરલ કરી દીધો હતો.
પોલીસ ફરિયાદ થઈ
જેથી આજે પીડિત યુવતીએ હળવદ પોલીસ માથે કે દગાખોર પ્રેમી કિશનભાઇ દિનેશભાઈ અને આ ગુનામાં મદદ કરનાર તેના મિત્ર અનિલભાઈ છગનભાઈ રહે રણજીત ગઢ વાળા વિરુદ્ધ હળવદ પોલીસ મથકે ફરિયાદ નોંધાવતા પોલીસે 376 (2)(N) IT એક મુજબ ગુનો નોંધી આરોપીઓને ઝડપી લેવા હળવદ પોલીસ એ ચક્રો ગતિમાન કર્યા છે.
જાહેરમાં સરભકા કરવા લોક માંગ
હળવદ પંથકની અન્ય યુવતીઓના પણ આ જ પ્રકારે વિડીયો વાયરલ થયા હોય જેથી પીડિતાઓ આવા શખ્સો સામે ડર્યા વગર પોલીસ ફરિયાદ નોંધાવે તે જરૂરી છે. હળવદ પોલીસ દ્વારા આવા નરાધમ આવારા લુખ્ખા તત્વો રોમિયોને પકડી જાહેરમાં સરભરા કરે તેવી શહેરીજનોની માંગણી ઉઠવા પામી છે.
આ પણ વાંચો : રાજ્યનું એવું પોલીસ સ્ટેશન કે જ્યાં લોકો માનતા પૂર્ણ કરવા આવે છે, જાણો શું છે ખાસ
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.