Bigg Boss 18 માં આવ્યો મોટો ટ્વિસ્ટ! આ સ્ટ્રોંગ કન્ટેસ્ટન્ટ શો માંથી બહાર

• Bigg Boss 18 માં મોટો ટ્વીસ્ટ! અરફીન ખાન ઘરની બહાર!
• હિંસક વર્તન બાદ કોણ કોણ બહાર થયું Bigg Boss 18 માંથી?
• Bigg Boss 18 માં કોણ રહ્યું કોણ ગયું?

Bigg Boss ની 18 સીઝન હાલમાં સમાચારોમાં છે. તાજેતરમાં આ શોનો ક્રેઝ દિવસેને દિવસે વધી રહ્યો છે. લડાઈ, ગાળો વચ્ચે આ શો ને દર્શકોનો સારો રિસ્પોન્સ મળી રહ્યો છે. અત્યાર સુધી Bigg Boss 18 ના 32 એપિસોડ પૂર્ણ થઇ ચુક્યા છે. શોના કન્ટેસ્ટન્ટ હવે દર્શકોના દિમાગમાં બેસી ગયા છે. કોણ સ્ટ્રોન્ગ છે અને કોણ નબળુ તે પણ સ્પષ્ટ રીતે જોવા મળી રહ્યું છે. તાજેતરમાં શો ને લઇને એક મોટું અપડેટ સામે આવ્યું છે. મળતી માહિતી અનુસાર, સલમાન ખાનના શો Bigg Boss 18 માંથી એક મજબૂત સ્પર્ધકને બહાર કરી દેવામાં આવ્યો છે. કોણ છે તે સ્પર્ધક તમે જાણીને ચોંકી જશો.

આ સ્પર્ધકને જોવો પડશે બહારનો રસ્તો

સલમાન ખાનના આ શો માં લડાઈ-ઝઘડા થવા ખૂબ સામાન્ય વાત થઇ ગઇ છે. એક જ ઘરમાં 10 થી વધુ લોકોનું રહેવું અને તે પણ કોઇ લડાઈ, ઝઘડા વિના લગભગ અસંભવ છે. પણ ક્યારેક આ લડાઈ, ઝઘડો એટલી હદે વધી જાય છે કે શો માંથી સ્પર્ધકને બહાર કરી દેવામાં આવે છે. જે આપણે ગત ઘણી સીઝનમાં જોઇ ચુક્યા છીએ. તાજતેરમાં મળી રહેલી માહિતી અનુસાર, અરફીન ખાન બિગ બોસ 18ના મિડ-ઇવિક્શનનો શિકાર બન્યા છે. સમાચાર આવી રહ્યા છે કે શોમાંથી અરફીનની સફરનો અંત આવી રહ્યો છે. જોકે, બધાને લાગ્યું કે તેની પત્ની સારા ખાનને શોમાંથી બહાર કરી દેવામાં આવશે. કારણ કે, સારાએ તાજેતરમાં Bigg Boss ના સભ્યો સાથે જે રીતે હિંસક વર્તન કર્યું તે જોઈને બધાએ તેના પર કાર્યવાહીની માંગ કરી હતી. આવી સ્થિતિમાં અરફીનનું જવું એક મોટો ઝટકો છે. હાલમાં, આ સમાચાર વિશે સત્તાવાર માહિતી હજુ સુધી જાહેર કરવામાં આવી નથી. પણ જો આ વાત સાચી સાબિત થાય છે તો તે સારા ખાન માટે સૌથી મોટા ઝટકાથી ઓછું નહીં હોય.

કેટલા સ્પર્ધકો છે Bigg Boss હાઉસમાં?

શહેઝાદા ધામીને બિગ બોસ 18માં અરફીન ખાનના પહેલા શોમાંથી બહાર કરવામાં આવ્યો છે. તેમના સિવાય મુસ્કાન બાને, વિરલ ભાભી એટલે કે હેમા શર્મા અને નાયરા બેનર્જીને પણ ઘરની બહાર કરી દેવામાં આવ્યા હતા. જ્યારે, ગુણરત્ન સદાવર્તેને કેટલીક મહત્વપૂર્ણ બાબતને કારણે બહાર કરી દેવામાં આવ્યા હતા અને તે ફરીથી શોમાં પાછા આવી શકે છે. હવે ઘરમાં વિવિયન ડીસેના, આયેશા સિંહ, ફિટનેસ પ્રભાવક રજત દલાલ, ખતરોં કે ખિલાડી 14ના વિજેતા કરણ વીર મેહરા, અરુણાચલ પ્રદેશના ચૂમ દરંગ, અવિનાશ મિશ્રા, શિલ્પા શિરોડકર, શ્રુતિકા અર્જુન, બીજેપી નેતા તેજિંદર પાલ સિંહ બગ્ગા, એલિસ કૌશિક, ઈશા સિંઘ બાકી છે. તાજેતરમાં, સ્પ્લિટ્સવિલા 15 ના દિગ્વિજય સિંહ રાઠી અને કશિશ કપૂર વાઇલ્ડ કાર્ડ તરીકે શોમાં પ્રવેશ્યા છે.

આ પણ વાંચો:  Entertainment: 15 વર્ષની ઉંમરે કર્યું ડેબ્યૂ, બાળપણમાં મોતને આપી હતી માત, જાણો આ અભિનેત્રીએ વિશે