કચ્છની નાનકડી નીધિની ટેલેન્ટ જોઇને બોલી ઉઠશો...વાહ..

કચ્છની 10 વર્ષીય નીધિ શ્યામદાન ગઢવી નામની બાળ કલાકારે નાની ઉંમરે પરિવારનું ગૌરવ વધાર્યું છે. 5માં ધોરણમાં અભ્યાસ કરતી નીધિ દુહા, છંદ ,રામાયણની ચોપાઇ ફટાફટ બોલે છે.

ભુજ તાલુકાના મીરજાપર ગામે રહેતી નીધિ ભુજની માતૃછાયા વિધાલયમાં ધોરણ 5 માં અભ્યાસ કરે છે. નીધિના પિતા શ્યામદાન ગઢવી ભુજની એન્ટી કરપ્શન બ્યુરોમાં ફરજ બજાવે છે. તેની માતા ગૃહિણી છે. નીધિની નાની બહેન આરાધ્યા ધોરણ 1માં અભ્યાસ કરે છે.  નીધિએ તેના દાદા શંભૂદાનભાઈ ગઢવી પાસે દુહા છંદનું જ્ઞાન મેળવ્યું હતું.

નીધિ દુહા, છંદ,રામાયણની ચોપાઇ ફટાફટ બોલે છે. ચારણોને તો સાહિત્ય તેમના લોહીમાં હોય છે,ત્યારે નીધિ 10 વર્ષની નાની વયમાં લોકોને પ્રેરણારૂપ છે. નીધિએ  રાજ્ય કક્ષાની બાળ પ્રતિભા શોધ સ્પર્ધામાં દુહા છંદમાં દ્વિતીય નંબર મેળવ્યો હતો. આ ઉપરાંત શાળામાં યોજાતા કાર્યક્રમોમાં પણ તે અચૂક ભાગ લે છે.

નીધિ અભ્યાસની સાથે ધાર્મિકતા પ્રત્યે અભિરુચિ કેળવે છે. તેના માતા પિતા પણ ગૌરવ અનુભવે છે કે તેમની પુત્રી આજે આગળ વધી રહી છે. 10 વર્ષની ઉંમરે સંતાનો રમતા હોય છે તેની જગ્યાએ નીધિ દુહા, છંદ રજૂ કરીને આગળ વધી રહી છે.

આ નાનકડી બાળ કલાકારને કોઈ જ્ઞાનની જરૂર નથી. તે પોતાની રીતે જ મોંઢે ફટાફટ બોલી જાય છે. ખરેખર આ નાની વયની બાળ કલાકારની કલા કહેવી પડે..

આ પણ વાંચો---પાલનપુરના 7 વર્ષના માધવનને જોઇને સૌ કોઇ થાય છે આશ્ચર્યચકિત…! વાંચો, અનોખી પ્રતિભા વિશે