દેશમાં કોરોના કાળમાં લોકોએ અનેક હાડમારી ભોગવી છે અને અનેક લોકોએ જાન પણ ગુમાવ્યા છે. જો કે ઘણા લોકો એવા પણ છે કે જેમણે કોરોના કાળનો સદપયોગ પણ કર્યો છે. ઘણાએ કોરોના કાળમાં પોતાની ક્રિયેટીવીટી બહાર લાવવાનો પ્રયાસ કર્યો હતો અને આવી જ રીતે દાહોદની હાર્દી ઘોતી નામની વિદ્યાર્થીનીએ કોરોના કાળના નવરાશભર્યા સમયમાં ડ્રોઇંગ કરવાની શરુઆત કરી અને આજે તે યુ ટયુબ પર જોઇને આબેહુબ ચિત્રો બનાવે છે.

કોરોનાકાળ દરમિયાન ધોરણ પાંચની વિધાર્થીની એ નવરાશનો સમય પસાર કરવા ડ્રોઈંગની શરૂઆત કરી અને આજે કોઈ પણ માર્ગદર્શન વગર યુ ટ્યુબ ઉપર જોઈને આબેહૂબ ચિત્રો બનાવે છે.

કોરોનાકાળ દરમિયાન શાળા બંધ હતી. લોકડાઉનના કારણે લોકો ઘરની બહાર પણ નીકળી શકતા ન હતા. ત્યારે આવી નવરાશની પળોમાં તે સમયે પાંચમાં ધોરણમાં અભ્યાસ કરતી દાહોદની હાર્દી ઘોતીએ ચિત્રો દોરવાની શરૂઆત કરી અને તેમાં તેને વધારે રસ પડ્યો

ત્યારથી હાર્દી પોતાની રીતે અલગ અલગ ચિત્રો દોરવા લાગી અને પોતાની ઈચ્છા અને ધગશના કારણે તેણે યુ ટ્યુબ ઉપર જોઈ જોઈ ને ચિત્રો દોરવાના શરૂ કર્યા. તે આજે ધોરણ આઠમાં અભ્યાસ કરે છે પરંતુ કોઈપણ માર્ગદર્શક વગર માત્ર યુ ટ્યુબના સહારે આબેહૂબ ચિત્રો દોરી રહી છે. ચિત્રકળામાં તેનું એટલું મન લાગી ગયું છે કે કોઈપણ ચિત્ર બતાવો, આબેહૂબ તેના જેવુ ચિત્ર તે બનાવી રહી છે અને આગળ પણ તેને વધુ સારા ચિત્રો બનાવવા અને પોટ્રેટ બનાવવા માટે પ્રયાસ કરી રહી છે.

હાર્દીના પિતા હયાત નથી પણ તેની મમ્મી તેના આ શોખ અને ટેલેન્ટ માટે ગર્વ અનુભવી રહ્યા છે અને હાર્દી આર્ટ ક્ષેત્રે વધુ ને વધુ સફળ થાય તે માટે પ્રોત્સાહન આપી તેને તમામ પ્રકારની મદદ કરી રહ્યા છે. આ કિસ્સા પરથી  કહી શકાય કે લોકડાઉનમાં બાળકીનું ટેલેન્ટ ઊભરી આવ્યું છે અને હાર્દી સારા માં સારી ચિત્રકાર બને તેવી આશા પરિવારજનો રાખી રહ્યા છે.

આ પણ વાંચો---GUJARAT KE GENIUS: સુરતનો યોગ પરિવાર જેણે ગુજરાતનો ડંકો વગાડ્યો…!