Maha Kumbh:હાડ થીજવતી ઠંડીમાં પણ શ્રદ્ધાળુઓમાં અનેરો ઉત્સાહ, પહેલા દિવસે જનમેદની

• યુપીના પ્રયાગરાજમાં મહાકુંભનો પ્રારંભ
• કરોડોની સંખ્યામાં ભક્તો ઉમટ્યા
• સીએમ યોગી આપ્યો ખાસ સંદેશ

Prayagraj Maha Kumbh 2025: યુપીના પ્રયાગરાજમાં (Prayagraj Maha Kumbh )ભારે ઠંડી અને ગાઢ ધુમ્મસ વચ્ચે સોમવારથી મહાકુંભ શરૂ થયો. તે દર 12 વર્ષે સંગમના કિનારે આયોજિત થાય છે, જ્યાં ગંગા, યમુના અને અદ્રશ્ય સરસ્વતીનો સંગમ થાય છે. પોષ પૂર્ણિમાના પ્રથમ શાહી સ્નાન માટે લાખો ભક્તો એકઠા થયા છે અને તેઓ શ્રદ્ધાની ડૂબકી લગાવી રહ્યા છે. દરમિયાન, સીએમ યોગી આદિત્યનાથે મહાકુંભના ઉદ્ઘાટન અને પ્રથમ સ્નાનની શુભેચ્છા પાઠવી છે. મહાકુંભને લઈને ઘણા વીડિયો સામે આવ્યા છે, જેમાં ભક્તોની ભારે ભીડ જોવા મળી રહી છે.

RAF અને CRPF ટીમો પણ સ્થળ પર હાજર

આજથી પ્રયાગરાજમાં ત્રિવેણી સંગમના કિનારે 45 દિવસનો મહાકુંભ 2025 શરૂ થયો હતો. મહાકુંભના વિવિધ સ્નાનઘાટો પર લગભગ 2 કરોડ શ્રદ્ધાળુઓ પવિત્ર સ્નાન કરે તેવી અપેક્ષા છે. મહાકુંભ મેળામાં ભારે ભીડ વચ્ચે ભક્તોની સુરક્ષા સુનિશ્ચિત કરવા માટે, NDRF ટીમો અને ઉત્તર પ્રદેશ પોલીસ વિવિધ સ્થળોએ તૈનાત છે. ઉપરાંત, RAF અને CRPF ટીમો પણ સ્થળ પર હાજર છે.

આ પણ  વાંચો-પ્રયાગરાજની ભૂમિ પર સનાતનનો ઉત્સવ, સંતોનો મેળાવડો, આધ્યાત્મિકતા અને આસ્થાની ડૂબકી

સીએમ યોગીનો ખાસ સંદેશ

મુખ્યમંત્રી યોગી આદિત્યનાથે ઇન્સ્ટાગ્રામ પર પોસ્ટ કરીને પોષ પૂર્ણિમાની શુભેચ્છાઓ પાઠવી. વિશ્વનો સૌથી મોટો આધ્યાત્મિક અને સાંસ્કૃતિક મેળાવડો 'મહાકુંભ' આજથી પવિત્ર શહેર પ્રયાગરાજમાં શરૂ થઈ રહ્યો છે. શ્રદ્ધા અને આધુનિકતાના સંગમ પર ધ્યાન અને પવિત્ર સ્નાન માટે, વિવિધતામાં એકતાનો અનુભવ કરવા માટે અહીં આવેલા બધા પૂજ્ય સંતો, કલ્પવાસીઓ, ભક્તોનું હાર્દિક સ્વાગત છે. માતા ગંગા સૌની મનોકામના પૂર્ણ કરે. મહાકુંભ પ્રયાગરાજના ઉદ્ઘાટન અને પ્રથમ સ્નાન માટે શુભકામનાઓ. શાશ્વત ગૌરવ - મહાકુંભ ઉત્સવ.

આ પણ  વાંચો-Mahakumbh 2025 પહેલા કુંભ મેળાનો શું છે ઇતિહાસ? જાણો તેના વિશે

IMD ના નવીનતમ અપડેટ જાણો

ભારતીય હવામાન વિભાગ (IMD) એ સોમવારે વરસાદની કોઈ શક્યતા નકારી કાઢી હતી, પરંતુ મોડી રાત્રે અને સવારે ગાઢ ધુમ્મસ છવાયું હતું. વરિષ્ઠ વૈજ્ઞાનિક અતુલ કુમાર સિંહે જણાવ્યું હતું કે દિવસ અને રાત્રિનું તાપમાન અનુક્રમે ૧૯-૨૧ ડિગ્રી અને ૧૦-૧૨ ડિગ્રી સેલ્સિયસ વચ્ચે રહેવાની ધારણા છે. કડકડતી ઠંડી અને ગાઢ ધુમ્મસ વચ્ચે ભક્તો શ્રદ્ધાની ડૂબકી લગાવશે.

આ પણ  વાંચો-Mahakumbh 2025: અનેક સિદ્ધિઓ પ્રાપ્ત કરેલ નાગા સાધુઓ મહાકુંભ મેળામાં આકર્ષણનું કેન્દ્ર બન્યા

જાણો ભક્તોએ શું કહ્યું?

મહાકુંભ મેળામાં પહોંચેલા ભક્ત વિજય કુમારે જણાવ્યું કે અહીંની વ્યવસ્થા ખૂબ સારી છે. ખાવા-પીવા અને રહેવા સહિતની દરેક વસ્તુની વ્યવસ્થા કરવામાં આવી છે. રસ્તાઓ પણ સારા છે. રાજસ્થાનના જયપુરના ભક્ત ચુન્ની લાલે સીએમ યોગી આદિત્યનાથ અને પીએમ મોદીનો આભાર માન્યો. તેમણે કહ્યું કે અહીં આવ્યા પછી તેમને સારું લાગી રહ્યું છે. અન્ય ભક્તોએ કહ્યું કે સરકારે સારી વ્યવસ્થા કરી છે. તેઓ પવિત્ર ડૂબકી લગાવવા જઈ રહ્યા છે.