Surendranagar : પૂરપાટ આવતા ટ્રકચાલકે બાઇકને અડફેટે લીધું, 3 આશાસ્પદ યુવકોનાં મોત

સુરેન્દ્રનગરનાં (Surendranagar) લખતર-વિરમગામ હાઇવે પર ગોઝારા અકસ્માતની ઘટના બની છે. ટ્રક અને બાઇક વચ્ચે અકસ્માત થતાં 3 યુવકોનાં મોત નીપજ્યાં હોવાની માહિતી છે. પ્રાથમિક માહિતી મુજબ, વિઠ્ઠલગઢ (Vitthalgarh) ગામનાં પાટિયા પાસે પૂરપાટ ઝડપે જઈ રહેલા ટ્રકચાલકે બાઈકને અડફેટે લેતાં બાઈક પર સવાર 3 યુવકોનાં ઘટના સ્થળે જ મોત નીપજ્યા હતા. આ મામલે સ્થાનિક પોલીસે ઘટના સ્થળે પહોંચી વધુ તપાસ હાથ ધરી છે.

ટ્રકચાલકે બાઇકસવાર યુવકોને અડફેટે લીધા

સુરેન્દ્રનગરનાં (Surendranagar) લખતર-વિરમગામ હાઇવે (Lakhtar-Viramgam highway) પર ગમખ્વાર અકસ્માતનો બનાવ બન્યો છે. પ્રાપ્ત માહિતી મુજબ, વિઠ્ઠલગઢ ગામના પાટિયા પાસેથી પૂરપાટ ઝડપે આવતા એક ટ્રકચાલકે બાઈક સવાર 3 યુવકને અડફેટે લીધા હતા. આ અકસ્માતમાં ત્રણેય યુવકો હવામાં ફંગોળાઈને પટકાયા હતા. ત્રણેય યુવકોને ગંભીર રીતે ઇજા થતાં ઘટના સ્થળે જ મોત નીપજ્યા હતા. અકસ્માતને પગલે લોકોનું ટોળું ભેગું થયું હતું.

અક્સમાત સર્જીને ટ્રકચાલક ફરાર

આ અક્સમાતની જાણ થતાં સ્થાનિક પોલીસનો કાફલો ઘટના સ્થળે પહોંચ્યો હતો અને મૃતદેહોને પીએમ અર્થે હોસ્પિટલ મોકલી આગળની તપાસ હાથ ધરી હતી. જ્યારે અક્સમાત સર્જીને ટ્રકચાલક ફરાર થયો છે. પ્રાથમિક તપાસમાં ત્રણ મૃતક યુવકો પૈકી 2 યુવક વીઠલગઢ ગામના અને 1 યુવક ધુલેટાનો રહેવાસી હોવાનું બહાર આવ્યું છે. પોલીસે ફરાર ટ્રકચાલકની શોધખોળ આદરી છે.

આ પણ વાંચો - E-bike blast : સુરતમાં ચાર્જિંગ વખતે લાગી આગ, નજીક પડેલો LPG સિલિન્ડર પણ ફાટ્યો, 1 યુવતીનું મોત

આ પણ વાંચો - VADODARA : રાવપુરા મેઇન રોડ પરની 4 દુકાનો ભીષણ આગની ઝપટમાં

આ પણ વાંચો - Idar : આબુરાજ પરિક્રમા પૂર્ણ કરી પરત ફરતાં શ્રદ્ધાળુંઓને નડ્યો ગોઝારો અકસ્માત, એકનું મોત