Stock Market Update: Sensex એ સપ્તાહના ત્રીજા દિવસે રોકાણકારોને માલામાલ કર્યા

Stock Market Update: ભારતીય શેરબજારમાં ફરી એકવાર ઈતિહાસ સર્જાયો છે. આજે સવારથી ઉપર-નીચે થતા માર્કેટમાં બોમ્બે સ્ટોક એક્સચેન્જના 30 શેરોવાળા Sensex માં જોરદાર ઉછાળો જોવા મળ્યો હતો.

• ભારતીય શેરબજારમાં ફરી એરવાર ઐતિહાસિક ઉછાળો
• શરૂઆતમાં માર્કેટમાં નુકસાન જોવા મળ્યું હતું
• દિવસભરમાં Sensex અને Nifty માં નોંધપાત્ર ઉતાર-ચઢાવ

આજે Sensex માર્કેટમાં પ્રથમ વખત 74000 ને પાર પહોંચ્યો છે. જોકે Sensex ટ્રેડિંગના છેલ્લા કલાકોમાં લગભગ 400 પોઈન્ટના વધારા સાથે આ સિદ્ધિ હાંસલ કરી હતી. તેની સાથે Nifty માં પણ એકસાથે તાત્કાલિક ધોરણે 100 પોઈન્ટ વધ્યો હતો.

જોકે આ સપ્તાહના ત્રીજા ટ્રેડિંગ દિવસે શેરબજાર સવારથી નીચલા સ્તરે રહ્યું હતું. Sensex 73,587.70 ના સ્તર પર ખુલ્યો હતો. આ પછી દિવસભર બજારમાં ઉતાર-ચઢાવ જોવા મળ્યો હતો. આ પરથી સાબિત થતું હતું કે, સવારથી ખરીદદારો અને વેચાણકર્તાઓએ એકબીજા પર વર્ચસ્વ જમાવવાનો પ્રયાસ કરી રહ્યા હતા.

શેરબજારના ઈતિહાસમાં પહેલીવાર નોંધપાત્ર ઉછાળો થયો

પરંતુ શેરબજારના છેલ્લા કલાક દરમિયાન BSE Sensex એ મોટો ઉછાળો થયો હતો. ત્યારે 432 પોઈન્ટનો મજબૂત ઉછાળો મેળવીને 74,109.13 ના સ્તરે પહોંચ્યો હતો. શેરબજારના ઈતિહાસમાં આ પહેલીવાર છે જ્યારે Sensex આ સ્તરને પાર કર્યું છે.

જો Sensex ની મૂવમેન્ટની વાત કરીએ તો 73,587.70 પર ખુલ્યા બાદ આ ઈન્ડેક્સ 73,321.48 ના નીચા સ્તરે ગયો હતો. તે પછી 74,111.82 ના નવા ઉચ્ચ સ્તરે પહોંચ્યો હતો.

સેનસેક્સની સાથે નિફ્ટીમાં નોંધપાત્ર ઉછાળો નોંધાયો

જેમ National Stock Exchange નો Nifty-50 પણ ખૂબ જ ઝડપથી 22,327.50 ના સ્તરે ખૂલ્યા બાદ નિફ્ટી 22,224.35 ની નીચીલી સપાટીએ પહોંચ્યો હતો. અંતે નિફ્ટી 22,497.20 ની ઊંચી સપાટીએ પહોંચ્યો હતો.

આ પણ વાંચો: RBI Action: ગોલ્ડ પર નહીં મળે લોન, RBIએ આ કંપની વિરુદ્ધ કરી કાર્યવાહી