બોર્ડર 2માં આયુષ્માન બાદ હવે આ બે એક્ટરના નામની ચર્ચા

બોર્ડર 2 હાલ ચર્ચામાં જોવા મળી રહી છે. હાલમાં મેકર્સ તેના કાસ્ટિંગમાં વ્યસ્ત છે. ફિલ્મને બોર્ડરની જેમ અસરકારક બનાવવા માટે ખાસ કાળજી રાખવામાં આવી રહી છે. હાલ સુત્રોના જણાવ્યા અનુસાર સની દેઓલ બાદ આ ફિલ્મમાં આયુષ્માન ખુરાનાની એન્ટ્રી થઈ છે અને હજી આ લિસ્ટમાં વધુ 2 કલાકારોના નામ જોડાઈ શકે છે. સુત્રોનું માનીએ તો ફિલ્મમાં એમી વિર્ક અને અહાન શેટ્ટી મહત્વની ભૂમિકા ભજવવાના છે.

આયુષ્માન બાદ હવે એમી અને અહાનના નામની ચર્ચા

1997માં રિલીઝ થયેલી આઇકોનિક ફિલ્મ બોર્ડર ભારત અને પાકિસ્તાન વચ્ચેના લોંગેવાલા યુદ્ધ પર આધારિત છે, જેમાં માત્ર 120 ભારતીય સૈનિકોએ બહાદુરીપૂર્વક લડીને પાકિસ્તાનને હરાવીને પીછેહઠ કરવા મજબૂર કર્યા હતા. ભારતીય વાયુસેનાએ પણ આ યુદ્ધમાં મહત્વની ભૂમિકા ભજવી અને યુદ્ધને નિર્ણાયક બનાવ્યું. હવે 26 વર્ષ બાદ આ ફિલ્મની સિક્વલ બનાવવાની ચર્ચા છે. આ અંગે સની દેઓલ પણ ખૂબ જ ઉત્સાહિત છે. ખાસ કરીને ગદર 2 ને મળેલા પ્રતિસાદ પછી તે બોર્ડર 2 ને લઈને વધુ સુનિશ્ચિત થઈ ગયો છે. હાલમાં કાસ્ટિંગ ચાલી રહ્યું છે. સની આ ફિલ્મનો ભાગ હશે પરંતુ બાકીના રોલ માટે અન્ય કલાકારોની પસંદગી કરવામાં આવી રહી છે. આયુષ્માન બાદ હવે એમી અને અહાનના નામની ચર્ચા ચાલી રહી છે.

ફિલ્મની વાર્તા હજુ સુધી જાહેર કરાઈ નથી

અહાન શેટ્ટીનું નામ અહીં ખાસ બની જાય છે કારણ કે તે 26 વર્ષ પહેલા ફિલ્મ બોર્ડરમાં મહત્વની ભૂમિકા ભજવનાર સુનીલ શેટ્ટીનો પુત્ર છે. તે આર્મી ઓફિસર ભૈરોન સિંહના રોલમાં હતો જેને ખૂબ પસંદ કરવામાં આવ્યો હતો. હવે બોર્ડર 2 માં તેમના પોતાના પુત્રની હાજરી એક ખાસ સંયોગ છે. જો કે ફિલ્મની વાર્તા હજુ સુધી જાહેર કરવામાં આવી નથી, પરંતુ તે સ્પષ્ટ છે કે તે ફરીથી કેટલાક યુદ્ધ પર આધારિત હશે.

આ પણ વાંચો -  હવાલા દ્વારા ટ્રાન્ઝેક્શન, UAE માં ભવ્ય ઉજવણી… મહાદેવ સટ્ટાબાજી એપ કેસમાં આ 34 ફિલ્મી હસ્તીઓ ED ના રડાર પર…