ખાસ હશે આ વર્ષનો FILMFARE AWARDS, આ દિગ્ગજ બનશે શો હોસ્ટ
વર્ષ 2024 માં FILMFARE AWARDS ગુજરાત ટુરીઝમના સહયોગથી ગાંધીનગરમાં યોજાવા જઈ રહ્યો છે. આ એવાર્ડ નાઇટને હવે ગણતરીના દિવસો જ બાકી રહ્યા છે. આ વર્ષનો FILMFARE AWARDS બે દિવસીય હોવાનો છે, 27 અને 28 જાન્યુઆરી. ત્યારે આ એવાર્ડ ફંકશન વિષે જાણવા માટે લોકો ઘણા ઉત્સુક છે. આ રોમાંચક સાંજની શરૂઆત કરવા માટે, ફિલ્મફેરે આજે એક પ્રેસ કોન્ફરન્સ યોજી હતી, જેમાં કરણ જોહર, વરુણ ધવન અને જાહ્નવી કપૂરે હાજરી આપી હતી.
FILMFARE AWARDS અંગે યોજાઇ પ્રેસ કોન્ફરન્સ
And so it begins, the press conference for the upcoming 69th #HyundaiFilmfareAwards 2024 with #GujaratTourism on 28th January in Gandhinagar, Gujarat! ❤️
Present are our esteemed guests - (From left): Janhvi Kapoor, Jitesh Pillaai, Editor, Filmfare, Karan Johar, Rohit Gopakumar,… pic.twitter.com/dbMpDSBSAg
— Filmfare (@filmfare) January 15, 2024
આ પ્રેસ કોન્ફરન્સમાં આ એવાર્ડ શો અંગે ઘણી માહિતી આપવામાં આવી હતી. વધુમાં ઘણી રમૂજી ક્ષણો પણ આ પ્રેસ કોન્ફરન્સમાં થઈ હતી. કરણ જોહરે મજાક કરીને શરૂઆત કરી, “આ 69મો ફિલ્મફેર એવોર્ડ છે. આ વરુણનું ફેવરિટ હશે કારણ કે તે 69મી આવૃત્તિ છે."
તેણે વધુમાં ઉમેર્યું, “આવતા વર્ષે, તે 70મો હશે જે મારો પ્રિય નંબર હશે કારણ કે 7 મારો લકી નંબર છે. તેથી, હું ગુજરાતની મુલાકાત લેવા અને સંસ્કૃતિ, પરંપરા અને હવે સશક્તિકરણ અને આર્થિક વૃદ્ધિની ભૂમિની ઉજવણી કરવા માટે આ એકદમ અદ્ભુત ક્ષણનું આયોજન કરવા માટે ખૂબ જ ઉત્સાહિત છું" .
"મને FILMFARE સાથે ભાવનાત્મક લગાવ છે'' - કરણ જોહર
ત્યારબાદ કરણ જોહરે FILMFARE AWARDS સાથેના તેમના લાંબા જોડાણ વિશે વાત કરી, “મેં ફિલ્મફેર એવોર્ડ્સને કારણે હોસ્ટ કરવાનું શરૂ કર્યું. વર્ષ 2001 માં, મને હોસ્ટ કરવાનું કહેવામાં આવ્યું અને મેં કર્યું. આ મારી પ્રથમ વખત કોઈ ઈવેન્ટ હોસ્ટ કરવાનો હતો. યજમાન તરીકેની મારી સફર અહીંથી શરૂ થઈ. તેથી, મને ફિલ્મફેર સાથે ભાવનાત્મક લગાવ છે.'' આ દરમિયાન જાહ્નવી કપૂરે પણ ફિલ્મફેર વિશે ઘણા રસપ્રદ ખુલાસા કર્યા.
કરણ જોહર અને આયુષ્માન ખુરાના બનશે હોસ્ટ
પ્રથમ દિવસે, 27 જાન્યુઆરીએ, આ કાર્યક્રમ મહાત્મા મંદિર કન્વેન્શન એન્ડ એક્ઝિબિશન સેન્ટર, ગાંધીનગર ખાતે યોજાશે. તેમાં શાંતનુ અને નિખિલ દ્વારા ક્યુરેટેડ ફેશન શો, પાર્થિવ ગોહિલ દ્વારા લાઈવ પરફોર્મન્સ અને ટેકનિકલ એવોર્ડ્સ સામેલ હશે. બાદમાં અપારશક્તિ ખુરાના હોસ્ટ કરશે. એવોર્ડ સમારોહ 28મીએ યોજાશે, જેને કરણ જોહર અને આયુષ્માન ખુરાના હોસ્ટ કરશે.
આ પણ વાંચો -- Fighter Movie Trailer: હૃતિક-દીપિકાએ જગાવી દેશભક્તિની ભાવના, ડાયલોગ એવા કે…